ཨུ་པཱ་ལི་པ་ཉྩ་ཀ་ཝ་ཎྞ་ནཱ

ཨ་ནི་སྶི་ཏ་ཝ་གྒ་ཝ་ཎྞ་ནཱ

༤༡༩. ཀཱ་ཡི་ཀ་ཨུ་པ་གྷཱ་ཏི་ཀཱ ནཱ་མ ཀཱ་ཡེ་ན ཝཱི་ཏི་ཀྐ་མོ.

ན་པྤ་ཊི་པྤ་སྶ་མྦྷ་ན་ཝ་གྒ་ཝ་ཎྞ་ནཱ

༤༢༠. ཨོ་མ་དྡ་ཀཱ་ར་ཀོཏི ཨོ་མ་དྡི་ཏྭཱ ཨ་བྷི་བྷ་ཝི་ཏྭཱ ཀཱ་ར་ཀོ.

ཝོ་ཧཱ་ར་ཝ་གྒ་ཝ་ཎྞ་ནཱ

༤༢༤. བྷེ་ད་ཀ་ར་ཝ་ཏྠཱུ་ནི ནི་སྶཱ་ཡ ཝི་ཝཱ་དཱ་དྷི་ཀ་ར་ཎཾ ས་མུ་ཊྛཱ་ཏི, ཨེ་ཝཾ ཡ་ཐཱ་ས་ངྑྱཾ ག་ཙྪ་ཏི. ཀོ་དྷོ་པ་ནཱ་ཧཱ་དི་དྭཱ་ད་ས་མཱུ་ལ་པ་ཡོ་གཾ ཝི་ཝཱ་དཱ་དྷི་ཀ་ར་ཎཾ, ཏ་ཐཱ སེ་སེ་སུ. ཨོ་སཱ་ར་ཎཱ་དཱི་སུ ན་ཝ་སུ ཋཱ་ནེ་སུ ཀ་མྨ་ཉ་ཏྟི་ཡཱ ཀ་ར་ཎཾ. དྭཱི་སུ ཋཱ་ནེ་སུ ཉ་ཏྟི་དུ་ཏི་ཡ་ཉ་ཏྟི་ཙ་ཏུ་ཏྠ་ཀ་མྨེ་སུ. ཡ་སྨཱ མ་ཧཱ་ཨ་ཊྛ་ཀ་ཐཱ་ཡཾ ཝུ་ཏྟ་ན་ཡེ་ནེ་ཝ ཨུ་བྷ་ཏོ་ཝི་བྷ་ངྒཱ ཨ་ས་ངྒ་ཧི་ཏཱ, ཏ་སྨཱ ཡཾ ཀུ་རུ་ནྡི་ཡཾ ཝུ་ཏྟཾ, ཏཾ ག་ཧེ་ཏ་བྦ་ནྟི ས་མྦ་ནྡྷོ.

དི་ཊྛཱ་ཝི་ཀ་མྨ་ཝ་གྒ་ཝ་ཎྞ་ནཱ

༤༢༥. ཏི་ཎྞ་ནྣཾ ཨུ་པ་རི ས་ཧ ཨཱ་པ་ཏྟིཾ དེ་སེ་ཏུཾ ན ལ་བྦྷ་ནྟི. ཀ་མྨ་ནཱ་ནཱ་སཾ་ཝཱ་ས་ཀཱ་ནཾ ལ་དྡྷི་གྒ་ཧི་ཏ་ཀོ་ཝ ལ་དྡྷི་ནཱ་ནཱ་སཾ་ཝཱ་ས་ཀོ. ‘‘ཨ་ཝི་པྤ་ཝཱ་ས་སཱི་མཱ་ཡ ཋི་ཏ་སྶཱ’’ཏི མ་ཧཱ་སཱི་མཾ ཀི་ར ས་ནྡྷཱ་ཡ ཝུ་ཏྟཾ.

༤༣༣. ‘‘ཨུ་མྨཱ་དཱ ཙི་ཏྟ་ཀྑེ་པཱ’’ཏི པཱ་ཋོ.

མུ་སཱ་ཝཱ་ད་ཝ་གྒ་ཝ་ཎྞ་ནཱ

༤༤༤. པ་རི་ཡཱ་ཡེ་ན ཛཱ་ན་ནྟ་སྶཱཏི ཡ་སྶ ཀ་སྶ་ཙི ཛཱ་ན་ནྟ་སྶ པ་རི་ཡཱ་ཡེ་ན ཝུ་ཏྟ་མུ་སཱ་ཝཱ་དོ་ཏི ཨ་ཏྠོ.

༤༤༦. ཨ་ནུ་ཡོ་གོ ན དཱ་ཏ་བྦོཏི ཏེ་ན ཝུ་ཏྟཾ ཨ་ནཱ་དི་ཡི་ཏྭཱ ཏུ་ཎྷཱི བྷ་ཝི་ཏ་བྦ་ནྟི ཨ་ཏྠོ.

བྷི་ཀྑུ་ནོ་ཝཱ་ད་ཝ་གྒ་ཝ་ཎྞ་ནཱ

༤༥༤. ཝོ་ཧཱ་ར་ནི་རུ་ཏྟི་ཡཾ ས་དྡ་ནི་རུ་ཏྟི་ཡཾ. མ་གྒ་པ་ཙྩ་ཝེ་ཀྑ་ཎཱ་ད་ཡོ ཨེ་ཀཱུ་ན་ཝཱི་ས་ཏི.

ཨུ་བྦཱ་ཧི་ཀ་ཝ་གྒ་ཝ་ཎྞ་ནཱ

༤༥༥. པ་སཱ་རེ་ཏཱ མོ་ཧེ་ཏཱ.

ཨ་དྷི་ཀ་ར་ཎ་ཝཱུ་པ་ས་མ་ཝ་གྒ་ཝ་ཎྞ་ནཱ

༤༥༨. ‘‘ཡ་ཐཱ་ར་ཏྟནྟི ཨ་ནུ་པ་ས་མྤ་ནྣེ ཨ་པེ་ཀྑ་ཏཱི’’ཏི་པི ཝ་ད་ནྟི. ‘‘ཡ་ཐཱ་ཝུ་ཌྜྷནྟི ཨུ་པ་ས་མྤ་ནྣེ ཨ་པེ་ཀྑ་ཏཱི’’ཏི ལི་ཁི་ཏཾ.

ཀ་ཐི་ན་ཏྠཱ་ར་ཝ་གྒ་ཝ་ཎྞ་ནཱ

༤༦༧. ‘‘ཨེ་ཀཱ་ཝ་ཏྟོ’’ཏི་པི པ་ཋ་ནྟི, ཏ་སྶ ཀུ་དྡྷོ ཀོ་དྷཱ་བྷི་བྷཱུ་ཏོ་ཏི ཀི་ར་ཏྠོ. ཨེ་ཀ་ཝ་ཏྠོ་ཏི་པི ཀེ་ཙི, ཨུ་ཏྟ་རཱ་ས་ངྒཾ ཨ་པ་ནེ་ཏྭཱ ཋི་ཏོ་ཏི ཀི་ར་ཏྠོ, ཏཾ ས་བྦཾ ཨ་ཊྛ་ཀ་ཐཱ་ཡཾ ཨུ་དྡྷ་ཊ་པཱ་ལི༹་ཡཱ ཝི་རུ་ཛ྄ཛྷ་ཏཱི་ཏི. ཨེ་ཀཱ་ཝ་ཊྚོ་ཏི ཧི ཨུ་དྡྷ་ཊཾ, ཏ་སྨཱ ན ག་ཧེ་ཏ་བྦཾ. ཨ་ནྟ་རཱ ཝུ་ཏྟ་ཀཱ་ར་ཎེ་ནཱཏི ‘‘ཀི་ཙྩ་ཡ་པ་སུ་ཏ་ཏྟཱ ཝ་ནྡ་ནཾ ཨ་ས་མ་ནྣཱ་ཧ་ར་ནྟོ ན་ལཱ་ཊཾ པ་ཊི་ཧ་ཉྙེ་ཡྻཱ’’ཏི་ཨཱ་དི་ཝུ་ཏྟ་ཀཱ་ར་ཎེ་ན.

ཨུ་པཱ་ལི་པ་ཉྩ་ཀ་ཝ་ཎྞ་ནཱ ནི་ཊྛི་ཏཱ.

ཨཱ་པ་ཏྟི་ས་མུ་ཊྛཱ་ན་ཝ་ཎྞ་ནཱ

༤༧༠. པུ་བྦེ ཝུ་ཏྟ་མེ་ཝཱཏི ས་ཧ་སེ་ཡྻཱ་དི་པ་ཎྞ་ཏྟི་ཝ་ཛྫཾ. ཨི་ཏ་རནྟི ས་ཙི་ཏྟ་ཀཾ. དེ་སེ་ནྟོ, དོ་མ་ན་སྶི་ཀོ ཨ་ཉྙེ་ཧི བྷིཾ་སཱ་པ་ནཱ་དཱི་ནི ཀ་ཏྭཱ ཨཱ་པ་ཏྟིཾ ཨཱ་པ་ཛྫི་ཏྭཱ་ཏི ཨ་དྷི་པྤཱ་ཡོ.