ཀ་ཐི་ན་བྷེ་ད་ཝ་ཎྞ་ནཱ
ཀ་ཐི་ན་ཨ་ཏྠ་ཏཱ་དི་ཝ་ཎྞ་ནཱ
༤༠༣-༤. ཀི་ནྟི ཀ་ཐཾ. ཨ་ནཱ་དི་ཡ་དཱ་ནཾ ཏཱ་ཝ་ཀཱ་ལི་ཀ་ཝ་ཏྠུ. ‘‘ཨ་ནཱ་ག་ཏ་ཝ་སེ་ན ཨ་ན་ནྟ་རཱ ཧུ་ཏྭཱ’’ཏི ཨུ་ད་ཀཱ་ཧ་ར་ཎཱ་དི་པ་ཡོ་ག་སྶ དྷོ་ཝ་ནཱ་དི་པུ་བྦ་ཀ་ར་ཎ་སྶ པ་ཙྪཱ ཨུ་པྤ་ཛྫ་ན་ཏོ, དྷོ་ཝ་ནཱ་དི་ཀི་རི་ཡ་ཉྩ ས་ནྡྷཱ་ཡ པ་ཡོ་ག་ཀ་ར་ཎ་ཏོ ཝུ་ཏྟཾ. པུ་རེ་ཛཱ་ཏ་པ་ཙྩ་ཡེ པ་ནེ་ས པ་ཡོ་གོ་ཏི ཨ་ཏྠོ. ཨེ་ཀཾ དྷ་མྨ་མྤི ན ལ་བྷ་ཏི ཨ་ཏྟ་ནོ པུ་རེ་ཛཱ་ཏ་སྶ ན་ཏྠི་ཏཱ་ཡ.
ཀ་ཐི་ནཱ་དི་ཛཱ་ནི་ཏ་བྦ་ཝི་བྷཱ་ག་ཝ་ཎྞ་ནཱ
༤༡༢. རཱུ་པཱ་དི་དྷ་མྨེ་སཱུཏི ཝ་ཎྞ་ག་ནྡྷཱ་དི་ཨ་ཊྛ་ཀེ་སུ. ‘‘ཝ་སྶཱ་ན་སྶ པ་ཙྪི་མོ མཱ་སོ’’ཏི (པཱ་རཱ. ༢༡༨) ཝུ་ཏྟ་ཏྟཱ པ་ཙྪི་མེ མཱ་སེ ཡ་སྨིཾ ཝཱ ཏ་སྨིཾ ཝཱ དི་ཝ་སེ ཨ་ཏྠ་རི་ཏུཾ ཝ་ཊྚ་ཏཱི་ཏི སི་དྡྷཾ.
༤༡༥. ‘‘ཨཱ་དི་ཙྩ་བ་ནྡྷུ་ནཱ་ཏི ཝུ་ཏྟ་ཏྟཱ ཐེ་ར་ཝ་ཙ་ན’’ནྟི ཝ་ད་ནྟི.
པ་ལི་བོ་དྷ་པ་ཉྷཱ་བྱཱ་ཀ་ར་ཎ་ཀ་ཐཱ་ཝ་ཎྞ་ནཱ
༤༡༥-༦. ས་ནྣི་ཊྛཱ་ན་ནྟི་ཀོ ཀ་ཐཾ བ་ཧི་སཱི་མཱ་ཡ ཨུ་དྡྷ་རཱི་ཡ་ཏི? བྷི་ཀྑུ ཨ་ཀ་ཏ་ཙཱི་ཝ་རཾ ས་མཱ་དཱ་ཡ པ་ཀྐ་མ་ཏི ‘‘ན པ་ཙྩེ་སྶ’’ནྟི, ཏ་སྶ བ་ཧི་སཱི་མཱ་ག་ཏ་སྶ ཨེ་ཝཾ ཧོ་ཏི ‘‘ནེ་ཝི་མཾ ཙཱི་ཝ་རཾ ཀཱ་རེ་སྶ’’ནྟི, ཨེ་ཝ་མེ་ཏ་སྶ བ་ཧི་སཱི་མཱ་ག་ཏ་སྶ ཨུ་དྡྷ་རཱི་ཡ་ཏི. ཀ་ཐཾ ཨ་ནྟོ་སཱི་མཱ་ཡ? ཨ་ཀ་ཏ་ཙཱི་ཝ་རཾ ས་མཱ་དཱ་ཡ པ་ཀྐ་མ་ཏི ‘‘ན པ་ཙྩེ་སྶ’’ནྟི, ཏ་ཏོ ཏ་ཏྠ ཕཱ་སུ་ཝི་ཧཱ་རཾ ཨ་ལ་བྷ་ནྟོ ཏ་མེ་ཝ ཝི་ཧཱ་རཾ ཨཱ་ག་ཙྪ་ཏི, ཏ་སྶ ཙཱི་ཝ་ར་པ་ལི་བོ་དྷོ་ཡེ་ཝ ཋི་ཏོ, སོ ཙ ‘‘ནེ་ཝི་མཾ ཙཱི་ཝ་རཾ ཀཱ་རེ་སྶ’’ནྟི ཙི་ཏྟེ ཨུ་པྤ་ནྣེ ཚི་ཛྫ་ཏི, ཏ་སྨཱ ‘‘ཨ་ནྟོ་སཱི་མཱ་ཡ ཨུ་དྡྷ་རཱི་ཡ་ཏཱི’’ཏི ཝུ་ཏྟཾ. ས་ནྣི་ཊྛཱ་ན་ནྟི་ཀཾ དུ་ཝི་དྷཾ ‘‘ན པ་ཙྩེ་སྶ’’ནྟི ཨཱ་ཝཱ་ས་པ་ལི་བོ་དྷཾ ཚི་ནྡི་ཏྭཱ ཏ་ཏོ པུ་ན་པི ཏ་མེ་ཝ ཝི་ཧཱ་རཾ ཨཱ་ག་ནྟྭཱ ‘‘ནེ་ཝི་མཾ ཙཱི་ཝ་རཾ ཀཱ་རེ་སྶ’’ནྟི ས་ནྣི་ཊྛཱ་ནཾ ཀ་རོ་ཏི, བ་ཧི་སཱི་མཱ་ཡ ཋ་ཏྭཱ ‘‘ནེ་ཝི་མཾ ཙཱི་ཝ་རཾ ཀཱ་རེ་སྶཾ ན པ་ཙྩེ་སྶ’’ནྟི ཙི་ཏྟུ་པྤཱ་དེ་ན ས་ནྣི་ཊྛཱ་ན་ནྟི་ཀཾ ཧོ་ཏི. གཱ་ཐཱ་ཡ་མྤི ‘‘དྭེ པ་ལི་བོ་དྷཱ ཨ་པུ་བྦཾ ཨ་ཙ་རི་མ’’ནྟི ཨི་དཾ ཨི་མ་མེ་ཝ ས་ནྡྷཱ་ཡ. ‘‘ཨཱ་སཱ་ཝ་ཙྪེ་དི་ཀོ ཀ་ཐཾ ཨ་ནྟོ་སཱི་མཱ་ཡ? ཨཱ་སཱི་སི་ཏེ་ན ‘ཏུ་མྷེ ཝི་ཧཱ་ར་མེ་ཝ པ་ཏྠེ་ཐ, ཨ་ཧཾ པ་ཧི་ཎི་སྶཱ་མཱི’ཏི ཝུ་ཏྟོ པུ་བྦེ ‘ན པ་ཙྩེ་སྶ’ནྟི ཨཱ་ཝཱ་ས་པ་ལི་བོ་དྷཾ ཚི་ནྡི་ཏྭཱ ག་ཏོ པུ་ན ཏཾ ཝི་ཧཱ་རཾ ག་ནྟྭཱ ཏེ་ན ‘ནཱ་ཧཾ ས་ཀྐོ་མི དཱ་ཏུ’ནྟི པ་ཧི་ཏོ ཧོ་ཏཱི’’ཏི ལི་ཁི་ཏཾ. ‘‘ཨ་ཏྠཱ་རེ ཧི ས་ཏི ཨུ་དྡྷཱ་རོ ནཱ་མཱ’’ཏི ཨ་ཏྠཱ་རཾ ཝི་ནཱ ཨུ་དྡྷཱ་རཾ ན ལ་བྷ་ནྟི, ཏ་སྨཱ ཝུ་ཏྟཾ. པུ་རི་མཱ དྭེཏི ‘‘དྭེ ཀ་ཐི་ནུ་དྡྷཱ་རཱ ཨེ་ཀུ་པྤཱ་དཱ ཨེ་ཀ་ནི་རོ་དྷཱ’’ཏི ཝུ་ཏྟཱ་དྷི་ཀཱ་རེ པ་ཋ་མཾ ཝུ་ཏྟཱ ཨ་ནྟ་ར་བྦྷཱ་ར་ས་ཧུ་བྦྷཱ་རཱ. ན པ་ཀྐ་མ་ན་ནྟི་ཀཱ་ད་ཡོ དྭེ. ཨེ་ཀ་ཏོ ནི་རུ་ཛ྄ཛྷ་ནྟཱིཏི ཨུ་དྡྷཱ་ར་བྷཱ་ཝཾ པཱ་པུ་ཎ་ནྟཱི་ཏི ཨ་ཏྠོ.
ཀ་ཐི་ན་བྷེ་ད་ཝ་ཎྞ་ནཱ ནི་ཊྛི་ཏཱ.
པ་ཉྙ་ཏྟི་ཝ་གྒ་ཝ་ཎྞ་ནཱ ནི་ཊྛི་ཏཱ.