སོ་ལ༹་ས་མ་ཧཱ་ཝཱ་ར་ཝ་ཎྞ་ནཱ
པ་ཉྙ་ཏྟི་ཝཱ་ར་ཝ་ཎྞ་ནཱ
༡-༢. སཱི་ལ་ས་མཱ་དྷི་པ་ཉྙཱ་ཝི་མུ་ཏྟི་ཝི་མུ་ཏྟི་ཉཱ་ཎ་ད་སྶ་ན་ས་ངྑཱ་ཏ་སྶ དྷ་མྨ་ཀྑ་ནྡྷ་ས་རཱི་ར་སྶ སཱ་ས་ནེ་ཏི ཨ་ཏྠོ. པ་རི་ཝཱ་རོ་ཏི ས་ངྒ་ཧཾ ཡོ ས་མཱ་རུ་ལ༹ྷོ, ཏ་སྶ པ་རི་ཝཱ་ར་སྶ. ཝི་ན་ཡ་བྷཱུ་ཏཱ པ་ཉྙ་ཏྟི ཝི་ན་ཡ་པ་ཉྙ་ཏྟི. ‘‘པ་ཉྙ་ཏྟི་ཀཱ་ལཾ ཛཱ་ན་ཏཱ’’ཏི དུ་ཀ་ན་ཡ་ཝ་སེ་ན ཝ་ཏྭཱ པུ་ན སུ་ཏྟ་ནྟ་ན་ཡེ་ན ཝ་ཏྟུཾ ‘‘ཨ་པི་ཙ པུ་བྦེ་ནི་ཝཱ་སཱ་དཱི་ཧཱི’’ཏི ཝུ་ཏྟཾ. ཏ་ཏྠ པ་སྶ་ནཾ ནཱ་མ ད་སྶ་ན་ཏྟཱ དི་བྦ་ཙ་ཀྑུ་ནཱ ཡོ་ཛི་ཏཾ པ་ཊི་ཝེ་དྷ་ཉཱ་ཎ་ད་སྶ་ནཾ. དེ་ས་ནཱ་པ་ཉྙཱ་ཡ པ་སྶ་ཏཱཏི ཨཱ་ས་ཡཱ་ནུ་ས་ཡཱ་དི་ཀེ. པུ་ཙྪཱ་ཡཱཏི ས་ཏྟ་མཱི. པུ་ན་པི ཨེ་ཏྠཱཏི པུ་ཙྪཱ་ཝི་སྶ་ཛྫ་ནེ. མི་ཙྪཱ་དི་ཊྛཱིཏི ན་ཏྠི་ཀ་དི་ཊྛི ཨ་ནྟ་གྒཱ་ཧི་ཀ་དི་ཊྛི. ‘‘ཨཱ་ཛཱི་ཝ་ཧེ་ཏུ པ་ཉྙ་ཏྟཱ་ནཱི’’ཏི ཝ་ཙ་ན་ཏོ ཨི་མཱ་ནི ཚ སི་ཀྑཱ་པ་དཱ་ནི ཋ་པེ་ཏྭཱ སེ་སཱ ཨཱ་ཙཱ་ར་ཝི་པ་ཏྟི ནཱ་མཱ་ཏི ཝེ་དི་ཏ་བྦཾ. ཀཱ་ཡེ་ན པ་ན ཨཱ་པ་ཏྟིཾ ཨཱ་པ་ཛྫ་ཏཱིཏི ཨེ་ཏྠ ‘‘པུ་བྦ་བྷཱ་གེ སེ་ཝ་ན་ཙི་ཏྟ་མ་ངྒཾ ཀ་ཏྭཱ ཀཱ་ཡ་དྭཱ་ར་ས་ངྑཱ་ཏཾ ཝི་ཉྙ་ཏྟིཾ ཛ་ན་ཡི་ཏྭཱ པ་ཝ་ཏྟ་ཙི་ཏྟུ་པྤཱ་ད་ས་ངྑཱ་ཏཾ ཨཱ་པ་ཏྟིཾ ཨཱ་པ་ཛྫ་ཏི, ཀི་ཉྩཱ་པི ཙི་ཏྟེ་ན ས་མུ་ཊྛཱ་པི་ཏཱ ཝི་ཉྙ་ཏྟི, ཏ་ཐཱ་པི ཙི་ཏྟེ་ན ཨ་དྷི་པྤེ་ཏ་སྶ ཨ་ཏྠ་སྶ ཝི་ཉྙ་ཏྟི་ཡཱ སཱ་དྷི་ཏ་ཏྟཱ ‘ཀཱ་ཡ་དྭཱ་རེ་ན ཨཱ་པ་ཛྫ་ཏཱི’ཏི ཝུ་ཏྟ’’ནྟི ཨི་མ་མ་ཏྠཾ ས་ནྡྷཱ་ཡ ཝུ་ཏྟཾ, ན བྷ་ཎྜ་ནཱ་དི་ཏྟ་ཡ་ཝཱུ་པ་ས་མཾ. ཨཱ་པཱ་ཎ་ཀོ་ཊི་ཀནྟི ཛཱི་ཝི་ཏ་པ་རི་ཡ་ནྟཾ ཀ་ཏྭཱ. པོ་རཱ་ཎ་ཀེ་ཧི མ་ཧཱ་ཐེ་རེ་ཧཱིཏི སཱི་ཧ་ལ༹་དཱི་པེ མ་ཧཱ་ཐེ་རེ་ཧི པོ་ཏྠ་ཀཾ ཨཱ་རོ་པི་ཏ་ཀཱ་ལེ ཋ་པི་ཏཱ་ཏི ཨ་ཏྠོ. ‘‘ཙ་ཏུ་ཏྠ་ས་ངྒཱི་ཏི་ས་དི་སཱ པོ་ཏྠ་ཀཱ་རུ་ལ༹ྷ་ས་ངྒཱི་ཏི ཨ་ཧོ་སཱི’’ཏི ཝུ་ཏྟཾ.
མ་ཧཱ་ཝི་བྷ་ངྒེ པ་ཉྙ་ཏྟི་ཝཱ་ར་ཝ་ཎྞ་ནཱ ནི་ཊྛི་ཏཱ.
ཀ་ཏཱ་པ་ཏྟི་ཝཱ་རཱ་དི་ཝ་ཎྞ་ནཱ
༡༦༦. ཀ་ཏཱ་པ་ཏྟི་ཝཱ་རེ ‘‘ས་ངྒྷི་ཀཾ མ་ཉྩཾ ཝཱ’’ཏི་ཨཱ་དི ཨ་ཛ྄ཛྷོ་ཀཱ་ས་ཏྟཱ ཝི་ཧཱ་ར་བྦྷ་ནྟ་རེ་པི ཨཱ་པ་ཛྫ་ན་ཏོ ལེ་ཌྜུ་པཱ་ཏཱ་ཏི་ཀྐ་མ་ཝ་སེ་ན ཝུ་ཏྟཾ. དུ་ཏི་ཡེ སེ་ཡྻཾ ས་ནྠ་རི་ཏྭཱཏི ཨ་བྦྷ་ནྟ་རེ ས་ནྠ་རི་ཏ་བྷཱ་ཝ་ཏོ ཝི་ཧཱ་ར་ཏོ བ་ཧི་ག་མ་ནེ་པི ཏཾ་དི་ཝ་སཱ་ནཱ་ག་མེ ཨཱ་པ་ཛྫ་ན་ཏོ ‘‘པ་རི་ཀྑེ་པཾ ཨ་ཏི་ཀྐཱ་མེ་ཏཱི’’ཏི ཝུ་ཏྟཾ.
༡༧༡. ས་ཉྩི་ཙྩ པཱ་ཎཾ ཛཱི་ཝི་ཏཱ ཝོ་རོ་པེ་ནྟོ ཙ་ཏ་སྶོ ཨཱ་པ་ཏྟི་ཡོཏི ཨེ་ཏྠ ཀི་ཉྩཱ་པི ཏ་སྨིཾ སི་ཀྑཱ་པ་དེ ཏི་ར་ཙྪཱ་ན་ག་ཏ་པཱ་ཎོ་ཝ ཨ་དྷི་པྤེ་ཏོ, ཨ་ཐ ཁོ པཱ་ཎོ་ཏི ཝོ་ཧཱ་ར་སཱ་མ་ཉྙ་ཏོ ཨ་ཏྠུ་དྡྷཱ་ར་ཝ་སེ་ན ‘‘ཙ་ཏ་སྶོ’’ཏི ཝུ་ཏྟཾ. ཨེ་ས ན་ཡོ ཨ་ཉྙེ་སུ་པི ཨེ་ཝ་རཱུ་པེ་སུ ཋཱ་ནེ་སུ.
༡༧༣. ཝི་ཀཱ་ལེ གཱ་མ་པྤ་ཝེ་ས་ནེ ‘‘པ་ཋ་མཾ པཱ་དཾ པ་རི་ཀྑེ་པཾ ཨ་ཏི་ཀྐཱ་མེ་ཏི, ཨཱ་པ་ཏྟི དུ་ཀྐ་ཊ་སྶཱ’ཏི ཝུ་ཏྟ་ཏྟཱ ཨུ་པ་ཙཱ་རེ ནཱ་པ་ཛྫ་ཏི, པ་རི་ཀྑེ་པཾ ཨ་ཏི་ཀྐ་མི་ཏྭཱ་ཝ ཨཱ་པ་ཛྫ་ཏཱི་ཏི སི་དྡྷ་མེ་ཝཱ’’ཏི ཝ་ད་ནྟི.
༡༩༣. པ་ཙྩ་ཡ་ཝཱ་རེ པུ་རི་མ་ཝཱ་ར་ཏོ ཝི་སེ་སོ ཨ་ཏྠི་ཡེ་ཝ, ‘‘མེ་ཐུ་ནཾ དྷ་མྨཾ པ་ཊི་སེ་ཝ་ནྟོ ཀ་ཏི ཨཱ་པ་ཏྟི་ཡོ ཨཱ་པ་ཛྫ་ཏཱི’’ཏི ཝུ་ཏྟེ ཛ་ཏུ་མ་ཊྛ་ཀ་སྶོ་ཀཱ་སོ ན ཛཱ་ཏོ, ཨི་དྷ པ་ན ‘‘མེ་ཐུ་ནཾ དྷ་མྨཾ པ་ཊི་སེ་ཝ་ན་པ་ཙྩ་ཡཱ’’ཏི ཝུ་ཏྟེ པུ་གྒ་ལ་ནི་དྡེ་སཱ་བྷཱ་ཝཱ ཛ་ཏུ་མ་ཊྛ་ཀ་ཉྩ པ་ཝི་ཊྛཾ, ཨེ་ཝཾ ཝི་སེ་སོ ཨ་ཏྠི. ཏ་ཐཱ ཨེ་ཝ་རཱུ་པེ་སུ ཋཱ་ནེ་སུ.
མ་ཧཱ་ཝི་བྷ་ངྒེ ཙ བྷི་ཀྑུ་ནི་ཝི་བྷ་ངྒེ སོ་ལ༹་ས་མ་ཧཱ་ཝཱ་ར་ཝ་ཎྞ་ནཱ ནི་ཊྛི་ཏཱ.