༩. ཙ་མྤེ་ཡྻ་ཀྑ་ནྡྷ་ཀ་ཝ་ཎྞ་ནཱ
དྭེ་ནི་སྶཱ་ར་ཎཱ་དི་ཀ་ཐཱ་ཝ་ཎྞ་ནཱ
༣༩༥. ཨ་པྤ་ཏྟོ ནི་སྶཱ་ར་ཎནྟི ཨེ་ཏྠ ནི་སྶཱ་ར་ཎཾ ནཱ་མ ཀུ་ལ་དཱུ་ས་ཀཱ་ནཾ་ཡེ་ཝ ཨ་ནུ་ཉྙཱ་ཏཾ, ཨ་ཡཾ པ་ན ཀུ་ལ་དཱུ་ས་ཀོ ན ཧོ་ཏི, ཏ་སྨཱ ‘‘ཨ་པྤ་ཏྟོ’’ཏི ཝུ་ཏྟོ. ཡ་དི ཨེ་ཝཾ ཀ་ཐཾ སུ་ནི་སྶཱ་རི་ཏོ ཧོ་ཏཱི་ཏི? ཙཱུ་ལ༹་ཝ་གྒེ ‘‘ཨཱ་ཀ་ངྑ་མཱ་ནོ ས་ངྒྷོ པ་བྦཱ་ཛ་ནཱི་ཡ་ཀ་མྨཾ ཀ་རེ་ཡྻཱ’’ཏི (ཙཱུ་ལ༹་ཝ. ༢༧) ཝུ་ཏྟ་ཏྟཱ. ‘‘ཏ་སྶ་པཱ་པི་ཡ་སི་ཀ་ཀ་མྨཱ་ར་ཧ་སྶ ཏ་སྶ་པཱ་པི་ཡ་སི་ཀ་ཀ་མྨཾ ཀ་རོ་ནྟཱི’’ཏི ཝ་ཙ་ན་ཏོ ཙ་ཀྐཾ བ་ནྡྷ་ནྟི ཉཱ་ཏ་བྦཾ.
ཨུ་པཱ་ལི་པུ་ཙྪཱ་ཀ་ཐཱ་ཝ་ཎྞ་ནཱ
༤༠༠. ‘‘པ་ར་ཏོཏི ཨུ་པཱ་ལི་པུ་ཙྪ་ཏོ པ་ར’’ནྟི ལི་ཁི་ཏཾ. དོ་སཱ་རི་ཏ་པཱ་ལི༹་ཡཾ ‘‘ཨཱུ་ན་ཝཱི་ས་ཏི་ཝ་སྶོ ན ཨཱ་ག་ཏོ ཝི་པྤ་ནྣ་ཝ་ཏྠུ་ཀ་ཏྟཱ’’ཏི ཝུ་ཏྟཾ. ཨི་མ་སྨིཾ ཙ་མྤེ་ཡྻ་ཀྑ་ནྡྷ་ཀེ ཨ་དྷ་མྨ་ཀ་མྨཱ་ནི་ཡེ་ཝ དྭི་དྷཱ ཀ་ཏྭཱ པ་ཉྩཱ་ག་ཏཱ་ནཱི་ཏི ཝེ་དི་ཏ་བྦཾ. ཏེ་ནེ་ཝ པ་རི་ཝཱ་རེ ཨི་མ་སྨིཾ ཁ་ནྡྷ་ཀེ ‘‘པ་ཉྩ ཨ་དྷ་མྨི་ཀཱ་ནཱི’’ཏི ཝུ་ཏྟཾ. ‘‘ཨ་ནྡྷ་མཱུ་ག་བ་དྷི་རོ སོ་སཱ་རི་ཏོ’’ཏི ཨི་མི་ནཱ ཨ་པ་བྦ་ཛི་ཏ་སྶ་པི ཨུ་པ་ས་མྤ་དཱ རུ་ཧ་ཏཱི་ཏི སི་དྡྷཾ.
ཙ་མྤེ་ཡྻ་ཀྑ་ནྡྷ་ཀ་ཝ་ཎྞ་ནཱ ནི་ཊྛི་ཏཱ.