ས་མུ་ཊྛཱ་ན་སཱི་ས་ཝ་ཎྞ་ནཱ

༢༥༧. ཨ་ན་ཏྟཱཏི ཨ་ཏྟ་ཝི་ར་ཧི་ཏཱ ‘‘ཨ་ལ་ཝ་ཎ་བྷོ་ཛ་ན’’ནྟི་ཨཱ་དཱི་སུ ཝི་ཡ. ཀ་རུ་ཎཱ་སཱི་ཏ་ལ་བྷཱ་ཝེ་ན ཙ་ནྡ་ས་དི་སོ. ཀི་ལེ་ས་ཏི་མི་ར་པྤ་ཧཱ་ན་ཏོ ཨཱ་དི་ཙྩོ. ཡ་སྨཱ ཏེ དེ་ས་ཡ་ནྟི, ཏ་སྨཱ ཨ་ངྒཱི་ར་སོཔི. པི་ཊ་ཀེ ཏཱི་ཎི དེ་ས་ཡི ཏེ་སཾ ཨ་ཉྙ་ཏ་ར་ཏྟཱ་ཏི ཨ་ཏྠོ. ཝི་ན་ཡོ ཡ་དི ཏི་ཊྛ་ཏི, ཨེ་ཝཾ པ་ཊི་པ་ཏྟི་ས་དྡྷ་མྨཱ་དི ནཱི་ཡ་ཏི པ་ཝ་ཏྟ་ཏཱི་ཏི ཨ་ཏྠོ. ཨ་ཡཾ པ་ན ཀ་ཐཾ ཏི་ཊྛ་ཏཱི་ཏི? ཨཱ་ཧ ‘‘ཨུ་བྷ་ཏོ ཙཱ’’ཏི་ཨཱ་དི. པ་རི་ཝཱ་རེ་ན ག་ནྠི་ཏཱ ཏི་ཊྛ་ནྟཱི་ཏི ཨ་ཏྠོ. ཏ་སྶེ་ཝ པ་རི་ཝཱ་ར་སྶ སུ་ཏྟེ. ནི་ཡ་ཏ་ས་མུ་ཊྛཱ་ནཾ ཀ་ཏཾ, ཝུ་ཏྟ་ནྟི ཨ་དྷི་པྤཱ་ཡོ. ཨ་ས་མྦྷི་ནྣ་ས་མུ་ཊྛཱ་ནཱ་ནི ཨ་ས་ངྐ་ར་ས་མུ་ཊྛཱ་ནཱ་ནི, ཨ་ཉྙེ་ཧི ཨ་ས་དི་ས་ས་མུ་ཊྛཱ་ནཱ་ནཱི་ཏི ཨ་ཏྠོ. ཡ་སྨཱ པ་རི་ཝཱ་རེ ས་ཏི ཝི་ན་ཡོ ཏི་ཊྛ་ཏི, ཝི་ན་ཡེ ས་ཏི ས་དྡྷ་མྨོ ཏི་ཊྛ་ཏི, ཡ་སྨཱ ས་མུ་ཊྛཱ་ནཱ་ནི ཙ སུ་ཏྟེ དི་སྶ་ནྟི, ཏ་སྨཱ སི་ཀྑེ་ཏི ཨ་ཏྠོ. ‘‘དྷ་མྨ་ཀཱ་མོ སུ་པེ་ས་ལོ’’ཏི པ་རི་ཝཱ་རེ གཱ་ར་ཝ་ཛ་ན་ན་ཏྠཾ ཝུ་ཏྟཾ. ཏ་ཏྠཱཏི ‘‘དི་སྶ་ནྟཱི’’ཏི ཏ་ཏྠ. ‘‘ཨེ་ཀེ་ན ས་མུ་ཊྛཱ་ནེ་ན ས་མུ་ཊྛཱ་ཏཱིཏི པ་ཋ་མ་པཱ་རཱ་ཛི་ཀཾ ཨེ་ཀེ་ན ས་མུ་ཊྛཱ་ནེ་ན ས་མུ་ཊྛཱ་ཏཱི’’ཏི ཝུ་ཏྟཾ. པཱ་ལི༹་ཡཉྷི ནི་དྡི་ཊྛ་ས་མུ་ཊྛཱ་ན་ཉྩ དི་སྶ་ཏི. ‘‘ཏ་སྶེ་ཝ པ་རི་ཝཱ་ར་སྶ, ས་མུ་ཊྛཱ་ནཾ ནི་ཡ་ཏོ ཀ་ཏ’’ནྟི ཝུ་ཏྟཾ པུ་རི་མ་ན་ཡེ་ཏི ཨ་ཏྠོ. ཡ་ཐཱ་ཉཱ་ཡནྟི ཡ་ཐཱ་བྷཱུ་ཏཾ. ‘‘ས་ཉྩ་རི་ཏྟཱ་བྷཱ་ས་ན་ཉྩཱ’’ཏི པཱ་ཋོ. ‘‘ས་ཉྩ་རི་ཏྟཱ་ནུ་བྷཱ་ས་ན་ཉྩཱ’’ཏི་པི ཨ་ཏྠི. ན་ཡ་ཝ་ཛྫེ་ཧི ཝི་ན་ཡ་ཝ་ཛྫེ་ཧཱི་ཏི ཨ་ཏྠོ.

པ་ཋ་མ་པཱ་རཱ་ཛི་ཀ་ས་མུ་ཊྛཱ་ན་ཝ་ཎྞ་ནཱ

༢༥༨. ནཱ་ནུ་བ་ནྡྷེ པ་ཝ་ཏྟི་ནིནྟི ‘‘ཡཱ པ་ན བྷི་ཀྑུ་ནཱི ཝུ་ཏྠཱ་པི་ཏཾ པ་ཝ་ཏྟི་ནིཾ དྭེ ཝ་སྶཱ་ནི ནཱ་ནུ་བ་ནྡྷེ་ཡྻཱ’’ཏི ཝུ་ཏྟ་སི་ཀྑཱ་པ་ད་ཉྩ. ཨ་ཡཾ པཱ་ཋོ ཨེ་ཀ་ཙྩེ་སུ པོ་ཏྠ་ཀེ་སུ ན དི་སྶ་ཏི. ཚ་ས་ཏྟ་ཏི པ་ཋ་མ་པཱ་རཱ་ཛི་ཀ་ས་མུ་ཊྛཱ་ནཱ.

དུ་ཏི་ཡ་པཱ་རཱ་ཛི་ཀ་ས་མུ་ཊྛཱ་ན་ཝ་ཎྞ་ནཱ

༢༥༩. ‘‘ཀུ་ཀྐུ་ཙྩཾ ཙཱི་ཝ་རཾ ད་ཏྭཱཏི ཀུ་ཀྐུ་ཙྩུ་པྤཱ་ད་ན་ཉྩ དྷ་མྨི་ཀཱ་ནཾ ཀ་མྨཱ་ནཾ ཚ་ནྡཾ ད་ཏྭཱ ཁཱི་ཡ་ན་ཉྩ ཙཱི་ཝ་རཾ ད་ཏྭཱ ཁཱི་ཡ་ན་ཉྩཱ’’ཏི པཱ་ཋོ. ‘‘ད་ཏྭཱ’’ཏི ཨུ་པྤ་ཊི་པཱ་ཊི་ཡཱ ཝུ་ཏྟཾ, ཏ་སྨཱ ‘‘ཀུ་ཀྐུ་ཙྩཾ དྷ་མྨི་ཀཾ ད་ཏྭཱ་ཏི པཱ་ཋོ སུ་ནྡ་རོ’’ཏི ཝ་ད་ནྟི, ཝི་ཙཱ་རེ་ཏྭཱ ག་ཧེ་ཏ་བྦཾ.

༢༦༩. ཨ་ཀ་ཏནྟི ཨ་བྷི་ན་ཝཾ.