ཨ་དྷི་ཀ་ར་ཎ་བྷེ་ད་ཝ་ཎྞ་ནཱ

ཨུ་ཀྐོ་ཊ་ན་བྷེ་དཱ་དི་ཝ་ཎྞ་ནཱ

༣༤༠. ཨ་དྷི་ཀ་ར་ཎ་ཨུ་ཀྐོ་ཊེ་ན ས་མ་ཐཱ་ནཾ ཨུ་ཀྐོ་ཊཾ ད་སྶེ་ཏུནྟི ཨ་དྷི་ཀ་ར་ཎཱ་ནི ས་ཏྟ་ཧི ས་མ་ཐེ་ཧི ས་མྨ་ནྟི, ཏཱ་ནི ཨུ་ཀྐོ་ཊེ་ནྟོ ས་ཏྟ ས་མ་ཐེ ཨུ་ཀྐོ་ཊེ་ཏི ནཱ་མཱ་ཏི ཨ་དྷི་པྤཱ་ཡོ. པ་ས་ཝ་ཏཱིཏི ས་མྦྷ་ཝ་ཏི. ‘‘ཨ་ནུ་ཝཱ་དཱ་དྷི་ཀ་ར་ཎེ ལ་བྦྷ་ནྟཱི’ཏི་ཨཱ་དཱི་ནི ‘དྷ་མྨོ ཨ་དྷ་མྨོ’ཏི་ཨཱ་དཱི་ནཾ ས་མཱ་ན་ཏྟཱ ཏེ་སུ ཝི་སེ་ས་ཏོ ལ་བྦྷ་ནྟཱི’’ཏི ཝུ་ཏྟཾ. ཨ་ནི་ཧ་ཏནྟི སུ་ཏྟཱ་དི་ནཱ. ཨ་ཝི་ནི་ཙྪི་ཏནྟི ‘‘ཨཱ་པ་ཏྟི་ཨ་ནཱ་པ་ཏྟཱི’’ཏི་ཨཱ་དི་ནཱ. ‘‘ཏ་ཏྠ ཛཱ་ཏ་ཀཾ ཨ་དྷི་ཀ་ར་ཎཾ ཨུ་ཀྐོ་ཊེ་ཏི…པེ… ཏི་ཎ་ཝ་ཏྠཱ་ར་ཀཾ ཨུ་ཀྐོ་ཊེ་ཏཱི’’ཏི ད་སེ་ཝ ཝུ་ཏྟཱ. ‘‘ས་མྨུ་ཁཱ་ཝི་ན་ཡ་པ་ཊི་ཉྙཱ་ཏ་ཀ་ར་ཎ་ཡེ་བྷུ་ཡྻ་སི་ཀཱ ཨ་ཝུ་ཏྟ་ཏྟཱ ཨུ་ཀྐོ་ཊེ་ཏུཾ ན ས་ཀྐཱ, ཀ་མྨ་ཝཱ་ཙཱ་པི ཏེ་སཾ ན་ཏྠི. ཏ་སྨཱ ཏེ ཨུ་ཀྐོ་ཊེ་ཏུཾ ན ས་ཀྐཱ་ཏི ཝ་ད་ནྟཱི’’ཏི ལི་ཁི་ཏཾ. པཱ་ལི༹་མུ་ཏྟ་ཀ་ཝི་ནི་ཙྪ་ཡེ་ནེ་ཝཱཏི ཝི་ན་ཡ་ལ་ཀྑ་ཎཾ ཝི་ནཱ ཀེ་ཝ་ལཾ དྷ་མྨ་དེ་ས་ནཱ་མ་ཏྟ་ཝ་སེ་ནེ་ཝཱ་ཏི ཨ་ཏྠོ. ཁ་ནྡྷ་ཀ་ཏོ ཝཱ པ་རི་ཝཱ་ར་ཏོ ཝཱ ཨཱ་ནཱི་ཏ་སུ་ཏྟེ་ན. ནི་ཛ྄ཛྷཱ་པེ་ནྟི ད་སྶེ་ནྟི. པུ་བྦེ དྷ་མྨ་ཝི་ན་ཡེ་ན ཝི་ནི་ཙྪི་ཏཾ ཨ་དྷི་ཀ་ར་ཎཾ ཨུ་པ་ཛ྄ཛྷཱ་ཡཱ་དཱི་ནཾ ཨ་ཏྠཱ་ཡ ‘‘ཨ་དྷ་མྨཾ དྷ་མྨོ’’ཏི་ཨཱ་དཱི་ནི དཱི་པེ་ཏྭཱ་ཏི ཨ་ཏྠོ. ཝི་ས་མཱ་ནི ཀཱ་ཡ་ཀ་མྨཱ་དཱི་ནི ནི་སྶི་ཏ་ཏྟཱ ཝི་ས་མ་ནི་སྶི་ཏོ. ཨེ་ཝཾ སེ་སེ་སུ.

ཨ་དྷི་ཀ་ར་ཎ་ནི་དཱ་ནཱ་དི་ཝ་ཎྞ་ནཱ

༣༤༢-༣. ཀིཾ་ས་མྦྷཱ་རནྟི ཀིཾ་པ་རི་ཀྑཱ་རཾ, ཨེ་ཏྠ ཀིནྟི ལི་ངྒ་སཱ་མ་ཉྙ་མ་བྱ་ཡཾ. པུ་བྦེ ཨུ་པྤ་ནྣ་ཝི་ཝཱ་དཾ ནི་སྶཱ་ཡ པ་ཙྪཱ ཨུ་པྤ་ཛྫ་ན་ཀ་ཝི་ཝཱ་དོ ཝི་ཝཱ་ད་ནི་དཱ་ནཾ ནཱ་མ. ཨཱ་པ་ཏྟཱ་དྷི་ཀ་ར་ཎ་པ་ཙྩ་ཡཱ ཙ་ཏ་སྶོ ཨཱ་པ་ཏྟི་ཡོ ཨཱ་པ་ཛྫ་ཏཱིཏི བྷི་ཀྑུ་ནཱི ཛཱ་ནཾ པཱ་རཱ་ཛི་ཀཾ དྷ་མྨཾ པ་ཊི་ཙྪཱ་དེ་ཏི པཱ་རཱ་ཛི་ཀཾ, ཝེ་མ་ཏི་ཀཱ པ་ཊི་ཙྪཱ་དེ་ཏི ཐུ་ལླ་ཙྩ་ཡཾ, བྷི་ཀྑུ ས་ངྒྷཱ་དི་སེ་སཾ པ་ཊི་ཙྪཱ་དེ་ཏི པཱ་ཙི་ཏྟི་ཡཾ, ཨཱ་ཙཱ་ར་ཝི་པ་ཏྟིཾ པ་ཊི་ཙྪཱ་དེ་ཏི དུ་ཀྐ་ཊཾ. པུ་བྦེ ཀ་ཏ་ཨུ་ཀྑེ་པ་ནི་ཡཱ་དི་ཀི་ཙྩཾ ནི་སྶཱ་ཡ ཨུ་པྤ་ཛྫ་ན་ཀ་ཀི་ཙྩཱ་ནཾ. ཀཱི་དི་སཱ་ནཾ? ས་མ་ནུ་བྷཱ་ས་ནཱ་དཱི་ནཾ ཝ་སེ་ན. ཏཾ ཧཱིཏི ཨ་དྷི་ཀ་ར་ཎཾ.

༣༤༤. ཨ་དྷི་ཀ་ར་ཎེ་སུ ཡེ་ན ཨ་དྷི་ཀ་ར་ཎེ་ན ས་མྨ་ནྟི, ཏཾ ད་སྶེ་ཏུནྟི ཡ་དཱ ཨ་དྷི་ཀ་ར་ཎེ་ཧི ས་མྨ་ནྟི, ཏ་དཱ ཀི་ཙྩཱ་དྷི་ཀ་ར་ཎེ་ནེ་ཝ ས་མྨ་ནྟི, ན ཨ་ཉྙེ་ཧཱི་ཏི ད་སྶ་ན་ཏྠཾ ཝུ་ཏྟཾ, ན ཨེ་ཀ་ནྟ་ཏོ ཨ་དྷི་ཀ་ར་ཎེ་ནེ་ཝ ས་མྨ་ནྟཱི་ཏི ད་སྶ་ན་ཏྠཾ.

༣༤༨. ཨཱ་པ་ཏྟཱ་དྷི་ཀ་ར་ཎེ ས་ངྒྷོ ཝི་ཝ་ད་ཏཱིཏི ཨཱ་པ་ཏྟཱ་ནཱ་པ་ཏྟཱི་ཏི ཨེ་ཝཾ.

༣༥༣. ས་མུ་ཊྛཱ་ནཱ་བྷཱ་ཝ་ཏོ ས་མྨུ་ཁཱ་ཝི་ན་ཡེ ཀ་མྨ་སྶ ཀི་རི་ཡཱ་ཀ་ར་ཎ་མི་ཙྩཱ་དི་ནཱ ཨ་ཝི་བྷ་ཛི་ཏྭཱ་ཝ ས་ཏི་ཝི་ན་ཡཱ་དཱི་ནཾ ཚ་ནྣཾ་ཡེ་ཝ ཚ ས་མུ་ཊྛཱ་ནཱ་ནི ཝི་བྷ་ཏྟཱ་ནི. ཏཾ ཀ་སྨཱ? ཀ་མྨ་ས་ངྒ་ཧཱ་བྷཱ་ཝེ་ན, ས་ཏི་ཝི་ན་ཡཱ་དཱི་ནཾ ཝི་ཡ ས་ངྒྷ་ས་མྨུ་ཁ་ཏཱ་དཱི་ནཾ ཀི་ཙྩ་ཡ་ཏཱ ནཱ་མ ན་ཏྠཱི་ཏི ཨ་དྷི་པྤཱ་ཡོ.

ཨ་དྷི་ཀ་ར་ཎ་བྷེ་ད་ཝ་ཎྞ་ནཱ ནི་ཊྛི་ཏཱ.