དུ་ཏི་ཡ་གཱ་ཐཱ་ས་ངྒ་ཎི་ཀ་ཝ་ཎྞ་ནཱ

ཀཱ་ཡི་ཀཱ་དི་ཨཱ་པ་ཏྟི་ཝ་ཎྞ་ནཱ

༤༧༤-༥. ནི་དཱ་ནུ་དྡེ་སཾ ཝི་ནཱ སེ་སུ་དྡེ་སཱ་བྷཱ་ཝཱ ‘‘ས་བྦ་པཱ་ཏི་མོ་ཀྑུ་དྡེ་སཱ་ན་ཉྩ ས་ངྒ་ཧོ ཧོ་ཏཱི’’ཏི ཝུ་ཏྟཾ. ཝི་ན་ཡེ ག་རུ་ཀཱ ཝི་ན་ཡ་ག་རུ་ཀཱ. ཨི་དཾ པ་ན དྭཱི་སུ གཱ་ཐཱ་སུ ཀི་ཉྩཱ་པི ཨཱ་ག་ཏཾ, ཨ་ཉྙེ་ཧི པ་ན མི་སྶེ་ཏྭཱ ཝུ་ཏྟ་བྷཱ་ཝཱ ནཱ་ནཱ་ཀ་ར་ཎཾ པ་ཙྩེ་ཏ་བྦཾ. ན་ཝ་སུ ཋཱ་ནེ་སུ ཀ་མྨཾ ཧོ་ཏཱིཏི ཀ་མྨ་ཉ་ཏྟི ཧོ་ཏི. ཝཱ་ཙཱཏི ཝ་ཙཱི་ས་མྦྷ་ཝཱ. ཨ་དྡྷཱ་ན་ཧཱི་ནོ ཨཱུ་ན་ཝཱི་ས་ཏི་ཝ་སྶོ. ‘‘ཨ་པི་ཙེ་ཏྠཱཏི ཀུ་རུ་ནྡི་ཝཱ་དོ’’ཏི ཝུ་ཏྟཾ. ཝ་ན་པྤ་ཏིནྟི ཨེ་ཝཾ ཨ་དི་ནྣཱ་དཱ་ནེ ཨཱ་ག་ཏཾ ཝ་ན་པྤ་ཏིཾ. ཝི་སྶ་ཊྛི་ཚ་ཌྜ་ནེཏི སུ་ཀྐ་ཝི་སྶ་ཊྛི་ཡཾ. དུ་ཀྐ་ཊཱ ཀ་ཏཱཏི དུ་ཀྐ་ཊཾ ཝུ་ཏྟཾ. ཨཱ་མ་ཀ་དྷ་ཉྙཾ ཝི་ཉྙཱ་པེ་ཏྭཱ བྷུ་ཉྫ་ནྟི་ཡཱ པུ་བྦ་པ་ཡོ་གེ དུ་ཀྐ་ཊཾ, ཨ་ཛ྄ཛྷོ་ཧཱ་རེ པཱ་ཙི་ཏྟི་ཡཾ.

པཱ་ཙི་ཏྟི་ཡ་ཝ་ཎྞ་ནཱ

༤༧༦. མ་ཧཱ་ས་ངྒྷི་ཀཱ སཱ་མ་ཎེ་རེ་པི ཨཱ་པ་ཏྟིཾ དེ་སཱ་པེ་ནྟི ཀི་ར, ཏེ་ན ཝུ་ཏྟཾ ‘‘ན དེ་སཱ་པེ་ཏ་བྦཱ’’ཏི, ད་ཎྜ་ཀ་མྨཾ པ་ན ཏེ་སཾ ཀཱ་ཏ་བྦཾ ཏ་ཐཱ་རཱུ་པེ ཨོ་ལཱ༹་རི་ཀ་ཝཱི་ཏི་ཀྐ་མེ.

ཨ་ཝ་ནྡ་ནཱི་ཡ་པུ་གྒ་ལཱ་དི་ཝ་ཎྞ་ནཱ

༤༧༧. ད་ས་ས་ཏཾ ཨཱ་པ་ཏྟི་ཡོཏི ས་ཧ་སྶཾ ཨཱ་པ་ཏྟི་ཡོ. ཙ་མྤཱ་ཡཾ ཝི་ན་ཡ་ཝ་ཏྠུ་སྨིནྟི ཙ་མྤེ་ཡྻ་ཀྑ་ནྡྷ་ཀེ. ཨ་དྷ་མྨེ་ན ཝ་གྒནྟི་ཨཱ་དཱི་ནི ཙ་ཏྟཱ་རི ཀ་མྨཱ་ནི་ཡེ་ཝ བྷ་ག་ཝ་ཏཱ ཝུ་ཏྟཱ་ནཱི་ཏི ཨ་ཏྠོ. ན ཀེ་ཝ་ལཾ ཨཱ་པ་ཏྟི་ཡེ་ཝ, ཨ་ཐ ཁོ ཚ ས་མ་ཐཱ…པེ… ས་མྨུ་ཁཱ་ཝི་ན་ཡེ་ན ས་མྨ་ནྟི, ས་མཱ་ཡོ་གཾ ག་ཙྪ་ནྟི ས་མྨུ་ཁཱ་ཝི་ན་ཡེ་ན ས་མྤ་ཡོ་གཾ ག་ཙྪ་ནྟཱི་ཏི ཨ་ཏྠོ. ཝི་ནཱ ས་མ་ཐེ་ཧི ས་མྨ་ཏི, ས་མ་ཐ་བྷཱ་ཝཾ ག་ཙྪ་ཏི. པ་ཊི་སེ་དྷ་ཏྠེ ས་ཏི ཝི་ནཱ ས་མ་ཐེ་ཧཱིཏི ས་མ་ཐེ་ཧི ཝི་ནཱ་ཏི ཨ་ཏྠོ.

སོ་ལ༹་ས་ཀ་མྨཱ་དི་ཝ་ཎྞ་ནཱ

༤༧༨. ཨ་སུ་ཏྟ་ཀནྟི སུ་ཏྟ་ཝི་ར་ཧི་ཏཾ, ཨུ་སུ་ཏྟཾ ཏ་ཏྲ ན་ཏྠཱི་ཏི ཨ་དྷི་པྤཱ་ཡོ.

དུ་ཏི་ཡ་གཱ་ཐཱ་ས་ངྒ་ཎི་ཀ་ཝ་ཎྞ་ནཱ ནི་ཊྛི་ཏཱ.