༡༠. ཀོ་ས་མྦ་ཀ་ཀྑ་ནྡྷ་ཀ་ཝ་ཎྞ་ནཱ
ཀོ་ས་མྦ་ཀ་ཝི་ཝཱ་ད་ཀ་ཐཱ་ཝ་ཎྞ་ནཱ
༤༥༡. སུ་ཏྟ་ནྟི་ཀོཏི ཨེ་ཏྠ ཀི་ཉྩཱ་པི ‘‘ཝི་ན་ཡ་དྷ་རོ མཱ་ཏི་ཀཱ་དྷ་རོ’’ཏི ཝུ་ཏྟཾ, ཨུ་བྷ་ཏོ་ཝི་བྷ་ངྒཾ པ་ན ས་ནྡྷཱ་ཡ ཝུ་ཏྟཾ, ན ཁ་ནྡྷ་ཀ་བྷཱ་ཎ་ཀོ ཧོ་ཏི. ཨཱ་ཝུ་སོ ཨེ་ཏྠ ཨཱ་པ་ཏྟཱིཏི ཝ་ཙ་ནཾ ཨུ་པཱ་དཱ་ཡ ‘‘སོ ཏ་སྶཱ ཨཱ་པ་ཏྟི་ཡཱ ཨཱ་པ་ཏྟི་དི་ཊྛི ཧོ་ཏཱི’’ཏི ཝུ་ཙྩ་ཏི. པ་ཙྪཱ ཝི་ན་ཡ་དྷ་རོ ‘‘ཝ་ཏྠུ་མྷི ས་ཏི པ་མཱ་ཎཾ, ན པ་ཉྙ་ཏྟི་ཡ’’ནྟི ས་ཏིཾ པ་ཊི་ལ་བྷི་ཏྭཱ ཏ་སྶཱ ཨཱ་པ་ཏྟི་ཡཱ ཨཱ་པ་ཏྟི་དི་ཊྛི ཨ་ཧོ་སི, ཏེ་ན ཝུ་ཏྟཾ ཨ་ནྟེ ‘‘ཨ་ཉྙེ བྷི་ཀྑཱུ ཏ་སྶཱ ཨཱ་པ་ཏྟི་ཡཱ ཨཱ་པ་ཏྟི་དི་ཊྛི་ནོ ཧོ་ནྟཱི’’ཏི.
༤༥༥. ‘‘ཡ་ཐཱ མ་ཡཱ ཉ་ཏྟཱི’’ཏི ལི་ཁ་ནྟི ‘‘པ་ཉྙ་ཏྟཱ’’ཏི ཨེ་ཀ་ཝ་ཙ་ན་ཏྟཱ.
དཱི་གྷཱ་ཝུ་ཝ་ཏྠུ་ཀ་ཐཱ་ཝ་ཎྞ་ནཱ
༤༥༨. ‘‘བྷཱུ་ཏ་པུ་བྦཾ, བྷི་ཀྑ་ཝེ, བཱ་རཱ་ཎ་སི་ཡཾ བྲ་ཧྨ་ད་ཏྟོ’’ཏི ལི་ཁ་ནྟི. པུ་རཱ་ཎ་པོ་ཏྠ་ཀེ་སུ ‘‘བཱ་རཱ་ཎ་སི་ཡ’’ནྟི ན་ཏྠི, ‘‘ན་ཏྠི་བྷཱ་ཝོ་ཝ སུ་ནྡ་རོ’’ཏི ཝ་ད་ནྟི.
པཱ་ལི་ལེ་ཡྻ་ཀ་ག་མ་ན་ཀ་ཐཱ་ཝ་ཎྞ་ནཱ
༤༦༧. ར་ཀྑི་ཏ་ཝ་ན་ས་ཎྜེཏི ས་ངྒཱི་ཏི་ཏྠེ་རེ་ཧི སུ་ཝི་ཉྙེ་ཡྻཾ ཀ་ཏྭཱ ཝུ་ཏྟཾ. ‘‘པཱ་ལི་ལེ་ཡྻོཏི གཱ་མོ, ཏ་སྶ ཝ་སེ་ནཱ’’ཏི་པི ཝ་ད་ནྟི, ཏཾ དྷ་མྨ་པ་ད་ཊྛ་ཀ་ཐཱ་ཡ ན ཝི་རུ་ཛ྄ཛྷ་ཏི.
ཨ་ཊྛཱ་ར་ས་ཝ་ཏྠུ་ཀ་ཐཱ་ཝ་ཎྞ་ནཱ
༤༧༣. ན ཏྭེ་ཝ…པེ… པ་ཊི་བཱ་ཧི་ཏ་བྦ་ནྟི ཝ་དཱ་མཱིཏི ཨེ་ཏྠ སེ་ནཱ་ས་ནཱ་ར་ཧ་སྶ ཡོ སེ་ནཱ་ས་ནཾ པ་ཊི་བཱ་ཧ་ཏི, ཏ་སྶེ་ཝ ཨཱ་པ་ཏྟི དུ་ཀྐ་ཊ་སྶ. ‘‘ཀ་ལ་ཧ་ཀཱ་ར་ཀཱ་དཱི་ན་མེ་ཏྠ ཨོ་ཀཱ་སོ ན་ཏྠཱི་ཏི་ཨཱ་དི་ཀཾ ས་ངྒྷ་སྶ ཀ་ཏི་ཀཾ ཝ་ཏྭཱ ཏཾ ན པ་ཉྙཱ་པེ་ནྟ་སྶ ཝཱ ‘ཨ་ཧཾ བུ་དྡྷོ’ཏི པ་ས་ཡ྄ཧ ཨ་ཏྟ་ནཱ ཨ་ཏྟ་ནོ པ་ཉྙཱ་པེ་ཏྭཱ ག་ཎྷ་ནྟཾ ‘ཡུ་ཏྟི་ཡཱ ག་ཎྷ་ཐཱ’ཏི ཝ་ཏྭཱ ཝཱ་རེ་ནྟ་སྶ ཝཱ དོ་སོ ན་ཏྠི. ཨི་དྷ ཀ་ལ་ཧ་ཝཱུ་པ་ས་མ་ན་ཏྠཾ ཨཱ་ག་ཏཱ་ནཾ ཀོ་ས་མྦི་ཀཱ་ན་མྤི ‘ཡ་ཐཱ་ཝུ་ཌྜྷ’ནྟི ཨ་ཝ་ཏྭཱ ‘ཝི་ཝི་ཏྟེ ཨ་ས་ཏི ཝི་ཝི་ཏྟཾ ཀ་ཏྭཱ་པི དཱ་ཏ་བྦ’ནྟི ཝུ་ཏྟ་ཏྟཱ ཝི་ཝི་ཏྟཾ ཀ་ཏྭཱ དེ་ནྟཾ པ་ཊི་བཱ་ཧེ་ནྟ་སྶེ་ཝ ཨཱ་པ་ཏྟཱི་ཏི ཀི་ར ཨ་ཡ་མ་ཏྠོ པཱ་རི་ཝཱ་སི་ཀཱ་དཱི་ནཾ ཝི་ཧཱ་ར་པ་རི་ཡ་ནྟ་དཱ་པ་ནེ་ན སཱ་དྷི་ཏ་བྦོ’’ཏི ལི་ཁི་ཏཾ.
ས་ངྒྷ་སཱ་མ་གྒཱི་ཀ་ཐཱ་ཝ་ཎྞ་ནཱ
༤༧༥. ‘‘ཨ་ཐ ཁོ ཏེ ཨུ་ཀྑི་ཏྟཱ་ནུ་ཝ་ཏྟ་ཀཱ བྷི་ཀྑཱུ ཏཾ ཨུ་ཀྑི་ཏྟ་ཀཾ བྷི་ཀྑུཾ ཨོ་སཱ་རེ་ཏྭཱ ཡེ་ན ཨུ་ཀྑེ་པ་ཀཱ བྷི་ཀྑཱུ…པེ… ཏ་སྶ ཝ་ཏྠུ་སྶ ཝཱུ་པ་ས་མཱ་ཡ ས་ངྒྷ་སཱ་མ་གྒིཾ ཀ་རོ་མཱ’’ཏི ཝ་ཙ་ནཾ དུ་ཝི་ཉྙེ་ཡྻ་ཝི་ནི་ཙྪ་ཡཾ ཝི་ན་ཡ་ལ་ཀྑ་ཎ་ཀུ་ས་ལ་སྶ. ཝི་ཛྫ་མཱ་ནེ ཧི ཀཱ་ར་ཀ་ས་ངྒྷེ ཨི་ཏ་རོ ས་ངྒྷོ ཨོ་སཱ་རི་ཏུཾ ན ལ་བྷ་ཏི. ཨོ་སཱ་རེ་ནྟོ ཙེ, ཏེ བྷི་ཀྑཱུ ཀཱ་ར་ཀ་ས་ངྒྷེ་ན ས་མཱ་ན་ལ་དྡྷི་ཀ་བྷཱ་ཝཾ པ་ཏྟ་ཏྟཱ ཏེ་ན ས་མཱ་ན་སཾ་ཝཱ་ས་ཀཱ ཧོ་ནྟི, ཏ་ཏོ ཨུ་ཀྑེ་པ་ཀཱ་ནཾ ཚ་ནྡཾ ཨ་གྒ་ཧེ་ཏྭཱ ཨོ་སཱ་རེ་ནྟཱ་ནཾ ཀ་མྨཾ ཀུ་པྤ་ཏི, ཏ་སྨཱ ‘‘ཏེ་ན ཧི, བྷི་ཀྑ་ཝེ, ཏཾ བྷི་ཀྑུཾ ཨོ་སཱ་རེ་ཐཱ’’ཏི (མ་ཧཱ་ཝ. ༤༧༤) བྷ་ག་ཝ་ཏོ ཝ་ཙ་ནེ་ན ཨུ་ཀྑི་ཏྟཱ་ནུ་ཝ་ཏྟ་ཀཱ ཨོ་སཱ་རེ་སུཾ, ཨུ་དཱ་ཧུ ནི་སྶཱི་མཾ ག་ནྟྭཱ, ཨུ་དཱ་ཧུ ཨི་ཏ་རེ་སཾ ཚ་ནྡཾ ག་ཧེ་ཏྭཱ ཨོ་སཱ་རེ་སུཾ, ན་ནུ ཨེ་ཏེ་ས་མ་ཉྙ་ཏ་རེ་ནེ་ཏྠ བྷ་ཝི་ཏ་བྦཾ, ན ཙ པ་ནེ་ཏཾ ས་བྦ་ག་ཎྛི་པ་དེ་སུ ཝི་ཙཱ་རི་ཏཾ. ཨ་ཡཾ པ་ནེ་ཏྠ ཏ་ཀྐོ –
‘‘ཡ་སྨིཾ ཝ་ཏྠུ་སྨིཾ ས་ངྒྷེ་ན, ཀ་ཏ་ཀ་མྨ་སྶ བྷི་ཀྑུ་ནོ;
ས་ཏི ཏ་སྨིཾ ན ཨ་ཉྙ་སྶ, པ་ཊི་པྤ་སྶ་མྦྷ་ནཾ ཁ་མཾ.
‘‘ཝི་ར་མ་ནྟེ ཏ་ཏོ དོ་སོ, ཨ་པི ས་ངྒྷོ ཨ་ཀཱ་ར་ཀོ;
ཨོ་སཱ་རེ་ཏུཾ ཨ་ལཾ ཡ་སྨཱ, ཀཱ་ར་ཀོ ཨ་ནུ་ལོ་མི་ཀོ’’ཏི.
༤༧༧. ‘‘ཨ་ཊྛ དཱུ་ཏ་ངྒཱ་ནི ནཱ་མ སོ་ཏཱ ཙ ཧོ་ཏི, སཱ་ཝེ་ཏཱ ཙ ཨུ་གྒ་ཧེ་ཏཱ ཙ དྷཱ་རེ་ཏཱ ཙ ཝི་ཉྙཱ་ཏཱ ཙ ཝི་ཉྙཱ་པེ་ཏཱ ཙ ཀུ་ས་ལོ ཙ ས་ཧི་ཏཱ་ས་ཧི་ཏ་ད་སྶ་ནོ ཙ ཨ་ཀ་ལ་ཧ་ཀཱ་ར་ཀོ ཙཱ་ཏི ཨེ་ཏཱ་ནཱི’’ཏི ཝུ་ཏྟཾ.
ཀོ་ས་མྦ་ཀ་ཀྑ་ནྡྷ་ཀ་ཝ་ཎྞ་ནཱ ནི་ཊྛི་ཏཱ.
མ་ཧཱ་ཝ་གྒ་སྶ ལཱི་ན་ཏྠ་པ་ཀཱ་ས་ནཱ ནི་ཊྛི་ཏཱ.
ན་མོ ཏ་སྶ བྷ་ག་ཝ་ཏོ ཨ་ར་ཧ་ཏོ ས་མྨཱ་ས་མྦུ་དྡྷ་སྶ