༨. ཙཱི་ཝ་ར་ཀྑ་ནྡྷ་ཀ་ཝ་ཎྞ་ནཱ

ཛཱི་ཝ་ཀ་ཝ་ཏྠུ་ཀ་ཐཱ་ཝ་ཎྞ་ནཱ

༣༢༦. རཱ་ཛ་ག་ཧ་ཀོཏི རཱ་ཛ་ག་ཧ་ཝཱ་སཱི.

༣༢༨. ཨ་མོ་ཧ་ཛཱ་ཏི་ཀ་ཏྟཱ ན ཙི་ར་སྶེ་ཝ ཝི་ཉྙུ་ཏཾ པཱ་པུ་ཎི. ཨ་ཧཾ ཏེ པི་ཏཱ, ཀེ་ན་ཊྛེ་ན? ཡ་སྨཱ ཏྭཾ མ་ཡཱ པོ་སཱ་པི་ཏོ.

༣༢༩. ‘‘ས་ཀྐེ ཝི་སྶ་ཊྛ་མ་ཏྟེ’’ཏི པཱ་ཋོ, ཨ་ཊྛ་མ་སི་ཀྑཱ་པ་དེ ཝི་སྶ་ཊྛ་མ་ཏྟོ་ཝ.

པ་ཛྫོ་ཏ་རཱ་ཛ་ཝ་ཏྠུ་ཀ་ཐཱ་ཝ་ཎྞ་ནཱ

༣༣༤. བྷུ་ཉྫི་ཏུཾ ནི་སི་ནྣ་སྶཱཏི ཨེ་ཏྠ ‘‘དྷ་མྨ་པ་དེ ‘བ་ཧི་ན་ག་རེ དི་སྭཱ’ཏི ཝུ་ཏྟཾ, ཏ་སྨཱ དྭཱི་སུ དི་ཝ་སེ་སུ དི་ནྣཾ ཏེ་ན ཏེ་སུ ཨེ་ཀེ་ཀཾ ག་ཧེ་ཏྭཱ དྭཱི་སུ ཨ་ཊྛ་ཀ་ཐཱ་སུ ཝུ་ཏྟ་ནྟི ཡུ་ཛྫ་ཏཱི’’ཏི ཝ་ད་ནྟི.

ས་མ་ཏྟིཾ་ས་ཝི་རེ་ཙ་ན་ཀ་ཐཱ་ཝ་ཎྞ་ནཱ

༣༣༦. ཀ་བ་ལེ༹ ཀ་བ་ལེ༹ཏི ཨེ་ཏྠ ཀི་ཉྩཱ་པི གུ་ལཱ༹་དཱི་སུ པ་ཀྑི་ཏྟཾ, ཏཾ པ་ན བྷ་ག་ཝཱ་ཝ པ་རི་བྷུ་ཉྫི, ཏ་སྨཱ ན་ཏྠི དོ་སོ.

ཝ་ར་ཡཱ་ཙ་ན་ཀ་ཐཱ་ཝ་ཎྞ་ནཱ

༣༣༧. མ་ཧཱ་པི་ཊྛི་ཡ་ཀོ་ཛ་ཝཾ ནཱ་མ ཨ་ཏི་རེ་ཀ་ཙ་ཏུ་ར་ངྒུ་ལ་པུ་པྥཾ ཀི་ར.

ཀ་མྦ་ལཱ་ནུ་ཛཱ་ན་ནཱ་དི་ཀ་ཐཱ་ཝ་ཎྞ་ནཱ

༣༤༠. ཨུ་པ་ཙཱ་རེཏི སུ་སཱ་ན་སྶ ཨུ་པ་ཙཱ་རེ. བ་ཧི་པི ཝ་ཊྚ་ཏཱི་ཏི ཨེ་ཀེ. ཀ་ཏི་ཀ་ཀ་ར་ཎཾ ད་སྶེ་ཏྭཱ ‘‘མ་ཡ྄ཧཾ ས་ནྟ་ཀཾ ཏ་ཝ ཙ མ་མ ཙ ཧོ་ཏཱུ་ཏི ཝ་ཏྭཱ ཨི་ཏ་རེ་ན ཙ ཏ་ཐཱ་ཝུ་ཏྟེ ཝ་ཊྚ་ཏཱི’’ཏི ས་མཱ་ན་པ་རི་ཀྑཱ་ར་ཝི་དྷིཾ ཝ་ད་ནྟི.

༣༤༢. ‘‘ཁ་ཎྜ་སཱི་མཱ་ཡ་པི ས་མྨ་ནྣི་ཏུཾ ཝ་ཊྚ་ཏཱི་ཏི ཝུ་ཏྟ་ཏྟཱ སེ་ས་ཀ་མྨཱ་ནི་པི ཏ་ཏྠ ནི་སཱི་དི་ཏྭཱ ཀཱ་ཏུཾ ཝ་ཊྚ་ཏཱི’’ཏི ཝུ་ཏྟཾ. ‘‘ཨེ་ཝཾ ས་ནྟེ ཙོ་རི་ཀཱ་ཡ ཀ་ཏ་ས་དི་སཾ ཧོ་ཏི, ཏ་སྨཱ ན ཝ་ཊྚ་ཏཱི’’ཏི དཱི་པ་ཝཱ་སི་ནོ ཝ་ད་ནྟི ཀི་ར. ‘‘ཙོ་རི་ཀཱ་ཡ ག་ཧི་ཏ་ཏྟཱ ན པཱ་པུ་ཎཱ་ཏཱི་ཏི སེ་ནཱ་ས་ན་ཀྑ་ནྡྷ་ཀེ ཨཱ་ག་ཏ་སུ་ཏྟ་ཉྩ སཱ་དྷ་ཀ’’ནྟི ཝ་ད་ནྟི, ཏ་སྨཱ ཏེ་སཾ མ་ཏེ་ན ཨི་དཾ ཨཱ་ཝེ་ཎི་ཀ་ལ་ཀྑ་ཎ་ནྟི ཝེ་དི་ཏ་བྦཾ.

བྷ་ཎྜཱ་གཱ་ར་ས་མྨུ་ཏི་ཨཱ་དི་ཀ་ཐཱ་ཝ་ཎྞ་ནཱ

༣༤༣. ‘‘ཨི་དཾ པ་ན བྷ་ཎྜཱ་གཱ་རནྟི ཨཱ་ཝེ་ཎི་ཀ་ལ་ཀྑ་ཎ’’ནྟི ཝུ་ཏྟཾ.

ཙཱི་ཝ་ར་ར་ཛ་ན་ཀ་ཐཱ་ཝ་ཎྞ་ནཱ

༣༤༤. གོ་མ་ཡེ ཨཱ་པ་ཏྟི ན་ཏྠི, ཝི་རཱུ་པ་ཏྟཱ་ཝཱ་རི་ཏཾ. ‘‘ཀུ་ངྐུ་མ་པུ་པྥཾ ན ཝ་ཊྚ་ཏཱི’’ཏི ཝ་ད་ནྟི. ‘‘ཨ་ལླི་ཀཱ་ཡཱ’’ཏི་པི པཱ་ཋོ ཨ་ཏྠི.

ནི་སཱི་ད་ནཱ་དི་ཨ་ནུ་ཛཱ་ན་ན་ཀ་ཐཱ་ཝ་ཎྞ་ནཱ

༣༥༣. ཨ་ཊྛཱ་ན་མེ་ཏནྟི ཨེ་ཏྠ རཱུ་པ་ཀ་ཎྜེ ‘‘ཙ་ཏུ་ས་མུ་ཊྛཱ་ནི་ཀ’’ནྟི ཝུ་ཏྟ་ཏྟཱ ཀ་མྨ་ས་མུ་ཊྛཱ་ནཾ རཱ་ག་ཙི་ཏྟཱ་བྷཱ་ཝཱ ན མུ་ཙྩ་ཏཱི་ཏི ཝཱ རཱ་ག་པ་ཙྩ་ཡེ ས་ཏི ཀ་མྨ་ས་མུ་ཊྛཱ་ནཾ ཧོ་ཏཱི་ཏི ཝཱ ཝི་ཙཱ་རེ་ཏྭཱ ག་ཧེ་ཏ་བྦཾ ཀ་ཐཱ་ཝ་ཏྠུ་ནཱ ཙ.

༣༦༢. ཨ་གྒ་ལ༹་གུ་ཏྟི་ཡེ་ཝ པ་མཱ་ཎནྟི ཨི་མེ་ཧི ཙ་ཏཱུ་ཧི ནི་ཀྑེ་པ་ཀཱ་ར་ཎེ་ཧི ཋ་པེ་ནྟེ་ན ཨ་གྒ་ལ༹་གུ་ཏྟི་ཝི་ཧཱ་རེ་ཡེ་ཝ ཋ་པེ་ཏུཾ ཝ་ཊྚ་ཏཱི་ཏི ཨ་དྷི་པྤཱ་ཡོ.

ས་ངྒྷི་ཀ་ཙཱི་ཝ་རུ་པྤཱ་ད་ཀ་ཐཱ་ཝ་ཎྞ་ནཱ

༣༦༣. ནོ ཙེ ཨ་ཏྠ་ཏཾ ཧོ་ཏི ‘‘ཨེ་ཀཾ ཙཱི་ཝ་ར་མཱ་ས’’ནྟི ན ཝ་ཏྟ་བྦཾ. ཀ་སྨཱ? ‘‘ཨ་ནུ་ཛཱ་ནཱ་མི, བྷི་ཀྑ་ཝེ, ཏ་སྶེ་ཝ ཏཱ་ནི ཙཱི་ཝ་རཱ་ནི ཡཱ་ཝ ཙཱི་ཝ་ར་མཱ་སཱ’’ཏི ཝ་ཙ་ན་སྶ ཨ་བྷཱ་ཝ་ཏོ, ཏ་སྨཱ ཨ་ན་ཏྠ་ཏ་ཀ་ཐི་ན་སྶ ཨ་ན་ནུ་ཉྙཱ་ཏ་ནྟི ཙེ? ན, ཧེ་ཊྛཱ ཨ་ནུ་ཉྙཱ་ཏ་ཏྟཱ, ཏ་ཏོ ལཱི་ན་ཏྠ་དཱི་པ་ན་ཏྠ་མི་དྷ ཏ་ཐཱ ཝུ་ཏྟ་ཏྟཱ ཙ. ཧེ་ཊྛཱ ཧི ‘‘ཨ་ཀཱ་ལ་ཙཱི་ཝ་རཾ ནཱ་མ ཨ་ན་ཏྠ་ཏེ ཀ་ཐི་ནེ ཨེ་ཀཱ་ད་ས་མཱ་སེ ཨུ་པྤ་ནྣཾ, ཨ་ཏྠ་ཏེ ཀ་ཐི་ནེ ས་ཏྟ་མཱ་སེ ཨུ་པྤ་ནྣཾ, ཀཱ་ལེ་པི ཨཱ་དི་སྶ དི་ནྣཾ, ཨེ་ཏཾ ཨ་ཀཱ་ལ་ཙཱི་ཝ་རཾ ནཱ་མཱ’’ཏི (པཱ་རཱ. ༥༠༠) ཝ་ཙ་ན་ཏོ ཨ་ན་ཏྠ་ཏ་ཀ་ཐི་ནཱ་ནཾ ཨེ་ཀ་ཙཱི་ཝ་ར་མཱ་སེ ཨུ་པྤ་ནྣཾ, ཏེ་སཾ་ཡེ་ཝ ཧོ་ཏཱི་ཏི སི་དྡྷཾ, ཏ་སྨཱ ཨི་དྷ ཏཾ ཨ་ཝ་ཏྭཱ ཨེ་ཀོ་པི ཏ་ཡོ ག་ཎ་པཱུ་ར་ཀེ ལ་བྷི་ཏྭཱ ཀ་ཐི་ནཾ ཨ་ཏྠ་རི་ཏུཾ ལ་བྷ་ཏཱི་ཏི ཨི་མཾ ལཱི་ན་ཏྠཾ པ་ཀཱ་སེ་ཏུཾ ‘‘ཡཱ་ཝ ཀ་ཐི་ན་སྶ ཨུ་བྦྷཱ་རཱ་ཡཱ’’ཏི ཝུ་ཏྟཾ. ཨི་ཏ་ར་ཐཱ ཨ་ཡ་མ་ཏྠོ ན ཉཱ་ཡ་ཏི. ‘‘ཛཱ་ནི་ཏ་བྦོ ཙ ཝི་ན་ཡ་དྷ་རེ་ཧཱིཏི ཏ་ཐཱ ཝུ་ཏྟོ་ཏི ཨ་པ་རེ’’ཏི ཝུ་ཏྟཾ. ཨ་ཏྠ་ཏཾ ཧོ་ཏི, པ་ཉྩ མཱ་སེ ས་བྦཾ ཏ་སྶེ་ཝ བྷི་ཀྑུ་ནོ ཧོ་ཏཱི་ཏི ས་མྦ་ནྡྷོ. ཨ་ཙྩ་ནྟ་སཾ་ཡོ་ག་ཝ་སེ་ན ཨུ་པ་ཡོ་ག་ཝ་ཙ་ནཾ. ‘‘ཨི་དྷ ཝ་སྶཾ་ཝུ་ཏྠ་ས་ངྒྷ་སྶཱ’’ཏི ནི་ཡ་མི་ཏ་ཏྟཱ ‘‘ཝ་སྶཱ་ཝཱ་སི་ཀཾ དེ་མཱ’’ཏི ཨེ་ཏྠ ཙ ‘‘ཨི་དྷཱ’’ཏི ཨ་དྷི་ཀཱ་ར་ཏྟཱ ཏ་སྨིཾ ཝུ་ཏྟེ ལ་བྷ་ཏི. ‘‘པི་ཊྛི་ས་མ་ཡེ ཨུ་པྤ་ནྣ་ཏྟཱཏི ཙཱི་ཝ་ར་ཀཱ་ལ་སྶཱ་ས་ནྣ་ཏྟཱ ཙ ཨ་ན་ཏྠ་ཏ་ཀ་ཐི་ནཱ་ན་མྤི ཝུ་ཏྠ་ཝ་སྶཱ་ན་ཉྩ ཨ་ནུ་ཉྙཱ་ཏ་ཊྛཱ་ན་ཏྟཱ ཨེ་ཝ ཝུ་ཏྟ’’ནྟི ཨ་ཉྙ་ཏ་ར་སྨིཾ ག་ཎྛི་པ་དེ ལི་ཁི་ཏཾ. ཀེ་ཙི པ་ན ‘‘ཡཾ པ་ན ཨི་དཾ ‘ཨི་དྷ ཝ་སྶཾ་ཝུ་ཏྠ་ས་ངྒྷ་སྶཱ’ཏི་ཨཱ་དིཾ ཀ་ཏྭཱ ཡཱ་ཝ ‘ཨ་ནཱ་ག་ཏ་ཝ་སྶེ’ཏི པ་དཾ, ཏཱ་ཝ པུ་ཙྪི་ཏྭཱ ‘ཀ་སྨཱ? པི་ཊྛི་ས་མ་ཡེ ཨུ་པྤ་ནྣ་ཏྟཱ’ཏི ཨི་དཾ པ་ར་ཏོ ‘ཏ་ཏྲ ས་མྨུ་ཁཱི་བྷཱུ་ཏཱ་ནཾ ས་བྦེ་སཾ པཱ་པུ་ཎཱ་ཏཱི’ཏི ཨི་མ་སྶ པ་རི་ཡོ་སཱ་ནེ ‘ཀ་སྨཱ? པི་ཊྛི་ས་མ་ཡེ ཨུ་པྤ་ནྣ་ཏྟཱ’ཏི ལི་ཁི་ཏ་བྦཾ. ཀ་སྨཱ་ཏི ཙེ? པ་ར་ཏོ ‘ཙཱི་ཝ་ར་མཱ་ས་ཏོ པ་ཊྛཱ་ཡ ཡཱ་ཝ ཧེ་མ་ནྟ་སྶཱ’ཏི ཝུ་ཏྟེ་ན ནི་བྦི་སེ་ས་ཏྟཱ, ཏ་སྨཱ ཨེ་ཝ ཨེ་ཀ་ཙྩེ་སུ པ་ཎྜི་ཏ་ནྟི ཝ་ད་ནྟཱི’’ཏི ཝ་ད་ནྟི. ཨི་དྷ པ་ན ཨི་དྷ-ས་དྡེ་ན ཝི་སེ་སི་ཏཾ, ཏ་ཏྠ ན་ཏྠི, ཏ་སྨཱ ཨ་ཉྙ་མ་ཉྙ་ཝི་རོ་དྷོ ན་ཏྠཱི་ཏི ག་ཧེ་ཏ་བྦཾ. ‘‘མ་ཡ྄ཧི་མཱ་ནི ཙཱི་ཝ་རཱ་ནི པཱ་པུ་ཎ་ནྟཱི’’ཏི ཝ་ཙ་ན་མེ་ཝཱ་དྷི་ཊྛཱ་ནཾ, ཨི་ད་མེ་ཏྠ ཨུ་ཀྐ་ཊྛ་ཝ་སེ་ན ཝུ་ཏྟཾ. ‘‘མ་ཡ྄ཧི་མཱ་ནི ཙཱི་ཝ་རཱ་ནཱི’ཏི ཝུ་ཏྟེ་པི ཨ་དྷི་ཊྛི་ཏ་མེ་ཝ ཧོ་ཏཱི’’ཏི ཝུ་ཏྟཾ. ‘‘མ་ཡ྄ཧི་མཱ་ནཱི’ཏི ཝུ་ཏྟེ ཏ་སྶ ཙཱི་ཝ་རཱ་ནི ནཱ་མ ན་ཏྠི, ཏ་སྨཱ ‘ཙཱི་ཝ་རཱ་ནི པཱ་པུ་ཎ་ནྟཱི’ཏི ཝ་ཏྟ་བྦ་མེ་ཝཱ’’ཏི ཝ་ད་ནྟི. དུ་གྒ་ཧི་ཏཱ་ནཱིཏི ས་ངྒྷི་ཀཱ་ནེ་ཝ ཧོ་ནྟི. ‘‘ག་ཧི་ཏ་མེ་ཝ ནཱ་མཱ’ཏི ཨི་མ་སྶ ཨི་དཾ པ་ཏྟ་ནྟི ཀི་ཉྩཱ་པི ན ཝི་དི་ཏཾ, ཏེ པ་ན བྷཱ་གཱ ཏེ་སཾ ཨ་ཏྠ་ཏོ པ་ཏྟཱ་ཡེ་ཝཱ་ཏི ཨ་དྷི་པྤཱ་ཡོ’’ཏི ལི་ཁི་ཏཾ. ‘‘ཨེ་ཀ་སྨིཾ ཨ་པ་ཏི་ཏེ པུ་ན ཨཱ་ག་ཏཱ ལ་བྷ་ནྟཱི’’ཏི ཝུ་ཏྟཾ.

ཨུ་པ་ན་ནྡ་ས་ཀྱ་པུ་ཏྟ་ཝ་ཏྠུ་ཀ་ཐཱ་ཝ་ཎྞ་ནཱ

༣༦༤. ‘‘ན, བྷི་ཀྑ་ཝེ, ཨ་ཉྙ་ཏྲ ཝ་སྶཾ་ཝུ་ཏྠེ་ནཱ’’ཏི ཙཱི་ཝ་ར་ས་མ་ཡཾ ཨུ་པཱ་དཱ་ཡ པ་ཊི་ཀྑེ་པོ ཀ་ཏོ.ཨེ་ཀ་སྨིཾ ཝི་ཧཱ་རེ ‘‘རཱ་ཛ་ཝི་ཧཱ་རེ ཝི་ཡ ནཱ་ནཱ་པ་རི་ཝེ་ཎེ་སུ ཝཱ ཨི་དྷ ཝཱ ཝུ་ཏྠཱ ལ་བྷ་ཏཱུ’’ཏི ཝ་ཏྭཱ དི་ནྣཾ. ‘‘ས་ཏྟཱ་ཧ་ཝཱ་རེ་ན ཨ་རུ་ཎ་མེ་ཝ ཨུ་ཊྛཱ་པེ་ཏཱིཏི ཨེ་ཏཾ ཝ་ཙ་ན་མ་ཏྟ་མེ་ཝ ཨེ་ཀ་ཝི་ཧཱ་རེ ས་ཏྟཱ་ཧ་ཀི་ཙྩཱ་བྷཱ་ཝཱ’’ཏི ཙ ལི་ཁི་ཏཾ.

མ་ཏ་ས་ནྟ་ཀ་ཀ་ཐཱ་ཝ་ཎྞ་ནཱ

༣༦༩. བྷི་ཀྑུ་སྶཱཏི བྷི་ཀྑུ་སྨིཾ ཀཱ་ལཾ་ཀ་ཏེ. ཏ་ཏྠ ‘‘པ་ཏྟ་ཙཱི་ཝ་རེ’’ཏི པ་དྷཱ་ན་པ་རི་ཀྑཱ་ར་ད་སྶ་ན་མུ་ཁེ་ན ས་བྦ་པ་རི་ཀྑཱ་ར་ནི་ད་སྶ་ན་ནྟི ཝེ་དི་ཏ་བྦཾ. ཨ་དྷ་མྨེ་ན ཨུ་པྤ་ནྣ་ཉྩེ་ཏཾ ཧོ་ཏི, ས་ངྒྷ་སྶ ཀ་པྤི་ཡ་མེ་ཝ མ་ཏ་ཏྟཱ་ཏི ཨེ་ཀེ. ནོ་ཏི ཏ་ཀྐོ པ་ཏྟ་ཙ་ཏུ་ཀྐེ ས་བྦ་ཐཱ ཨ་ཀ་པྤི་ཡ་པ་ཏྟ་ན་ཡ་ཝི་རོ་དྷ་ཏོ. ཨ་དྷ་མྨེ་ན ཨུ་པྤ་ནྣ་སེ་ནཱ་ས་ནེ ཙ ཝ་ས་ཏོ ཨ་ནཱ་པ་ཏྟི. ཨ་ཉྙ་ཏ་ར་སྨིཾ ཨཱ་ཝཱ་སེ དྭེ བྷི་ཀྑཱུ ཝ་ས་ནྟི, ཏ་ཏྠ ཙེ་ཀོ ཀཱ་ལཾ་ཀ་ཏོ, ཨི་ཏ་རོ ཏ་སྶ པ་རི་ཀྑཱ་རཾ ཨ་པཱ་པེ་ཏྭཱ ཏཾ ཐེ་ཡྻ་ཙི་ཏྟེ་ན ག་ཎྷཱ་ཏི, ས་ངྒྷ་ས་ནྟ་ཀཾ ག་ཧི་ཏཾ ཧོ་ཏི, བྷ་ཎྜ་གྒྷེ་ན ཀཱ་རེ་ཏ་བྦོ. ཨ་ནཱ་ཝཱ་སེ ག་ཎྷཱ་ཏི, ན ཀཱ་རེ་ཏ་བྦོ ཨ་སྶཱ་མི་ཀ་སྶ ག་ཧི་ཏ་ཏྟཱ. མ་ར་ཎ་ས་མ་ཡེ ཝ་ཏྟུཾ ཨ་ས་ཧ་ནྟོ ཙེ ཙི་ཏྟེ་ནེ་ཝ དེ་ཏི, པུ་ཉྙཾ པ་ས་ཝ་ཏི, ས་ངྒྷོ་ཝ ཏ་སྶ སཱ་མཱི. པ་རོ ཝཱ ཨ་ཝི་སྶཱ་སི་ཀོ ས་ཡ་མེ་ཝ ག་ཎྷཱ་ཏི, ག་ཧ་ཎཾ ན རུ་ཧ་ཏི, ཐེ་ཡྻ་ཙི་ཏྟེ་ན ཙེ, བྷ་ཎྜ་གྒྷེ་ན ཀཱ་རེ་ཏ་བྦོ. ཏ་སྶ ཙ ཨཱ་ཝཱ་ས་ག་ཏ་སྶ ཀོ སཱ་མཱི. ‘‘ས་ངྒྷོ སཱ་མཱི’’ཏི ཝ་ཙ་ན་ཏོ ས་ངྒྷེ་ན བ་ལ་ཀྐཱ་རེ་ན སོ ཝཱ་རེ་ཏ་བྦོ་ཏི ཨེ་ཀེ. ཛཱི་ཝ་མཱ་ན་ཀཱ་ལེ ག་ཧི་ཏ་ཏྟཱ ན ས་ངྒྷོ སཱ་མཱི་ཏི ཨེ་ཀེ. སཱ་མི་ཀོ ཙེ ས་ཡཾ པ་སྶི་ཏྭཱ ཨ་ཙྪི་ནྡི་ཏུཾ ལ་བྷ་ཏི, ས་ངྒྷོ་པི ལ་བྷ་ཏི སཱ་མི་ཋཱ་ནེ ཋི་ཏ་ཏྟཱ་ཏི ཨི་ཏ་རེ, ཝི་ཙཱ་རེ་ཏྭཱ ག་ཧེ་ཏ་བྦཾ.

མ་ཏ་ཀ་སྶ ཧི་ར་ཉྙཱ་དི་ཨ་ཀ་པྤི་ཡ་བྷ་ཎྜཾ ཧོ་ཏི. ཨུ་གྒ་ཧི་ཏ་ཉྩེ་ཏཾ ཧོ་ཏི, ཨུ་གྒ་ཧི་ཏེ ཝུ་ཏྟ་ན་ཡེ་ན པ་ཊི་པ་ཛྫི་ཏ་བྦཾ. དྷ་མྨེ་ན ཨུ་པྤ་ནྣཾ ཙེ, ཀ་པྤི་ཡ་ཀཱ་ར་ཀོ ཨཱ་ཙི་ཀྑི་ཏ་བྦོ. དཱ་སོ ཙེ ག་ཧི་ཏོ ཧོ་ཏི, ན ས་ངྒྷོ སཱ་མཱི, ཨཱ་རཱ་མི་ཀོ ཙེ, ས་ངྒྷོ སཱ་མཱི. གཱ་ཝཱི་མ་ཧིཾ་སཱི་ཨཱ་ད་ཡོ ཧོ་ནྟི, ཨཱ་ཝཱ་ས་ག་ཏཱ་ནཾ ས་ངྒྷོ སཱ་མཱི, ཨ་ནཱ་ཝཱ་ས་ག་ཏཱ་ནཾ ན ས་ངྒྷོ སཱ་མཱི. ས་ངྒྷོ ཙེ ཨཱ་ཝཱ་སཾ ཨཱ་ནེ་ཏྭཱ ཨ་ཏྟ་ནོ ས་ནྟ་ཀཾ ཀ་ཏྭཱ པ་ཙྪཱ ས་མཱི་པེ བ་ཧི་སཱི་མཱ་ཡ ཋ་པེ་ཏི, ཀཱ་ར་ཀ་ས་ངྒྷོ སཱ་མཱི, ཏ་ཐཱ ཨཱ་རཱ་མི་ཀེ. མ་ཏ་ཀ་སྶ པ་རི་ཀྑཱ་རོ ནི་ཀྑེ་པ་ཝ་སེ་ན ཋ་པི་ཏོ ཧོ་ཏི, ཨེ་སོ་ཝ སཱ་མཱི. མ་ཧ་གྒྷོ ཙེ ཧོ་ཏི, སེ་ས་སྶ ས་ངྒྷོ སཱ་མཱི. ‘‘ཀེ་ན་ཙི གི་ལཱ་ནུ་པ་ཊྛཱ་ཀེ་ནཱ’’ཏི ཝ་ཏྟ་བྦ་ཀྐ་མོ ཨེ་ཏེ་ན ད་སྶི་ཏོ. པུ་ན ཨུ་པ་ཊྛཱ་ཀཱ་ནཾ བ་ཧུ་བྷཱ་ཝེ ས་ཏི ས་བྦེ་སཾ དཱ་ཏ་བྦ་ཀ་མྨཾ ད་སྶེ་ནྟེ་ན བྷ་ག་ཝ་ཏཱ ཀ་མྨ་ཝཱ་ཙཱ་ཡཾ ‘‘གི་ལཱ་ནུ་པ་ཊྛཱ་ཀཱ་ན’’ནྟི ཝུ་ཏྟཾ. སཱ་མ་ཎེ་ར་ཝཱ་རེ ‘‘ཙཱི་ཝ་ར’’ནྟི པཱ་ཋོ. ‘‘ཨི་མཾ ཏུ་ཡ྄ཧཾ དེ་མི ད་དཱ་མི ད་ཛྫཱ་མི ཨོ་ཎོ་ཛེ་མི པ་རི་ཙྩ་ཛཱ་མི ཝི་སྶ་ཛྫཱ་མི ནི་སྶ་ཛྫཱ་མཱི’ཏི ཝཱ ‘ཨི་ཏྠ་ནྣཱ་མ་སྶ དེ་མི…པེ… ནི་སྶ་ཛྫཱ་མཱི’ཏི ཝཱ ཝ་ད་ཏི, ‘ས་མྨུ་ཁཱ ཝཱ པ་ར་མྨུ་ཁཱ ཝཱ ཝུ་ཏྟེ དི་ནྣཾ་ཡེ་ཝ ཧོ་ཏཱི’ཏི དཱ་ན་ལ་ཀྑ་ཎ་སྶ ཙ ‘ཏུ་ཡ྄ཧཾ ག་ཎྷཱ་ཧཱི’ཏི ཝུ་ཏྟེ ‘མ་ཡ྄ཧཾ ག་ཎྷཱ་མཱི’ཏི ཝ་ད་ཏི, ‘སུ་དི་ནྣཾ སུ་གྒ་ཧི་ཏ་ཉྩཱ’ཏི (པཱ་རཱ. ཨ་ཊྛ. ༢.༤༦༩) ག་ཧ་ཎ་ལ་ཀྑ་ཎ་སྶ ཙ ཝུ་ཏྟ་ཏྟཱ ‘མ་མ ས་ནྟ་ཀཾ ཏ་ཝ ཙ མ་མ ཙ ཧོ་ཏཱུ’ཏི ཨེ་ཝ་མཱ་དི་ཝ་ཙ་ནེ་ན ས་མཱ་ན་པ་རི་ཀྑཱ་རཾ ཀཱ་ཏུཾ ཝ་ཊྚ་ཏཱི་ཏི ཨཱ་ཙ་རི་ཡཱ’’ཏི ལི་ཁི་ཏཾ.

ཨ་ནུ་ག་ཎྛི་པ་དེ པ་ན ཨ་ཏཱི་ཝ པ་པ་ཉྩཾ ཀ་ཏྭཱ པུ་ན ‘‘ཨི་ད་མེ་ཏྠ ཨཱ་ཙ་རི་ཡཱ་ནཾ ས་ནྣི་ཊྛཱ་ནཾ – ས་ཙེ་ས་མྦ་ཧུ་ལཱ, དྭེ ཝཱ ས་མཱ་ན་པ་རི་ཀྑཱ་རཾ ཀ་ཏྟུ་ཀཱ་མཱ ཧོ་ནྟི, ཏེ ས་བྦེ ཨ་ཏྟ་ནོ ས་ནྟ་ཀཾ ཝ་ཏྟ་མཱ་ནཾ ཨུ་པྤ་ཛྫ་ན་ཀེ་ན ས་དྡྷིཾ པེ་ས་ལ་སྶ ཨེ་ཀ་སྶ པ་རི་ཙྩ་ཛ་ནྟི, སོ པུ་ན ཏེ་ས་མེ་ཝ པ་རི་ཙྩ་ཛ་ཏི, ཨེ་ཏྟཱ་ཝ་ཏཱ ཏེ ས་མཱ་ན་པ་རི་ཀྑཱ་རི་ཀཱ ཧོ་ནྟཱི་ཏི. ཨི་དཾ ས་མཱ་ན་པ་རི་ཀྑཱ་ར་ལ་ཀྑ་ཎཾ པཱ་ལི༹་ཨཱ་དཱི་སུ ཝུ་ཏྟ་ལ་ཀྑ་ཎེ་ཡེ་ཝ པ་ཏ་ན་ཏོ ཨ་ཙ་ལ་པྤ་ཏྟཾ ཧོ་ཏི, ཏ་ཐཱ་པི པོ་རཱ་ཎ་ཝི་དྷིཾ ཨ་ཛ྄ཛྷོ་ཏྠ་རི་ཏྭཱ ཝ་ཏྟ་ན་ཏོ པ་ཊི་སེ་དྷེ་ཏ་བྦོ, ཨཱ་ཙ་རི་ཡཱ་ནཾ མ་ཏཱ་ནུ་སཱ་རེ་ན ཀཱ་ཏ་བྦཾ ཀཱ་ཏུ་ཀཱ་མེ་ནཱ་ཏི ཨ་པ་རེ’’ཏི ཝུ་ཏྟཾ, ‘‘ཝ་སྶཾ་ཝུ་ཏྠ་སཱ་མ་ཎེ་རོ པ་ཉྩ་སུ སི་ཀྑཱ་པ་དེ་སུ ཨེ་ཀཾ ཨ་ཏི་ཀྐ་མི་ཏྭཱ པུ་ན ག་ཧི་ཏོ ལཱ་བྷཾ ན ལ་བྷ་ཏི, ཨ་ནྟི་མ་ཝ་ཏྠུཾ ཨ་ཛ྄ཛྷཱ་པ་ནྣོ ནཱ་མ ཧོ་ཏཱི’’ཏི ཝ་ད་ནྟི.

ཝ་སྶཾ་ཝུ་ཏྠཱ་ནཾ་ཨ་ནུ་པྤ་ནྣ་ཙཱི་ཝ་ར་ཀ་ཐཱ་ཝ་ཎྞ་ནཱ

༣༧༥. ཨུ་པྤ་ནྣེ ཙཱི་ཝ་རེ ཨ་བྷཱ་ཛི་ཏེ པ་ཀྐ་མ་ཏཱིཏི ཨེ་ཏྠ ‘‘ས་ངྒྷེ་ན ཏ་ཏྲུ་པྤཱ་ད་ཏོ ཨེ་ཀེ་ཀ་སྶ བྷི་ཀྑུ་ནོ ཨེ་ཏྟ་ཀཾ ཝ་སྶཱ་ཝཱ་སི་ཀཾ དཱ་ཏུཾ ས་ངྒྷ་སྶ རུ་ཙྩ་ཏཱི’’ཏི སཱ་ཝི་ཏེ་པི ཝི་བྦྷ་མ་ཏི, ཏ་ཏོ ན ལ་བྷ་ཏི, པུ་ན པ་བྦ་ཛི་ཏྭཱ ཨུ་པ་ས་མྤ་ཛྫི་ཏྭཱ ཙཱི་ཝ་ར་བྷཱ་ཛ་ནཾ ས་མྦྷཱ་ཝེ་ནྟོ་པི ན ལ་བྷ་ཏི་ཡེ་ཝ པུ་བྦ་པ་ཀ་ཏི་ཏོ བྷ་ཊྛ་ཏྟཱ. ཨ་ཐ པཱ་པི་ཏེ ཝི་བྦྷ་མ་ཏི, ལ་བྷ་ཏཱི’’ཏི ཙ ཝུ་ཏྟཾ.

ས་ངྒྷེ་བྷི་ནྣེ་ཙཱི་ཝ་རུ་པྤཱ་ད་ཀ་ཐཱ་ཝ་ཎྞ་ནཱ

༣༧༦. པ་ར་ས་མུ་དྡེཏི ཛ་མྦུ་དཱི་པེ.

ཨ་ཊྛ་ཙཱི་ཝ་ར་མཱ་ཏི་ཀཱ་ཀ་ཐཱ་ཝ་ཎྞ་ནཱ

༣༧༩. ཡ་སྨཱ ཨ་པ་རི་ཀྑི་ཏྟ་སྶ པ་རི་ཀྑེ་པཱ་ར་ཧ་ཊྛཱ་ནཾ དུ་བྦི་ཛཱ་ནཾ, ཏ་སྨཱ ‘‘ཨ་པི་ཙཱ’’ཏི་ཨཱ་དི ཝུ་ཏྟཾ. ཏ་ཏྠ དྷུ་ཝ་ས་ནྣི་པཱ་ཏ་ཊྛཱ་ན་མྤི པ་རི་ཡ་ནྟ་ག་ཏ་མེ་ཝ ག་ཧེ་ཏ་བྦཾ. ‘‘མ་ཧཱ་པ་ཙྩ་རི་ཡཾ པ་ན བྷི་ཀྑཱུ་སུ་པི…པེ… པཱ་པུ་ཎཱ་ཏཱིཏི ‘ཨུ་པ་ཙཱ་ར་སཱི་མཱ་ཡ དེ་མཱ’ཏི ཨེ་ཝཾ དི་ནྣ་མེ་ཝ ས་ནྡྷཱ་ཡཱ’’ཏི ལི་ཁི་ཏཾ. ‘‘ས་མཱ་ན་སཾ་ཝཱ་ས་ཀ་སཱི་མཱ་ཡཱ’’ཏི ཝུ་ཏྟེ ཁ་ཎྜ་སཱི་མཱ་དཱི་སུ ཋི་ཏཱ་ནཾ ན པཱ་པུ་ཎཱ་ཏི ཏཱ་སཾ ཝི་སུཾ ས་མཱ་ན་སཾ་ཝཱ་ས་ཀ་སཱི་མ་ཏྟཱ. ས་མཱ་ན་སཾ་ཝཱ་ས་ཀ་ཨ་ཝི་པྤ་ཝཱ་ས་སཱི་མཱ་ནཾ ཨི་དཾ ནཱ་ན་ཏྟཾ – ‘‘ཨ་ཝི་པྤ་ཝཱ་ས་སཱི་མཱ་ཡ ད་མྨཱི’’ཏི དི་ནྣཾ གཱ་མ་ཊྛཱ་ནཾ ན པཱ་པུ་ཎཱ་ཏི. ཀ་སྨཱ? ‘‘ཋ་པེ་ཏྭཱ གཱ་མ་ཉྩ གཱ་མཱུ་པ་ཙཱ་ར་ཉྩཱ’’ཏི ཝུ་ཏྟ་ཏྟཱ. ‘‘ས་མཱ་ན་སཾ་ཝཱ་ས་ཀ་སཱི་མཱ་ཡཱ’’ཏི དི་ནྣཾ པ་ན ཡ་སྨིཾ ཋཱ་ནེ ཨ་ཝི་པྤ་ཝཱ་ས་སཱི་མཱ ཨ་ཏྠི, ཏ་ཏྠ ཋི་ཏཱ་ནཾ, ཨི་ཏ་ར་ཏྲ ཋི་ཏཱ་ན་ཉྩ པཱ་པུ་ཎཱ་ཏི. ‘‘ཁ་ཎྜ་སཱི་མཱ་ཡཾ ཋ་ཏྭཱ ‘སཱི་མ་ཊྛ་ཀ་ས་ངྒྷ་སྶ ད་མྨཱི’ཏི ཝུ་ཏྟེ ཨུ་པ་ཙཱ་ར་སཱི་མཱ་ཡ ཨེ་ཝ པ་རི་ཙྪི་ནྡི་ཏྭཱ དཱ་ཏ་བྦ’’ནྟི ཝུ་ཏྟཾ. ‘‘ཨ་ཝི་པྤ་ཝཱ་ས་སཱི་མཱ་ཡ དེ་མཱ’’ཏི ཁ་ཎྜ་སཱི་མཱ་ཡཾ ཋ་ཏྭཱ དི་ནྣེ ཏ་ཏྠེ་ཝ པཱ་པུ་ཎཱ་ཏཱི་ཏི ཀེ་ཙི. ཡོ་ཛ་ན་ས་ཏ་མྤི པཱུ་རེ་ཏྭཱ ནི་སཱི་ད་ནྟཱིཏི ཨེ་ཏྠ ཝི་ཧཱ་རཱུ་པ་ཙཱ་རེ ཧ་ཏྠ་པཱ་སེ་ན, བ་ཧི་གཱ་མཱ་དཱི་སུ དྭཱ་ད་ས་ཧ་ཏྠེ་ན ཨུ་པ་ཙཱ་རོ་ཏི ཨེ་ཀེ. ‘‘ཨི་མ་སྨིཾ ཝི་ཧཱ་རེ ས་ངྒྷ་སྶཱ’’ཏི ཝུ་ཏྟེ ཨེ་ཀཱ་བ་དྡྷཱ ཧུ་ཏྭཱ་པི པ་རི་ཀྑེ་པ་པ་རི་ཀྑེ་པཱ་ར་ཧ་ཊྛཱ་ནཾ ཨ་ཏི་ཀྐ་མི་ཏྭཱ ཋི་ཏཱ་ནཾ ན པཱ་པུ་ཎཱ་ཏཱི་ཏི ཨེ་ཀེ. ‘‘བྷི་ཀྑུ་ནི་ཝི་ཧཱ་ར་ཏོ བ་ཧི ཡ་ཏྠ ཀ་ཏྠ་ཙི ཋ་ཏྭཱ ‘ས་ངྒྷ་སྶཱ’ཏི ཝུ་ཏྟེ བྷི་ཀྑུ་ས་ངྒྷོ་ཝ སཱ་མཱི’’ཏི ཝ་ད་ནྟི. ཨེ་ཀོ་པི ག་ནྟྭཱཏི ཨེ་ཏྠ ས་བྦེ་སཾ ཝཱ པཱ་པེ་ཏྭཱ ག་ནྟ་བྦཾ, ཨཱ་ནེ་ཏྭཱ ཝཱ པཱ་པེ་ཏ་བྦཾ, ཨི་ཏ་ར་ཐཱ ག་ཏ་སྶ ན པཱ་པུ་ཎཱ་ཏི. ས་མཱ་ན་ལཱ་བྷ་ཀ་ཏི་ཀཱ མཱུ་ལཱ་ཝཱ་སེ ས་ཏི སི་ཡཱ, མཱུ་ལཱ་ཝཱ་ས་ཝི་ནཱ་སེ་ན ཀ་ཏི་ཀཱ་པི ཝི་ན་སྶ་ཏི. ས་མཱ་ན་ལཱ་བྷ་ཝ་ཙ་ནཾ ས་ཏི དྭཱི་སུ, བ་ཧཱུ་སུ ཝཱ ཡུ་ཛྫ་ཏི. ཏེ་ནེ་ཝ ཨེ་ཀ་སྨིཾ ཨ་ཝ་སི་ཊྛེ ཡུ་ཛྫ་ཏཱི་ཏི ནོ མ་ཏི.

‘‘ཏཱ་ཝ་ཀཱ་ལི་ཀ་ཀཱ་ལེ་ན, མཱུ་ལ་ཙྪེ་ད་ཝ་སེ་ན ཝཱ;

ཨ་ཉྙེ་སཾ ཀ་མྨཾ ཨ་ཉྙ་སྶ, སི་ཡཱ ནཱ་ཝཱ་ས་ས་ངྒ་མོ’’ཏི. –

ཨཱ་ཙ་རི་ཡོ.

ས་བྦ་ཏྠ དི་ནྣ་མེ་ཝཱཏི ‘‘ས་མཱ་ན་བྷཱ་གོ་ཝ ཧོ་ཏཱི’’ཏི ཝ་ད་ནྟི. ‘‘ཨེ་ཀ་མེ་ཀཾ ཨ་མྷཱ་ཀཾ པཱ་པུ་ཎཱ་ཏཱི་ཏི ཙེ ཝ་ད་ཏི, ཝ་ཊྚ་ཏཱི’’ཏི ཝ་ད་ནྟི ཝི་བྷཱ་ག་སྶ ཀ་ཏ་ཏྟཱ. ‘‘བྷི་ཀྑུ་ས་ངྒྷ་སྶ ཙཱི་ཝ་རེ དི་ནྣེ པཾ་སུ་ཀཱུ་ལི་ཀཱ་ནཾ ན ཝ་ཊྚ་ཏཱི’’ཏི ཝ་ད་ནྟི. ‘‘ཨུ་བྷ་ཏོ་ས་ངྒྷ་སྶཱ’’ཏི ཝུ་ཏྟེ ‘‘བྷི་ཀྑུ་ས་ངྒྷ་སྶཱ’’ཏི ཨ་ཝུ་ཏྟ་ཏྟཱ བྷི་ཀྑུ་ནི་ས་ངྒྷེ་ན མི་སྶི་ཏ་ཏྟཱ, ཏ་ཏྠ ཨ་པ་རི་ཡཱ་པ་ནྣ་ཏྟཱ ཙ པུ་གྒ་ལོ ཝི་སུཾ ལ་བྷ་ཏི. ཨེ་ཝཾ ས་ནྟེ ‘‘བྷི་ཀྑུ་ས་ངྒྷ་སྶ ཙ བྷི་ཀྑུ་ནི་ས་ངྒྷ་སྶ ཙ ད་མྨཱི’’ཏི ཝུ་ཏྟེ་པི ‘‘ཨུ་བྷ་ཏོ་ས་ངྒྷ་སྶ དི་ནྣ་མེ་ཝ ཧོ་ཏཱི’’ཏི ཨི་མི་ནཱ ཝི་རུ་ཛ྄ཛྷ་ཏཱི་ཏི ཙེ? ན ཝི་རུ་ཛ྄ཛྷ་ཏི, ཏཾ དྭི་ནྣཾ ས་ངྒྷཱ་ནཾ དི་ནྣ་བྷཱ་ཝ་མེ་ཝ དཱི་པེ་ཏི, ན ཨུ་བྷ་ཏོ་ས་ངྒྷ་པ་ཉྙ་ཏྟིཾ, ཏ་སྨཱ ཨེ་ཝ ‘‘བྷི་ཀྑུ་ས་ངྒྷ་སྶ ཙ བྷི་ཀྑུ་ནི་ས་ངྒྷ་སྶ ཙ ཏུ་ཡ྄ཧ་ཉྩཱ’’ཏི ཝཱ་རོ ན ཝུ་ཏྟོ. ཨ་ཐ ཝཱ ཨ་ཊྛ་ཀ་ཐཱ་ཝ་ཙ་ན་མེ་ཝ པ་མཱ་ཎཾ, ན ཝི་ཙཱ་ར་ཎཱ་ཏི ཨེ་ཀེ. ཡ་སྨཱ ཨེ་ཀོ ཨ་དྡྷཱ་ནཱ་དི་ཡ་ཀོ ཝི་ཡ དུ་ཝི་དྷོ ན ཧོ་ཏི, ཏ་སྨཱ ཨུ་བྷ་ཏོ་ས་ངྒྷ་གྒ་ཧ་ཎེ་ན ཨེ་ཀོ བྷི་ཀྑུ ན ག་ཧི་ཏོ་ཏི. ‘‘ས་བྦཱ་ཝཱ་ས་སྶ ཙ ཙེ་ཏི་ཡ་སྶ ཙ དྷ་མྨ་སྶ ཙཱ’ཏི ཝུ་ཏྟེ ས་བྦ་ཝི་ཧཱ་རེ་སུ ཙེ་ཏི་ཡ་དྷ་མྨཱ་ནཾ ཨེ་ཀེ་ཀ་སྶ བྷི་ཀྑུ་ནོ བྷཱ་གོ དཱ་ཏ་བྦོ’’ཏི ཝ་ད་ནྟི. ‘‘བྷི་ཀྑུ་ས་ངྒྷ་སྶ ཙ ཙེ་ཏི་ཡ་སྶ ཙཱ’’ཏི ཝུ་ཏྟེ ན ཝི་རུ་ཛ྄ཛྷ་ཏཱི་ཏི ཙེ? ན, ཏ་ཏྠ ‘‘བྷི་ཀྑུ་ས་ངྒྷ་སྶཱ’’ཏི ཝུ་ཏྟ་ཏྟཱ, ཨི་དྷ ཝི་ཧཱ་རེ་ན གྷ་ཊི་ཏ་ཏྟཱ ཙ ཏ་མྷི ཏ་མྷི ཝི་ཧཱ་རེ ཨེ་ཀ་བྷཱ་གཾ ལ་བྷི་ཏ་བྦ་མེ་ཝཱ་ཏི པ་རི་ཧ་ར་ནྟི. ཨ་ཏྟ་ནོ པཱ་པེ་ཏྭཱཏི ཝི་ཀཱ་ལེ ཨ་པ་རི་བྷོ་ག་ཏྟཱ ས་ཀ་ལོ་པི ཝ་ཊྚེ་ཡྻཱ་ཏི ཙེ? ‘‘བྷི་ཀྑུ་ས་ངྒྷ་སྶ ཧ་རཱ’’ཏི ཝུ་ཏྟ་ཏྟཱ, ཏེ་ན ‘‘ཧ་རཱ་མཱི’’ཏི ག་ཧི་ཏ་ཏྟཱ ཙ ན ཝ་ཊྚ་ཏི. པ་ཙྪི་མ་ཝ་སྶཾ་ཝུ་ཏྠཱ་ན་མྤཱིཏི ཨེ་ཏྠ ཨ་པི-ས་དྡོ ཨ་ཝ་དྷཱ་ར་ཎ་ཏྠོ, པ་ཙྪི་མ་ཝ་སྶཾ་ཝུ་ཏྠཱ་ན་མེ་ཝཱ་ཏི ཨ་ཏྠོ, ཨི་ཏ་ར་ཐཱ ས་མུ་ཙྩ་ཡ་ཏྠེ ག་ཧི་ཏེ ‘‘ལ་ཀྑ་ཎ་ཉྙཱུ ཝ་ད་ནྟཱི’’ཏི ཝ་ཙ་ནཾ ནི་ར་ཏྠ་ཀཾ སི་ཡཱ. ཀ་སྨཱཏི ཨཱ་ར་བྷི་ཏྭཱ པ་པ་ཉྩཾ ཀ་རོ་ནྟི. ཀིཾ ཏེ་ན, པ་ར་ཏོ ‘‘ཙཱི་ཝ་ར་མཱ་ས་ཏོ པ་ཊྛཱ་ཡ…པེ… ཨ་ཏཱི་ཏ་ཝ་སྶཾ་ཝུ་ཏྠཱ་ན་མེ་ཝ པཱ་པུ་ཎཱ་ཏཱི’’ཏི ཨི་མི་ནཱ སི་དྡྷ་ཏྟཱ ན ཝི་ཙཱ་རི་ཏཾ, ཏེ་ན ཝུ་ཏྟཾ ‘‘ལ་ཀྑ་ཎ་ཉྙཱུ’’ཏི ཨ་ཙ་ལ་ཝ་སེ་ན. ས་ཙེ པ་ན བ་ཧི་ཨུ་པ་ཙཱ་ར་སཱི་མཱ་ཡ ཋི་ཏོ…པེ… ས་མྤ་ཏྟཱ་ནཾ ས་བྦེ་སཾ པཱ་པུ་ཎཱ་ཏཱིཏི ཡ་ཏྠ ཀ་ཏྠ་ཙི ཝུ་ཏྠ་ཝ་སྶཱ་ན་ནྟི ཨ་དྷི་པྤཱ་ཡོ ‘‘ཡ་ཏྠ ཀ་ཏྠ་ཙི ཝུ་ཏྠ་ཝ་སྶཱ་ནཾ ས་བྦེ་སཾ ས་མྤ་ཏྟཱ་ནཾ པཱ་པུ་ཎཱ་ཏཱི’’ཏི (ཀ་ངྑཱ. ཨ་ཊྛ. ཨ་ཀཱ་ལ་ཙཱི་ཝ་ར་སི་ཀྑཱ་པ་ད་ཝ་ཎྞ་ནཱ) ཀ་ངྑཱ་ཝི་ཏ་ར་ཎི་ཡཾ ཝུ་ཏྟ་ཏྟཱ. གི་མྷཱ་ནཾ པ་ཋ་མ་དི་ཝ་ས་ཏོ པ་ཊྛཱ་ཡ ཝུ་ཏྟེ པ་ན ཡ་སྨཱ ཨ་ན་ནྟ་རཱ་ཏཱི་ཏཾ ཧེ་མ་ནྟཾ ཨེ་ཝ ཝུ་ཏྠཱ ནཱ་མ ཧོ་ནྟི, ན ཝ་སྶཾ, ཏ་སྨཱ ‘‘མཱ་ཏི་ཀཱ ཨཱ་རོ་པེ་ཏ་བྦཱ’’ཏི ཝུ་ཏྟཾ. ཡེ ཝཱ ཐེ་རེ་ཧི པེ་སི་ཏཱ, ཏེ་སཾ པཱ་པུ་ཎཱ་ཏཱི་ཏི ཀི་ར ཨ་ཏྠོ.

ཙཱི་ཝ་ར་ཀྑ་ནྡྷ་ཀ་ཝ་ཎྞ་ནཱ ནི་ཊྛི་ཏཱ.