པ་ཉྩ་ཝ་གྒོ
ཀ་མྨ་ཝ་གྒ་ཝ་ཎྞ་ནཱ
༤༨༣. ‘‘ཨུ་མྨ་ཏྟ་ཀ་ས་མྨུ་ཏིཾ ཨུ་མྨ་ཏྟ་ཀེ ཡཱ་ཙི་ཏྭཱ ག་ཏེ ཨ་ས་མྨུ་ཁཱ་པི དཱ་ཏུཾ ཝ་ཊྚ་ཏཱི’’ཏི ཝུ་ཏྟཾ. ཏ་ཏྠ ནི་སི་ནྣེ་པི ན ཀུ་པྤ་ཏི ནི་ཡ་མཱ་བྷཱ་ཝཱ. ཨ་ས་མྨུ་ཁཱ ཀ་ཏེ དོ་སཱ་བྷཱ་ཝཾ ད་སྶེ་ཏུཾ ‘‘ཨ་ས་མྨུ་ཁཱ་ཀ་ཏཾ སུ་ཀ་ཏཾ ཧོ་ཏཱི’’ཏི ཝུ་ཏྟཾ. དཱུ་ཏེ་ན ཨུ་པ་ས་མྤ་དཱ པ་ནེ་ཏྠ ས་མྨུ་ཁཱ ཀཱ་ཏུཾ ན ས་ཀྐཱ. ཀ་མྨ་ཝཱ་ཙཱ་ནཱ་ན་ཏྟ་ས་བྷཱ་ཝཱ པ་ཏྟ་ནི་ཀྐུ་ཛྫ་ནཱ་ད་ཡོ ཧ་ཏྠ་པཱ་ས་ཏོ ཨ་པ་ནེ་ཏྭཱ ཀཱ་ཏ་བྦཱ, ཏེ་ན ཝུ་ཏྟཾ ‘‘ཨ་ས་མྨུ་ཁཱ ཀ་ཏཾ སུ་ཀ་ཏཾ ཧོ་ཏཱི’’ཏི. ‘‘པུ་ཙྪི་ཏྭཱ ཙོ་དེ་ཏྭཱ སཱ་རེ་ཏྭཱ ཀཱ་ཏ་བྦཾ ཨ་པུ་ཙྪི་ཏྭཱ ཨ་ཙོ་དེ་ཏྭཱ ཨ་སཱ་རེ་ཏྭཱ ཀ་རོ་ཏཱི’’ཏི ཨ་ཡཾ ཝ་ཙ་ན་ཏྠོ. ཋ་པེ་ཏྭཱ ཀ་ཏྟི་ཀ་མཱ་སནྟི སོ པ་ཝཱ་ར་ཎཱ་མཱ་སོ, དྭེ ཙ པུ་ཎྞ་མཱ་སི་ཡོཏི པ་ཋ་མ་དུ་ཏི་ཡ་ཝ་སྶཱུ་པ་ག་ཏཱ་ནཾ པ་ཝཱ་ར་ཎཱ པུ་ཎྞ་མཱ་སཱ དྭེ.
༤༨༥. པ་དཾ ཝཱ ཚ་ཌྜེ་ཏཱི་ཏི ཨ་ཏྠོ. ཀ-ཝ་གྒཱ་དཱི་སུ པ་ཉྩ་སུ. ག་རུ་ཀནྟི དཱི་གྷཾ, སཾ་ཡོ་ག་པ་ར་ཉྩ. ‘‘བུ་དྡྷ་ར་ཀྑི་ཏ་ཏྠེ་ར་སྶ ཡ་སྶ ན་ཀྑ་མ་ཏཱི’’ཏི ཨེ་ཏྠ ཏ-ཀཱ་ར་ཀ-ཀཱ་རཱ སཾ་ཡོ་ག་པ་རཱ. དཱི་གྷེ ཝ་ཏྟ་བྦེ ར་སྶནྟི ‘‘སོ ཏུ་ཎྷཱི ཨ་སྶཱ’’ཏི ཝ་ཏྟ་བྦེ སོ ཏུ་ཎྷི ཨ་སྶཱ་ཏི ཝ་ཙ་ནཾ.
༤༨༦. སེ་ས་ཊྛ་ཀ་ཐཱ་སུ ཝུ་ཏྟ་ཝ་ཙ་ནཾ ཀུ་རུ་ནྡི་ཡཾ པཱ་ཀ་ཊཾ ཀ་ཏྭཱ ‘‘ནི་སཱི་དི་ཏུཾ ན ས་ཀྐོ་ནྟཱི’’ཏི ཝུ་ཏྟཾ.
༤༨༧-༨. པ་རི་སུ་དྡྷ་སཱི་ལཱ ཙ་ཏྟཱ་རོ བྷི་ཀྑཱུཏི པཱ་རཱ་ཛི་ཀཾ ཨ་ནཱ་པ་ནྣཱ. ན ཏེ་སཾ ཚ་ནྡོ ཝཱ པཱ་རི་སུ་དྡྷི ཝཱ ཨེ་ཏཱིཏི ཏཱི་སུ, དྭཱི་སུ ཝཱ ནི་སི་ནྣེ་སུ ཨེ་ཀ་སྶ, དྭི་ནྣཾ ཝཱ ཚ་ནྡ་པཱ་རི་སུ་དྡྷི ཨཱ་ཧ་ཊཱ་པི ཨ་ནཱ་ཧ་ཊཱ་ཝ.
ཨ་པ་ལོ་ཀ་ན་ཀ་མྨ་ཀ་ཐཱ་ཝ་ཎྞ་ནཱ
༤༩༥-༦. ཀཱ་ཡ་ས་མྦྷོ་ག་སཱ་མ་གྒི་དཱ་ན་ས་ཧ་སེ་ཡྻ་པ་ཊི་གྒ་ཧ་ཎཱ་དི ཨི་མ་སྶ ཨ་པ་ལོ་ཀ་ན་ཀ་མྨ་སྶ ཋཱ་ནཾ ཧོ་ཏཱི་ཏི ཨེ་ཝ་མྤི ཨ་པ་ལོ་ཀ་ན་ཀ་མྨཾ པ་ཝ་ཏྟ་ཏཱི་ཏི ཨ་ཏྠོ. ཀ་མྨ་ཉྙེ་ཝ ལ་ཀྑ་ཎ་ནྟི ཀ་མྨ་ལ་ཀྑ་ཎཾ. ཨོ་སཱ་ར་ཎ་ནི་སྶཱ་ར་ཎ་བྷ་ཎྜུ་ཀ་མྨཱ་ད་ཡོ ཝི་ཡ ཀ་མྨ་ཉྩ ཧུ་ཏྭཱ ཨ་ཉྙ་ཉྩ ནཱ་མཾ ན ལ་བྷ་ཏི, ཀ་མྨ་མེ་ཝ ཧུ་ཏྭཱ ཨུ་པ་ལ་ཀྑཱི་ཡ་ཏཱི་ཏི ཀ་མྨ་ལ་ཀྑ་ཎཾ ཨུ་པ་ནི་སྶ་ཡོ ཝི་ཡ. ཧེ་ཏུ་པ་ཙྩ་ཡཱ་དི་ལ་ཀྑ་ཎ་ཝི་མུ་ཏྟོ ཧི ས་བྦོ པ་ཙྩ་ཡ་ཝི་སེ་སོ ཏ་ཏྠ ས་ངྒ་ཡ྄ཧ་ཏི, ཨེ་ཝ་མྤི ‘‘ཀ་མྨ་ལ་ཀྑ་ཎ་མེ་ཝཱ’’ཏི ཝུ་ཏྟཾ. ཀ་མྨ་ལ་ཀྑ་ཎཾ ད་སྶེ་ཏུཾ ‘‘ཨ་ཙྪི་ནྣ་ཙཱི་ཝ་ར་ཛི་ཎྞ་ཙཱི་ཝ་ར་ན་ཊྛ་ཙཱི་ཝ་རཱ་ན’’ནྟི་ཨཱ་དི ཝུ་ཏྟཾ. ‘‘ཏ་ཏོ ཨ་ཏི་རེ་ཀཾ དེ་ནྟེ་ན ཨ་པ་ལོ་ཀེ་ཏྭཱ དཱ་ཏ་བྦ’’ནྟི ཝུ་ཏྟཾ ཨ་པ་ལོ་ཀ་ནཾ ཀ་མྨ་ལ་ཀྑ་ཎ་མེ་ཝ. ཨེ་ཝཾ ས་བྦ་ཏྠ ལ་ཀྑ་ཎཾ ཝེ་དི་ཏ་བྦཾ. ཨི་ཎ་པ་ལི་བོ་དྷ་མྤཱིཏི ས་ཙེ ཏཱ་དི་སཾ བྷི་ཀྑུཾ ཨི་ཎཱ་ཡི་ཀཱ པ་ལི་བུ་ཛ྄ཛྷ་ནྟི. ཏ་ཏྲུ་པྤཱ་ད་ཏོ དཱ་ཏུཾ ཝ་ཊྚ་ཏི. ཨ་ནྟ་ར་ས་ནྣི་པཱ་ཏོཏི ཨུ་པོ་ས་ཐ་པྤ་ཝཱ་ར་ཎཱ་དི་མ་ཧཱ་ས་ནྣི་པཱ་ཏེ ཋ་པེ་ཏྭཱ ཨ་ནྟ་རཱ མ་ངྒ་ལུ་ཙྩཱ་ར་ཎཱ་དི. ཨུ་པ་ནི་ཀྑེ་པ་ཏོཏི ཙེ་ཏི་ཡ་སྶ ཨཱ་པ་ད་ཏྠཱ་ཡ ནི་ཀྑི་ཏྟ་ཏོ. ‘‘ཨ་ཉྙཱ ཀ་ཏི་ཀཱ ཀཱ་ཏ་བྦཱ’’ཏི ཡེ རུ་ཀྑེ ཨུ་དྡི་སྶ པུ་བྦེ ཀ་ཏི་ཀཱ ཀ་ཏཱ, ཏེ་ཧི ཨི་མེ་སཾ ཨ་ཉྙ་ཏྟཱ་ཏི ཝུ་ཏྟཾ. ‘‘ས་ཙེ ཏ་ཏྠ མཱུ་ལེ’’ཏི པུ་བྦེ ‘‘ཨི་ཏོ པ་ཊྛཱ་ཡ བྷཱ་ཛེ་ཏྭཱ ཁཱ་ད་ནྟཱུ’’ཏི ཝ་ཙ་ནེ་ན པུ་གྒ་ལི་ཀ་པ་རི་བྷོ་གོ པ་ཊི་ཀྑི་ཏྟོ ཧོ་ཏི. ཨ་ནུ་ཝི་ཙ་རི་ཏྭཱཏི པ་ཙྪ་ཏོ པ་ཙྪ་ཏོ ག་ནྟྭཱ. ཏེ་སཾ ས་ནྟི་ཀཱ པ་ཙྩ་ཡཾ པ་ཙྩཱ་སཱི་ས་ནྟེ་ནཱ་ཏི ཨ་ཏྠོ. མཱུ་ལ་བྷཱ་གནྟི ད་ས་མ་བྷཱ་གཾ ཀ་ཏྭཱ. པུ་བྦ་ཀཱ་ལེ ད་ས་མ་བྷཱ་གཾ ཀ་ཏྭཱ ཨ་དཾ་སུ, ཏ་སྨཱ ‘‘མཱུ་ལ་བྷཱ་གོ’’ཏི ཝུ་ཏྟཾ. ཨ་ཀ་ཏཱ་ཝཱ་སཾ ཝཱ ཀ་ཏྭཱཏི ཨུ་པྤ་ནྣ་ཨཱ་ཡེ་ན. ཛ་གྒི་ཏ་ཀཱ་ལེ་ཡེ་ཝ ན ཝཱ་རེ་ཏ་བྦཱཏི ཛ་གྒི་ཏཱ ཧུ་ཏྭཱ པུ་པྥ་ཕ་ལ་བྷ་རི་ཏ་ཀཱ་ལེ་ཏི ཨ་ཏྠོ. ཛ་གྒ་ན་ཀཱ་ལེཏི ཛ་གྒི་ཏུཾ ཨཱ་ར་དྡྷ་ཀཱ་ལེ. ཉ་ཏྟི་ཀ་མྨ་ཊྛཱ་ན་བྷེ་དེ པ་ནཱཏི ཉ་ཏྟི་ཀ་མྨ་སྶ ཋཱ་ན་བྷེ་དེ.
ཨི་དཾ པ་ནེ་ཏྠ པ་ཀི་ཎྞ་ཀཾ – ཨ་ཏྠི ས་ངྒྷ་ཀ་མྨཾ ས་ངྒྷོ ཨེ་ཝ ཀ་རོ་ཏི, ན ག་ཎོ, ན པུ་གྒ་ལོ, ཏཾ ཨ་པ་ལོ་ཀ་ན་ཀ་མྨ་སྶ ཀ་མྨ་ལ་ཀྑ་ཎེ་ཀ་དེ་སཾ ཋ་པེ་ཏྭཱ ཨི་ཏ་རཾ ཙ་ཏུ་བྦི་དྷ་མྤི ཀ་མྨཾ ཝེ་དི་ཏ་བྦཾ. ཨ་ཏྠི ས་ངྒྷ་ཀ་མྨཾ ས་ངྒྷོ ཙ ཀ་རོ་ཏི, ག་ཎོ ཙ ཀ་རོ་ཏི, པུ་གྒ་ལོ ཙ ཀ་རོ་ཏི, ཏཾ པུ་བྦེ ཋ་པི་ཏཾ. ཝུ་ཏྟ་ཉྷེ་ཏཾ ‘‘ཡ་སྨིཾ ཝི་ཧཱ་རེ དྭེ ཏ་ཡོ ཛ་ནཱ ཝ་ས་ནྟི, ཏེ་ཧི ནི་སཱི་དི་ཏྭཱ ཀ་ཏ་མྤི ས་ངྒྷེ་ན ཀ་ཏ་ས་དི་ས་མེ་ཝ. ཡ་སྨིཾ པ་ན ཝི་ཧཱ་རེ ཨེ་ཀོ བྷི་ཀྑུ ཧོ་ཏི, ཏེ་ན བྷི་ཀྑུ་ནཱ’’ཏི་ཨཱ་དི (པ་རི. ཨ་ཊྛ. ༤༩༥-༤༩༦). ཨ་ཏྠི ག་ཎ་ཀ་མྨཾ ས་ངྒྷོ ཙ ཀ་རོ་ཏི, ག་ཎོ ཙ ཀ་རོ་ཏི, པུ་གྒ་ལོ ཙ ཀ་རོ་ཏི, ཏཾ ཡོ པཱ་རི་སུ་དྡྷི་ཨུ་པོ་ས་ཐོ ཨ་ཉྙེ་སཾ ས་ནྟི་ཀེ ཀ་རཱི་ཡ་ཏི, ཏ་སྶ ཝ་སེ་ན ཝེ་དི་ཏ་བྦཾ. ཨ་ཏྠི ག་ཎ་ཀ་མྨཾ ག་ཎོ་ཝ ཀ་རོ་ཏི, ན ས་ངྒྷོ, ན པུ་གྒ་ལོ, ཏཾ ཡོ པཱ་རི་སུ་དྡྷི་ཨུ་པོ་ས་ཐོ ཨ་ཉྙ་མ་ཉྙཾ ཨཱ་རོ་ཙ་ན་ཝ་སེ་ན ཀ་རཱི་ཡ་ཏི, ཏ་སྶ ཝ་སེ་ན ཝེ་དི་ཏ་བྦཾ. ཨ་ཏྠི པུ་གྒ་ལ་ཀ་མྨཾ པུ་གྒ་ལོ་ཝ ཀ་རོ་ཏི, ན ས་ངྒྷོ, ན ག་ཎོ, ཏཾ ཨ་དྷི་ཊྛཱ་ནུ་པོ་ས་ཐ་ཝ་སེ་ན ཝེ་དི་ཏ་བྦཾ. ཨ་ཏྠི ག་ཎ་ཀ་མྨཾ ཨེ་ཀ་ཙྩོ་ཝ ག་ཎོ ཀ་རོ་ཏི, ཨེ་ཀ་ཙྩོ ན ཀ་རོ་ཏི, ཏ་ཏྠ ཨ་ཉ་ཏྟི་ཀཾ དྭེ་ཡེ་ཝ ཀ་རོ་ནྟི, ན ཏ་ཡོ. ས་ཉ་ཏྟི་ཀཾ ཏ་ཡོ་ཝ ཀ་རོ་ནྟི, ན ཏ་ཏོ ཨཱུ་ནཱ ཝཱ ཨ་དྷི་ཀཱ ཝཱ་ཏི.
ཨ་པ་ཉྙ་ཏྟེ་པ་ཉྙ་ཏྟ་ཝ་གྒ་ཝ་ཎྞ་ནཱ
༥༠༠. ཀ་ཀུ་ས་ནྡྷ་ཀོ་ཎཱ་ག་མ་ན་ཀ་སྶ་པཱ ཨེ་ཝ ཧི ས་ཏྟ ཨཱ་པ་ཏྟི་ཀྑ་ནྡྷེ པ་ཉྙ་པེ་སུཾ. ཝི་པ་སྶཱི་ཨཱ་ད་ཡོ པ་ན ཨོ་ཝཱ་ད་པཱ་ཏི་མོ་ཀྑཾ ཨུ་དྡི་སིཾ་སུ, ན སི་ཀྑཱ་པ་དཾ པ་ཉྙ་པེ་སུཾ.
ནི་ག་མ་ན་ཀ་ཐཱ་ཝ་ཎྞ་ནཱ
ཨུ་བྷ་ཏོ་ཝི་བྷ་ངྒ་ཁ་ནྡྷ་ཀ་པ་རི་ཝཱ་རེ་ཧི ཝི་བྷ་ཏྟཾ དེ་ས་ནཾ ཨ་ཏྠི ཏ་སྶ ཝི་ན་ཡ་པི་ཊ་ཀ་སྶ, ནཱ་མེ་ན ས་མ་ནྟ་པཱ་སཱ་དི་ཀཱ ནཱ་མ སཾ་ཝ་ཎྞ་ནཱ ‘‘ས་མ་ནྟ་པཱ་སཱ་དི་ཀཱ ནཱ་མཱ’’ཏི ཝུ་ཏྟ་ཝ་ཙ་ན་སཾ་ཝ་ཎྞ་ནཱ ས་མ་ཏྟཱ་ཏི ཨཱ་ཧ. ཏ་ཏྠ པ་དྷཱ་ན་གྷ་རེ. ཨི་དྡྷཱ ཨ་ཏྠ་ཝི་ནི་ཙྪ་ཡཱ་དཱི་ཧི.
ས་མྨཱ ཨུ་དི་ཏོ ས་མུ་དི་ཏོ, ཏེ གུ་ཎེ ཨ་ཀི་ཙྪེ་ན ཨ་དྷི་ག་ཏོ ཨ་དྷི་ཀ་པྤ་མཱ་ཎ་གུ་ཎེ་ཧི ཝཱ ས་མུ་དི་ཏོ, ཏེ་ན ས་མུ་དི་ཏེ་ན ‘‘ག་ཏཱ་ནཾ དྷ་མྨཱ་ནཾ ག་ཏི་ཡོ ས་མ་ནྣེ་ས་ཏཱི’’ཏི ཝུ་ཏྟཱ་ཡ ས་ཏི་ཡཱ ཨུ་པྤཱ་དི་ཏཱ ས་དྡྷཱ་ད་ཡོ པ་ར་མ་ཝི་སུ་དྡྷཱ ནཱ་མ ས་མ་ནྣཱ་ར་ཀྑ་ཏྟཱ. ཨི་ཏི ས་ཏི་པི ས་དྡྷཱ་དཱི་ཧི ཝུ་ཏྟཱ ཧོ་ཏི. ཨེ་ཝཾ ས་ནྟེ ཨེ་ཏྠ ཝུ་ཏྟེ ཙ་ཏུ་བྦི་དྷེ སཱི་ལེ པཱ་ཏི་མོ་ཀྑ་སཾ་ཝ་ར་སཱི་ལཾ ས་དྡྷཱ མ་ཎྜེ་ཏི. ས་དྡྷཱ་སཱ་དྷ་ན་ཉྷི ཏཾ. ཨི་ནྡྲི་ཡ་སཾ་ཝ་རཱ་ཛཱི་ཝ་པཱ་རི་སུ་དྡྷི་པ་ཙྩ་ཡ་པ་རི་བྷོ་ག་སཱི་ལཱ་ནི པ་ཊི་མ་ཎྜེ་ནྟི ས་ཏི་ཝཱི་རི་ཡ་པ་ཉྙཱ་ཡོ་ཏི ཡ་ཐཱ་ཡོ་གཾ ཝེ་དི་ཏ་བྦཾ. ཨ་པི་ཙ ས་དྡྷཱ ཙ བུ་དྡྷི་ར་ཧི་ཏཱ ཨ་ཝི་སུ་དྡྷཱ ཧོ་ཏི བུ་དྡྷི་ཡཱ པ་སཱ་ད་ཧེ་ཏུ་ཏྟཱ. བུ་དྡྷི་ཡོ པ་ན ཏ་སྶཱ་ནུ་བྷཱ་ཝེ་ན པ་ར་མ་ཝི་སུ་དྡྷཱ ནཱ་མ ཧོ་ནྟི. པ་ཉྙཱ ས་དྡྷཱ་ར་ཧི་ཏཱ ཀེ་རཱ་ཊི་ཀ་པ་ཀྑཾ བྷ་ཛ་ཏི, ས་དྡྷཱ་ཡུ་ཏྟཱ ཨེ་ཝ ཝི་སུ་དྡྷཱ ཧོ་ཏི. ཝཱི་རི་ཡ་ཉྩ ས་མཱ་དྷི་ར་ཧི་ཏཾ ཨུ་དྡྷ་ཙྩཱ་ཡ སཾ་ཝ་ཏྟ་ཏི, ན ས་མཱ་དྷི་ཡུ་ཏྟ་ནྟི ཝཱི་རི་ཡ་སྶ སུ་དྡྷ་ཝ་ཙ་ན་ཏོ ས་མཱ་དྷི་པི ཝུ་ཏྟོ ཧོ་ཏི, ཨེ་ཝཾ པ་ར་མ་ཝི་སུ་དྡྷཱ ས་དྡྷཱ་ད་ཡོ་པི པཱ་ཏི་མོ་ཀྑཾ པ་ཊི་མ་ཎྜེ་ནྟཱི་ཏི ཉཱ་ཏ་བྦཾ. ཀ་ཐཾ? པ་ཊི་པ་ཏྟི་དེ་ས་ཀེ ས་ཏྠ་རི ཙ པ་ཊི་པ་ཏྟི་ཡ་ཉྩ པ་ཊི་པ་ཏྟི་ཕ་ལེ ཙ ས་དྡྷཱ་ཡ ཝི་ནཱ སཱི་ལ་ས་མཱ་དཱ་ནཾ, ས་མཱ་དི་ནྣ་ཝི་སོ་དྷ་ན་ཉྩ ཀཱ་ཏུཾ ན ས་ཀྐཱ་ཏི ས་དྡྷཱ པཱ་ཏི་མོ་ཀྑཾ པ་ཊི་མ་ཎྜེ་ཏི. ཏ་ཏྠ ‘‘ཨི་ཏི་པི སོ བྷ་ག་ཝཱ’’ཏི་ཨཱ་དི་ནཱ (དཱི. ནི. ༡.༢༥༥; མ. ནི. ༡.༧༤; སཾ. ནི. ༡.༢༤༩) ས་ཏྠ་རི ཙ པཱུ་ཛེ་ཏུཾ ས་ཀྐོ་ཏི. པ་ཊི་པ་ཏྟི་ཡཾ སཱི་ལ་ཝི་པ་ཏྟི་ས་མྤ་ཏྟི་མཱུ་ལ་ཀེ ས་ནྡི་ཊྛི་ཀ་ས་མྤ་རཱ་ཡི་ཀ་ཕ་ལེ ཙ ས་དྡྷཱ་པ་ཝ་ཏྟི ཝི་ཏྠཱ་ར་ཏོ ཉཱ་ཏ་བྦཱ, སཱི་ལ་ཝི་པ་ཏྟི་ས་མྤ་ཏྟི་ནི་མི་ཏྟཾ ཨཱ་དཱི་ན་ཝ་མཱ་ནི་སཾ་ས་ཉྩ ཨཱ་དཱི་ན་ཝ་པ་རི་ཙྩཱ་གེ, ཨཱ་ནི་སཾ་ས་ས་མྤཱ་ད་ནེ ཙ ཨུ་པཱ་ཡཾ དི་སྭཱ ཏ་ཐཱ པ་ཝ་ཏྟ་མཱ་ནཱ པ་ཉྙཱ པཱ་ཏི་མོ་ཀྑ་སཾ་ཝ་རཾ པ་ཊི་མ་ཎྜེ་ཏི. ‘‘ཨ་ཏི་སཱི་ཏ’’ནྟི་ཨཱ་དི་ནཱ ཨ་པྤ་ཝ་ཏྟ་ནཱ་ར་ཧཾ ཀོ་ས་ཛྫཾ ‘‘ཡོ ཙ སཱི་ཏ་ཉྩ ཨུ་ཎྷ་ཉྩཱ’’ཏི ཝུ་ཏྟཱ་ནུ་སཱ་རེ་ན པ་ཛ་ཧི་ཏྭཱ ཨ་ནུ་པྤ་ནྣུ་པྤ་ནྣཱ་ནཾ ཨ་སཾ་ཝ་ར་སཾ་ཝ་རཱ་ནཾ ཨ་ནུ་པྤཱ་ད་ན་པ་ཛ་ཧ་ན་ཨུ་པྤཱ་ད་ན་ཝ་ཌྜྷ་ན་ཝ་སེ་ན པ་ཝ་ཏྟ་མཱ་ན་ཝཱི་རི་ཡཾ པཱ་ཏི་མོ་ཀྑཾ པ་ཊི་མ་ཎྜེ་ཏི, ཨི་མི་ནཱ ན་ཡེ་ན ཨི་ནྡྲི་ཡ་སཾ་ཝ་རཱ་དཱི་སུ་པི ཡོ་ཛེ་ཏ་བྦཾ. ཙ་ཏུ་ནྣ་མྤི ས་ངྒ་ཧ་ཝ་ཏྠཱུ་ནཾ ཨ་ནུ་ཀཱུ་ལ་ས་མུ་དཱ་ཙཱ་རོ ཨི་དྷ ཨཱ་ཙཱ་རོཏི ཝེ་དི་ཏ་བྦོ. ཨ་ཛྫ་ཝ-ཝ་ཙ་ནེ་ན ལཱ་བྷ་ས་ཀྐཱ་ར་ཧེ་ཏུ ཀཱ་ཡ་དུ་ཙྩ་རི་ཏཱ་དི་ཀུ་ཊི་ལ་ཀ་ར་མཱ་ཡཱ་སཱ་ཋེ་ཡྻ་པ་ཊི་པ་ཀྑ་ཨ་ཛྫ་ཝ་དྷ་མྨ་ས་མཱ་ཡོ་ག་དཱི་པ་ནེ་ན ཨ་ལོ་བྷ་ཛ྄ཛྷཱ་ས་ཡ་ཏཱ དཱི་པི་ཏཱ. མ་དྡ་ཝ-ཝ་ཙ་ནེ་ན ཀ་ཀྑ་ལ༹་བྷཱ་ཝ་ཀ་ར་པ་ཊི་གྷཱ་དི་པ་ཊི་པ་ཀྑ་བྷཱུ་ཏ་མེ་ཏྟཱ་དི་མ་དྡ་ཝ་དྷ་མྨ་ས་མཱ་ཡོ་ག་དཱི་པ་ནེ་ན ཧི་ཏ་ཛ྄ཛྷཱ་ས་ཡཱ་དཱི་ནི དཱི་པི་ཏཱ་ནི ཧོ་ནྟི. ཨཱ་དི-ས་དྡེ་ན ‘‘ཁ་ནྟི ཙ སོ་ར་ཙྩ་ཉྩ སཱ་ཁ་ལྱ་ཉྩ པ་ཊི་ས་ནྠཱ་རོ ཙཱ’’ཏི་ཨཱ་དི་ནཱ (དྷ. ས. དུ་ཀ་མཱ་ཏི་ཀཱ ༡༢༥-༡༢༦) ཝུ་ཏྟ་དྷ་མྨེ་ཧི ས་མཱ་ཡོ་གོ དཱི་པི་ཏོ ཧོ་ཏི. ཨི་དྷ ཝུ་ཏྟཱ ཨ་ཛྫ་ཝ་མ་དྡ་ཝཱ་ད་ཡོ གུ་ཎཱ སཱི་ལ་ས་མྤ་ཏྟི་ཡཱ ཧེ་ཏཱུ ཙ ཧོ་ནྟི སཱི་ལ་ས་མྤ་ཏྟི་ཕ་ལ་ཉྩ ཏཾ་ས་མྤཱ་ད་ན་ཏོ. ས་ཀ་ས་མ་ཡོཏི ཙ་ཏུ་པ་རི་སཱ. ཨེ་ཏེ་ན ས་བྷཱ་ག་དུ་ཀྑ་བྷཱ་ཝཱ་བྷཱ་ཝོ སཱུ་ཙི་ཏོ. ཨ་ཐ ཝཱ ས་ཀ་ས་མ་ཡོཏི སོ་ག་ཏཾ པི་ཊ་ཀ་ཏྟ་ཡཾ ས་ཀ་ས་མ་ཡོ ཨེ་ཝ ག་ཧ་ནཾ དུ་དྡཱི་པ་ན་ཏྟཱ, ས་ཀ་ས་མ་ཡ་སྶ ས་ནྣི་ཊྛཱ་ནཾ ས་ཀ་ས་མ་ཡ་ག་ཧ་ནཾ –
‘‘ས་ཙྩཾ ས་ཏྟོ པ་ཊི་ས་ནྡྷི, པ་ཙྩ་ཡཱ་ཀཱ་ར་མེ་ཝ ཙ;
དུ་དྡ་སཱ ཙ་ཏུ་རོ དྷ་མྨཱ, དེ་སེ་ཏུ་ཉྩ སུ་དུ་ཀྐ་རཱ’’ཏི. (ཝི་བྷ. ཨ་ཊྛ. ༢༢༥) –
ཝུ་ཏྟ་ཏྟཱ ཡ་ཐཱ ས་ཀ་ས་མ་ཡ་སྶ ག་ཧ་ན་པ་དེ་ན ཡོ་ཛ་ནཱ ཝུ་ཏྟཱ, ཏ་ཐཱ པ་ར་ས་མ་ཡ་སྶ་པི. པ་ཉྙཱ་ཝེ་ཡྻ་ཏྟི་ཡེ་ནཱཏི ཨ་ནེ་ན ཏི་ཁི་ཎེ་ན ཉཱ་ཎེ་ན ཀ་ཏ་སི་ལཱ་ནི་སི་ཏ་ས་ཏྠ་ས་དི་ས་ས་བྷཱ་ཝ་པ་ཉྙཱ ཝུ་ཏྟཱ. ཏི་པི་ཊ་ཀ་ས་ངྑཱ་ཏཱ་ཡ པ་རི་ཡ་ཏྟི་ཡཱ པ་བྷེ་དོ ཏི་པི་ཊ་ཀ་པ་རི་ཡ་ཏྟི་པྤ་བྷེ་དོ. ཏ་སྨིཾ པ་བྷེ་དེ. ཏ་ནྟི ཙ ཏ་ནྟི་ཨ་ཏྠོ ཙ སཱ་ས་ནཾ ནཱ་མ. ཨི་དྷ ‘‘ཏ་ནྟི ཨེ་ཝཱ’’ཏི ཝ་ད་ནྟི. ཡ་སྨིཾ ཨ་ཡཾ སཾ་ཝ་ཎྞ་ནཱ ནི་ཊྛཱ་པི་ཏཱ, ཏ་སྨིཾ ཀཱ་ལེ པ་ཊི་ཝེ་དྷ་ཉཱ་ཎཱ་བྷཱ་ཝ་ཏོ སུ་ཏ་མ་ཡཾ ས་ནྡྷཱ་ཡ ‘‘ཨ་པྤ་ཊི་ཧ་ཏ་ཉཱ་ཎ་པྤ་བྷཱ་ཝེ་ནཱ’’ཏི ཝུ་ཏྟཾ. ཀ་ར་ཎ་ས་མྤ་ཏྟི་ཡཱ ཛ་ནི་ཏ་ཏྟཱ སུ་ཁ་ཝི་ནི་གྒ་ཏཾ. སུ་ཁ་ཝི་ནི་གྒ་ཏ་ཏྟཱ མ་དྷུ་རོ་དཱ་ཏ་ཝ་ཙ་ན་ལཱ་ཝ་ཎྞ་ཡུ་ཏྟེ་ནཱ་པི ཡོ་ཛེ་ཏ་བྦཾ, ཨཱི་དི་སཾ ཝ་ཙ་ནཾ སོ་ཏ་སུ་ཁ་ཉྩ ས་ནྣི་ཝེ་ས་ས་མྤ་ཏྟི་སུ་ཁ་ཉྩ ཧོ་ཏི. ‘‘ཝེ་ཡྻཱ་ཀ་ར་ཎེ་ནཱ’’ཏི ཨ་ཝ་ཏྭཱ ‘‘མ་ཧཱ་ཝེ་ཡྻཱ་ཀ་ར་ཎེ་ནཱ’’ཏི ཝུ་ཏྟ་ཏྟཱ སི་ཀྑཱ་ནི་རུ་ཏྟི་ཚ་ནྡོ་ཝི་ཙི་ཏྱཱ་དི་པ་ཊི་མ་ཎྜི་ཏ་པཱ་ཎི་ནི་ཡ་ནྱཱ་སཱ་དྷཱ་ར་ཎ་དྷཱ་ར་ཎ་ས་བྷཱ་ཝོ སཱུ་ཙི་ཏོ བྷ་ཝ་ཏི. ཡུ་ཏྟ་ཝཱ་དི་ནཱཏི་ཨཱ་དཱི་སུ ཡུ་ཏྟ་མུ་ཏྟ་ཝཱ་དི་ནཱ ཋཱ་ནུ་པྤ་ཏྟི་ཡ་པ་ཉྙཱ་ཡ ས་མ་ནྣཱ་ག་ཏེ་ནཱ་ཏི ཨ་ཏྠོ. ཨོ་ཛཱ་བྷེ་དེ་པི ཨཱ་ཡུ་ས་ཏྟི་ཀ་ར་ཎ་ཏཱ་དི་སཱ་མ་ཏྠ་ཡོ་གཱ་ནཾ མ་ཧཱ་ཀ་ཝི་ནཱ ར་ཙི་ཏ་ག་ནྠ་སྶ མ་ཧ་ནྟ་ཏྟཱ ཝཱ ‘‘ཏི་པི་ཊ་ཀ་པ་རི་ཡ་ཏྟི་པྤ་བྷེ་དེ’’ཏི་ཨཱ་དཱི་ཧི སཱ་ས་ནེ, ཧེ་ཏུ་ཝི་ས་ཡེ, ས་དྡེ ཙཱ་ཏི ཨི་མེ་སུ ཏཱི་སུ ཋཱ་ནེ་སུ པཱ་ཊ་ཝ་བྷཱ་ཝཾ དཱི་པེ་ནྟོ ཝེ་ན་ཡི་ཀ་བུ་དྡྷི་ས་མྤ་ཏྟི་ས་བྦྷཱ་ཝ་མ་སྶ སཱུ་ཙེ་ཏི. ཡེ་སཾ པུ་གྒ་ལཱ་ནཾ པ་བྷི་ནྣཱ པ་ཊི་ས་མྦྷི་དཱ་དི, ཏེ པ་བྷི་ནྣ་པ་ཊི་ས་མྦྷི་དཱ་ད་ཡོ དྷ་མྨཱ. ཏེ་ཧི པ་རི་ཝཱ་རི་ཏོ ཨུ་ཀྑི་ཏྟ་ས་ནྟ་ཏི་ཨུ་པ་ཙྪེ་ད་མ་ཀ་ཏྭཱ ཨ་ཏྟ་ནོ ས་ནྟཱ་ནེ ཨུ་པྤཱ་ད་ན་ཝ་ཌྜྷ་ན་ཝ་སེ་ན ཝཱ་རི་ཏོ སོ པ་བྷི་ནྣ་པ་ཊི་ས་མྦྷི་དཱ་པ་རི་ཝཱ་རོ. ཏ་སྨིཾ པ་བྷི་ནྣ་པ་ཊི་ས་མྦྷི་དཱ་པ་རི་ཝཱ་རེ ཨུ་ཏྟ་རི་མ་ནུ་སྶ་དྷ་མྨེ་ཏི ཨ་ཏྠོ. ཚ་ལ༹་བྷི་ཉྙ་ཙ་ཏུ་པ་ཊི་ས་མྦྷི་དཱ་དི་པྤ་བྷེ་ད་གུ་ཎ་པ་ཊི་མ་ཎྜི་ཏེ པ་ན ཚ་ལ༹་བྷི་ཉྙཱ ཨུ་ཏྟ་རི་མ་ནུ་སྶ་དྷ་མྨཱ ཨེ་ཝ. ཙ་ཏཱུ་སུ པ་ཊི་ས་མྦྷི་དཱ་སུ ཨ་ཏྠ་པ་ཊི་ས་མྦྷི་དཱ་ཡ ཨེ་ཀ་དེ་སོ་ཝ. ཏ་དུ་བྷ་ཡཾ ས་ཡཾ ཨུ་ཏྟ་རི་མ་ནུ་སྶ་དྷ་མྨ་པ་རི་ཡཱ་པ་ནྣཾ ཀ་ཐཾ ཨུ་ཏྟ་རི་མ་ནུ་སྶ་དྷ་མྨཾ པ་ཊི་མ་ཎྜེ་ཏཱི་ཏི ཙེ? རུ་ཀྑཾ རུ་ཀྑ་སྶ ཨ་ཝ་ཡ་ཝ་བྷཱུ་ཏ་པུ་པྥཱ་ད་ཡོ ཝི་ཡ ས་ཡ་ཉྩ ཡེ་སཾ ཨུ་ཏྟ་རི་མ་ནུ་སྶ་དྷ་མྨཱ་ནཾ ཨ་ཝ་ཡ་ཝ་ཏྟཱ་ཏི. ཀཱ་མཱ་ཝ་ཙ་ར་དྷ་མྨ་པ་རི་ཡཱ་པ་ནྣ་པ་ཊི་ས་མྦྷི་དཱ་ཉཱ་ཎཾ ཨུ་ཏྟ་རི་མ་ནུ་སྶ་དྷ་མྨཱ་ནཾ ཨ་ན་ཝ་ཡ་ཝ་བྷཱུ་ཏཾ ཨུ་ཏྟ་རི་མ་ནུ་སྶ་དྷ་མྨཾ པ་ཊི་མ་ཎྜེ་ཏི, པུ་རི་ས་སྶ ཨ་ན་ཝ་ཡ་ཝ་བྷཱུ་ཏོ ཨ་ལ་ངྐཱ་རོ ཝི་ཡ པུ་རི་སཾ. ཨ་ཐ ཝཱ ཀཱ་མཱ་ཝ་ཙ་ར་པ་ཨ་ས་མྦྷི་དཱ་པ་རི་ཝཱ་རོ ཚ་ལ༹་བྷི་ཉྙཱ་པ་ཊི་ས་མྦྷི་དཱ་དི་པྤ་བྷེ་ད་གུ་ཎེ པ་ཊི་མ་ཎྜེ་ཏི. ལོ་ཀུ་ཏྟ་ར་པ་ཊི་ས་མྦྷི་དཾ ས་ནྡྷཱ་ཡ པུ་ན པ་ཊི་ས་མྦྷི་དཱ་ཝ་ཙ་ན་ཉྩ. སཱ་ས་ནེ ཨུ་པྤ་ཛྫི་ཏྭཱ སཱ་ས་ན་སྶ ཨ་ལ་ངྐཱ་ར་བྷཱུ་ཏེ་ན, ཡ་སྨིཾ ཝཾ་སེ ཨུ་པྤ་ནྣོ, ཏ་སྶེ་ཝ ཝཱ ཨ་ལ་ངྐཱ་ར་བྷཱུ་ཏེ་ན. ས་ངྑེ་པ་ཝི་ཏྠཱ་རེ་སུ ཨི་ཏ་རཱི་ཏ་ར་ཀ་ར་ཎཾ, ཨ་པྤ་ས་ནྣ་པ་ས་ནྣཱ་ནཾ པ་སཱ་དུ་པྤཱ་ད་ནཱ་བྷི་ཝུ་ཌྜྷི་ཀ་ར་ཎཾ, ཝུ་ཏྟཱ་ནཾ ག་མྦྷཱི་རཱ་ནཾ ག་མྦྷཱི་རུ་ཏྟཱ་ན་བྷཱ་ཝ་ཀ་ར་ཎ་ནྟི ཨེ་ཝཾ ཚ་བྦི་དྷཱ་ཙ་རི་ཡ་གུ་ཎ་ཡོ་ག་ཏོ ཝི་པུ་ལ་བུ་དྡྷི ནཱ་མ. ཡེ དྷ་མྨ་ཙི་ནྟ་ནཾ ཨ་ཏི་དྷཱ་ཝ་ནྟཱ ཀེ་ཙི ཨུ་ཙྪེ་དཱ་དི་ནཱ་ན་པྤ་ཀཱ་རཾ ཨ་ནྟཾ ཝཱ ག་ཎྷ་ནྟི, ‘‘ས་བྦཾ ཉེ་ཡྻཾ པ་ཉྙ་ཏྟི ཨེ་ཝཱ’’ཏི ཝཱ ‘‘པ་ར་མ་ཏྠོ ཨེ་ཝཱ’’ཏི ཝཱ ག་ཎྷ་ནྟི, ཏེ་སཾ བུ་དྡྷི མི་ཙྪཱ་དི་ཊྛི་པ་ཙྩ་ཡ་ཏྟཱ ས་མ་ལཱ ནཱ་མ ཧོ་ཏི, ཨི་མ་སྶ པ་ན བུ་དྡྷི དྷ་མྨ་ཙི་ནྟཱ་ཏི་དྷཱ་ཝ་ན་ར་ཧི་ཏ་ཏྟཱ ཝི་སུ་དྡྷཱ ནཱ་མ ཧོ་ཏི. ཏེ་ན ཝུ་ཏྟཾ ‘‘ཝི་པུ་ལ་ཝི་སུ་དྡྷ་བུ་དྡྷི་ནཱ’’ཏི. ག་རཱུ་ཧི ‘‘པི་ཡོ ག་རུ བྷཱ་ཝ་ནཱི་ཡོ’’ཏི་ཨཱ་དི་ནཱ (ཨ. ནི. ༧.༣༧; ནེ་ཏྟི. ༡༡༣) ཝུ་ཏྟ་གུ་ཎེ་ཧི ཡུ་ཏྟ་ག་རཱུ་ཧི. གུ་ཎེ་ཧི ཐི་ར་བྷཱ་ཝཾ ག་ཏ་ཏྟཱ ཐེ་རེ་ན.
སཱི་ལེ་ན སཱི་ལ་སྶ ཝཱ ཝི་སུ་དྡྷི་ཡཱ སཱི་ལ་ཝི་སུ་དྡྷི་ཡཱ. ཨ་ཝི་ཛྫ་ཎྜ་ཀོ་སཾ པ་དཱ་ལེ་ཏྭཱ པ་ཋ་མཾ ཨ་བྷི་ནི་བྦ་ཏྟ་ཏྟཱ ལོ་ཀ་ཛེ་ཊྛ་སྶ. ལོ་ཀ་སྶ ཝཱ ག་མྦྷཱི་རེ མ་ཧ་ནྟེ སཱི་ལཱ་དི་ཀྑ་ནྡྷེ ཨེ་སི ག་ཝེ་སཱི་ཏི མ་ཧེ་སཱིཏི.
ཨེ་ཏྟཱ་ཝ་ཏཱ ས་མ་དྷི་ཀ་ས་ཏྟ་ཝཱི་ས་ཏི་ས་ཧ་སྶ་པ་རི་མཱ་ཎཱ་ཡ ས་མ་ནྟ་པཱ་སཱ་དི་ཀ་ས་ཉྙི་ཏཱ་ཡ ཝི་ན་ཡ་ཊྛ་ཀ་ཐཱ་ཡ ས་བྦ་པ་དེ་སུ ཝི་ནི་ཙྪ་ཡ་ཛཱ་ཏཾ ས་ངྑི་པི་ཏྭཱ ག་ཎྛི་ཊྛཱ་ན་ཝི་ཀཱ་ས་ནཱ ཀ་ཏཱ ཧོ་ཏི, ཏ་ཐཱ་པི ཡཾ ཨེ་ཏྠ ལི་ཁི་ཏཾ, ཏཾ སུ་ཊྛུ ཝི་ཙཱ་རེ་ཏྭཱ པཱ་ལི༹་ཉྩ ཨ་ཊྛ་ཀ་ཐ་ཉྩ ས་ལླ་ཀྑེ་ཏྭཱ ཡེ ཨཱ་ཙ་རི་ཡཱ བུ་དྡྷ་སྶ བྷ་ག་ཝ་ཏོ མ་ཧཱ་ནུ་བྷཱ་ཝཾ, ཝི་ན་ཡ་པི་ཊ་ཀ་སྶ ཙ ཝི་ཙི་ཏྲ་ན་ཡ་ག་མྦྷཱི་ར་ཏྠ་ཏཾ ས་ལླ་ཀྑེ་ཏྭཱ པོ་རཱ་ཎཱ་ནཾ ཀ་ཐཱ་མ་གྒཾ ཨ་ཝི་ནཱ་སེ་ཏྭཱ ཨ་ཏྟ་ནོ མ་ཏིཾ པ་ཧཱ་ཡ ཀེ་ཝ་ལཾ ས་དྡྷ་མྨ་ཊྛི་ཏི་ཡཱ, པ་རཱ་ནུ་གྒ་ཧ་ཀཱ་མ་ཏཱ་ཡ ཙ ཝི་ན་ཡ་པི་ཊ་ཀཾ པ་ཀཱ་སེ་ནྟཱ ཋི་ཏཱ, ཏེ་སཾ པཱ་ད་མཱུ་ལེ ཝ་ནྡི་ཏྭཱ ཁ་ནྟི་སོ་ར་ཙྩཱ་དི་གུ་ཎ་ས་མ་ནྣཱ་ག་ཏེ་ན ཧུ་ཏྭཱ ཝ་ཏྟ་ས་མྤ་ཏྟི་ཡཱ ཏེ་སཾ ཙི་ཏྟཾ ཨཱ་རཱ་དྷེ་ཏྭཱ པ་ཝེ་ཎི་ཡཱ ཨཱ་ག་ཏཾ ཝི་ནི་ཙྪ་ཡཾ ཀ་ཐཱ་པེ་ཏྭཱ ཨུ་པ་དྷཱ་རེ་ཏྭཱ ཡཾ ཏེ་ན སཾ་ས་ནྡ་ཏི, ཏཾ ག་ཧེ་ཏ་བྦཾ, ཨི་ཏ་རཾ ཚ་ཌྜེ་ཏ་བྦཾ. ཨི་ཏ་ར་ཐཱ ཏུ་ཎྷཱི་བྷཱུ་ཏེ་ན བྷ་ཝི་ཏ་བྦཾ. ཝི་ནི་ཙྪ་ཡ་ས་ངྐ་ར་ཀ་རེ་ན པ་ན ན བྷ་ཝི་ཏ་བྦ་མེ་ཝ. ཀ་སྨཱ? སཱ་ས་ན་སྶ ནཱ་ས་ཧེ་ཏུ་ཏྟཱ. ཧོ་ཏི ཙེ་ཏྠ –
‘‘ཨ་ས་མྦུ་དྷཾ བུ་དྡྷ་མ་ཧཱ་ནུ་བྷཱ་ཝཾ,
དྷ་མྨ་སྶ ག་མྦྷཱི་ར་ན་ཡ་ཏྠ་ཏ་ཉྩ;
ཡོ ཝ་ཎྞ་ཡེ ཏཾ ཝི་ན་ཡཾ ཨ་ཝི་ཉྙཱུ,
སོ དུ་དྡ་སོ སཱ་ས་ན་ནཱ་ས་ཧེ་ཏུ.
པཱ་ལི༹ཾ ཏ་ད་ཏྠ་ཉྩ ཨ་ས་མྦུ་དྷ་ཉྷི,
ནཱ་སེ་ཏི ཡོ ཨ་ཊྛ་ཀ་ཐཱ་ན་ཡ་ཉྩ;
ཨ་ནི་ཙྪ་ཡཾ ནི་ཙྪ་ཡ་ཏོ པ་རེ་ཧི,
གཱ་ཧེ་ཏི ཏེ་ཧེ་ཝ པུ་ར་ཀྑ་ཏོ སོ.
ཨ་ནུ་ཀྐ་མེ་ནེ་ཝ མ་ཧཱ་ཛ་ནེ་ན,
པུ་ར་ཀྑ་ཏོ པ་ཎྜི་ཏ་མཱ་ནི་བྷི་ཀྑུ;
ཨ་པ་ཎྜི་ཏཱ་ནཾ ཝི་མ་ཏིཾ ཨ་ཀ་ཏྭཱ,
ཨཱ་ཙ་རི་ཡ་ལཱི་ལ༹ཾ པུ་ར་ཏོ ཀ་རོ་ཏཱི’’ཏི.
ས་མ་ནྟ་པཱ་སཱ་དི་ཀཱ་ཡ ག་ཎྛི་པ་དཱ་དྷི་པྤཱ་ཡ་པྤ་ཀཱ་ས་ནཱ ས་མ་ཏྟཱ.
ཝ་ཛི་ར་བུ་དྡྷི་ཊཱི་ཀཱ ནི་ཊྛི་ཏཱ.