སེ་ད་མོ་ཙ་ན་གཱ་ཐཱ་ཝ་ཎྞ་ནཱ

ཨ་ཝི་པྤ་ཝཱ་ས་པ་ཉྷཱ་ཝ་ཎྞ་ནཱ

༤༧༩. ཏ་ཧིནྟི ཏ་སྨིཾ པུ་གྒ་ལེ. ཨ་ཀ་པྤི་ཡ་ས་མྦྷོ་གོ ནཱ་མ མེ་ཐུ་ན་དྷ་མྨཱ་དི. ‘‘ཝ་ར་སེ་ནཱ་ས་ན་ར་ཀྑ་ཎ་ཏྠཱ་ཡ ཝི་སྶ་ཛྫེ་ཏྭཱ པ་རི་བྷུ་ཉྫི་ཏུཾ ཝ་ཊྚ་ཏཱི’’ཏི ག་རུ་བྷ་ཎྜ་ཝི་ནི་ཙྪ་ཡེ ཝུ་ཏྟོ. ཨེ་ཀཱ་ད་སཱ་ཝ་ནྡི་ཡེ པ་ཎྜ་ཀཱ་ད་ཡོ ཨེ་ཀཱ་ད་ས. ཨུ་པེ་ཏི ས་པ་རི་སཾ. ན ཛཱི་ཝ་ཏི ནི་མྨི་ཏ་རཱུ་པ་ཏྟཱ. ‘‘ཨུ་བྦྷ་ཀྑ་ཀེ་ན ཝ་དཱ་མཱི’’ཏི ཨི་མི་ནཱ མུ་ཁེ མེ་ཐུ་ན་དྷ་མྨཱ་བྷཱ་ཝཾ དཱི་པེ་ཏི. ཨ་དྷོ་ནཱ་བྷི་ཝི་ཝ་ཛྫ་ནེ་ན ཝ་ཙྩ་མ་གྒ་པྤ་སྶཱ་ཝ་མ་གྒེ་སུ. གཱ་མ་ནྟ་ར་པ་རི་ཡཱ་པ་ནྣཾ ན་དི་པཱ་རཾ ཨོ་ཀྐ་ནྟ་བྷི་ཀྑུ་ནིཾ ས་ནྡྷཱ་ཡཱཏི བྷི་ཀྑུ་ནི་ཡཱ གཱ་མཱ་པ་རི་ཡཱ་པ་ནྣ་པ་ར་ཏཱི་རེ ན་དི་ས་མཱི་པ་མེ་ཝ ས་ནྡྷཱ་ཡ ཝུ་ཏྟཱ. ཏ་ཏྠ པ་ར་ཏཱི་རེ གཱ་མཱུ་པ་ཙཱ་རོ ཨེ་ཀ་ལེ་ཌྜུ་པཱ་ཏོ ན་དི་པ་རི་ཡ་ནྟེ་ན པ་རི་ཙྪི་ནྣོ, ཏ་སྨཱ པ་ར་ཏཱི་རེ ར་ཏ་ན་མ་ཏྟ་མྤི ཨ་ར་ཉྙཾ ན ཨ་ཏྠི, ཏ་ཉྩ ཏི་ཎཱ་དཱི་ཧི པ་ཊི་ཙྪ་ནྣ་ཏྟཱ ད་སྶ་ནཱུ་པ་ཙཱ་ར་ཝི་ར་ཧི་ཏཾ ཀ་རོ་ཏི. ཏ་ཏྠ ཨ་ཏྟ་ནོ གཱ་མེ ཨཱ་པ་ཏྟི ན་ཏྠི. པ་ར་ཏཱི་རེ པ་ན ཨེ་ཀ་ལེ་ཌྜུ་པཱ་ཏ་ས་ངྑཱ་ཏེ གཱ་མཱུ་པ་ཙཱ་རེ་ཡེ་ཝ པ་དཾ ཋ་པེ་ཏི. ཨ་ནྟ་རེ ཨ་བྷི་དྷ་མྨ་ཝ་སེ་ན ཨ་ར་ཉྙ་བྷཱུ་ཏཾ ས་ཀ་གཱ་མཾ ཨ་ཏི་ཀྐ་མ་ཏི ནཱ་མ, ཏ་སྨཱ ག་ཎ་མྷཱ ཨོ་ཧཱི་ཡ་ནཱ ཙ ཧོ་ཏཱི་ཏི ཉཱ་ཏ་བྦཾ. ཨེ་ཏྟཱ་ཝ་ཏཱ་པི ས་ནྟོ་ས་མ་ཀ་ཏྭཱ ཝི་ཙཱ་རེ་ཏྭཱ ག་ཧེ་ཏ་བྦཾ. བྷི་ཀྑཱུ་ནཾ ས་ནྟི་ཀེ ཨུ་པ་ས་མྤ་ནྣཱ པ་ཉྩ་ས་ཏཱ མ་ཧཱ་པ་ཛཱ་པ་ཏི་པྤ་མུ་ཁཱ. མ་ཧཱ་པ་ཛཱ་པ་ཏི་པི ཧི ཨཱ་ན་ནྡ་ཏྠེ་རེ་ན དི་ནྣ་ཨོ་ཝཱ་ད་སྶ པ་ཊི་གྒ་ཧི་ཏ་ཏྟཱ བྷི་ཀྑཱུ་ནཾ ས་ནྟི་ཀེ ཨུ་པ་ས་མྤ་ནྣཱ ནཱ་མ.

པཱ་རཱ་ཛི་ཀཱ་དི་པ་ཉྷཱ་ཝ་ཎྞ་ནཱ

༤༨༠. ‘‘དུ་སྶ་ཀུ་ཊིཾ ས་ནྡྷཱ་ཡཱ’’ཏི ས་ཧ དུ་སྶེ་ན ཝཱི་ཏི་ཀྐ་མ་ན་སྶ ས་ཀྐུ་ཎེ་ཡྻ་ཏཱ་ཡ ཝུ་ཏྟཾ. ལི་ངྒ་པ་རི་ཝ་ཏྟེ པ་ཊི་གྒ་ཧ་ཎ་སྶ ཝི་ཛ་ཧ་ན་ཏོ སཱ་མཾ ག་ཧེ་ཏྭཱ བྷུ་ཉྫི་ཏུཾ ན ཝ་ཊྚ་ཏི. ཀཱ་ཀ་ཨཱུ་ཧ་ད་ནཾ ཝཱཏི ཀཱ་ཀེ་ན ཨཱུ་ཧ་ད་ནཾ ཝཱ. ‘‘ཏ་ཡོ པུ་རི་སེ་པི ཨུ་པ་ག་ནྟྭཱ’’ཏི པཱ་ཋ་སེ་སོ.

པཱ་ཙི་ཏྟི་ཡཱ་དི་པ་ཉྷཱ་ཝ་ཎྞ་ནཱ

༤༨༡. མེ་ཐུ་ན་དྷ་མྨ་པ་ཙྩ་ཡཱ ནཱ་མ ཀཱ་ཡ་སཾ་ས་གྒོ. ཏཾ་ཧེ་ཏུ མེ་ཐུ་ན་དྷ་མྨ་སྶ པུ་བྦ་བྷཱ་ག་བྷཱུ་ཏཾ ཀཱ་ཡ་སཾ་ས་གྒཾ ཝཱ་ཡཱ་མ་ནྟི་ཡཱ་ཏི ཨ་ཊྛ་ཝ་ཏྠུ་པཱུ་ར་ཎཾ ས་ནྡྷཱ་ཡ. པ་རི་བྷོ་ག་པྤ་ཙྩ་ཡཱཏི པ་རི་བྷོ་ག་ཀཱ་ར་ཎཱ. ཏ་སྨཱཏི ཡ་སྨཱ པ་རི་བྷོ་ག་པྤ་ཙྩ་ཡཱ ཨཱ་པ་ཛྫ་ཏི, ཏ་སྨཱ བྷོ་ཛ་ན་པ་རི་ཡོ་སཱ་ནེ ཧོ་ཏཱི་ཏི ཨ་ཏྠོ. པོ་རཱ་ཎ་པོ་ཏྠ་ཀེ་སུ ‘‘ཏ་སྶཱ’’ཏི པཱ་ཋོ. ‘‘ཀཱ་ར་ཎ་ཝ་ཙ་ནཾ སུ་ནྡ་རཾ བྷོ་ཛ་ན་པ་རི་ཙྪེ་ད་ད་སྶ་ན་ཏོ’’ཏི ཝ་ད་ནྟི.

སེ་ད་མོ་ཙ་ན་གཱ་ཐཱ་ཝ་ཎྞ་ནཱ ནི་ཊྛི་ཏཱ.