༤. པ་ཝཱ་ར་ཎཱ་ཀྑ་ནྡྷ་ཀ་ཝ་ཎྞ་ནཱ
ཨ་ཕཱ་སུ་ཀ་ཝི་ཧཱ་ར་ཀ་ཐཱ་ཝ་ཎྞ་ནཱ
༢༡༠. ‘‘ས་ངྒྷཾ ཨཱ་ཝུ་སོ པ་ཝཱ་རེ་མཱི’’ཏི ཝུ་ཏྟ་ཏྟཱ པ་ཙྪཱ་པི ‘‘ཝ་ད་ཏུ མཾ ས་ངྒྷོ’’ཏི ཝ་ཏྟ་བྦཾ ཝི་ཡ དི་སྶ་ཏི. ཨ་ཡཾ པ་ནེ་ཏྠ ཨ་དྷི་པྤཱ་ཡོ – ཡ་སྨཱ ཨ་ཧཾ ས་ངྒྷཾ པ་ཝཱ་རེ་མི, ཏ་སྨཱ ཏ་ཏྠ པ་རི་ཡཱ་པ་ནྣཱ ཐེ་རཱ, མ་ཛ྄ཛྷི་མཱ, ན་ཝཱ ཝཱ ཨ་ཝི་སེ་སེ་ནཱ་ཡ་སྨ་ནྟོ ས་བྦེ་པི མཾ ཝ་ད་ནྟཱུ་ཏི.
པ་ཝཱ་ར་ཎཱ་བྷེ་ད་ཝ་ཎྞ་ནཱ
༢༡༢. དྭེ་མཱ, བྷི་ཀྑ་ཝེ, པ་ཝཱ་ར་ཎཱཏི ཨེ་ཏྠ ཏཱ་དི་སེ ཀི་ཙྩེ ས་ཏི ཡ་ཏྠ ཀ་ཏྠ་ཙི པ་ཝཱ་རེ་ཏུཾ ཝ་ཊྚ་ཏི. ཏེ་ནེ་ཝ མ་ཧཱ་ཝི་ཧཱ་རེ བྷི་ཀྑཱུ ཙཱ་ཏུ་དྡ་སི་ཡཾ པ་ཝཱ་རེ་ཏྭཱ པ་ནྣ་ར་སི་ཡཾ ཀཱ་ཡ་སཱ་མ་གྒིཾ ཨི་དཱ་ནི་པི དེ་ནྟི. ཙེ་ཏི་ཡ་གི་རི མ་ཧཱ་ད་སྶ་ན་ཏྠ་མྤི ཨ་ཊྛ་མི་ཡཾ ག་ཙྪ་ནྟི, ཏ་མྤི ཙཱ་ཏུ་དྡ་སི་ཡཾ པ་ཝཱ་རེ་ཏུ་ཀཱ་མཱ་ནཾ་ཡེ་ཝ ཧོ་ཏི. ‘‘ས་ཏྟཱ་ཧཾ ཨ་ནཱ་ག་ཏཱ་ཡ པ་ཝཱ་ར་ཎཱ་ཡ ས་ཀ་ར་ཎཱི་ཡོ པ་ཀྐ་མ་ཏི, ཨ་ནཱ་པ་ཏྟཱི་ཏི ཝ་ཙ་ན་ཏོ ཨི་དཾ ཨཱ་ཙི་ཎྞ’’ནྟི ལི་ཁི་ཏཾ. ‘‘ནོ ཙེ ཨ་དྷི་ཊྛ་ཧེ་ཡྻ, ཨཱ་པ་ཏྟི དུ་ཀྐ་ཊ་སྶཱ’’ཏི ཨེ་ཀ་སྶ ཝུ་ཏྟ་དུ་ཀྐ་ཊཾ, ཏ་སྶེ་ཝ ཝུ་ཏྟཾ པུ་བྦ་ཀི་ཙྩ་ཉྩ ས་ངྒྷ་ག་ཎཱ་ན་མྤི ནེ་ཏ་བྦཾ.
པ་ཝཱ་ར་ཎཱ་དཱ་ནཱ་ནུ་ཛཱ་ན་ན་ཀ་ཐཱ་ཝ་ཎྞ་ནཱ
༢༡༣. ཏེ་ན ཙ བྷི་ཀྑུ་ནཱཏི པ་ཝཱ་ར་ཎཱ་དཱ་ཡ་ཀེ་ན.
ཨ་ནཱ་པ་ཏྟི་པ་ནྣ་ར་ས་ཀཱ་དི་ཀ་ཐཱ་ཝ་ཎྞ་ནཱ
‘‘ཏ་སྶཱ ཙ པ་ཝཱ་ར་ཎཱ་ཡ ཨཱ་རོ་ཙི་ཏཱ་ཡ ས་ངྒྷེ་ན ཙ པ་ཝཱ་རི་ཏེ ས་བྦེ་སཾ སུ་པྤ་ཝཱ་རི་ཏཾ ཧོ་ཏཱི་ཏི ཝ་ཙ་ན་ཏོ ཀེ་ཝ་ལཾ པ་ཝཱ་ར་ཎཱ་ཡ པ་ཝཱ་ར་ཎཱ་དཱ་ཡ་ཀོ་པི པ་ཝཱ་རི་ཏོ་ཝ ཧོ་ཏཱི’’ཏི ཝ་ད་ནྟཱི་ཏི.
༢༢༢. ཨ་ཝུ་ཊྛི་ཏཱ་ཡ པ་རི་སཱ་ཡཱཏི པ་ཝཱ་རེ་ཏྭཱ པ་ཙྪཱ ཨ་ཉྙ་མ་ཉྙཾ ཀ་ཐེ་ནྟི་ཡཱ. ཨེ་ཀ་ཙྩཱ་ཡ ཝུ་ཊྛི་ཏཱ་ཡཱཏི ཨེ་ཀ་ཙྩེ་སུ ཡ་ཐཱ་ནི་སི་ནྣེ་སུ ཨེ་ཀ་ཙྩེ་སུ ས་ཀ་ས་ཀ་ཊྛཱ་ནཾ ག་ཏེ་སུ. པུ་ན པ་ཝཱ་རེ་ཏ་བྦནྟི པུ་ན་པི ས་བྦེ་ཧི ས་མཱ་ག་ནྟྭཱ པ་ཝཱ་རེ་ཏ་བྦཾ. ཨཱ་ག་ཙྪ་ནྟི ས་མ་ས་མཱ, ཏེ་སཾ ས་ནྟི་ཀེ པ་ཝཱ་རེ་ཏ་བྦནྟི ‘‘ག་ཏེ ཨ་ནཱ་ནེ་ཏྭཱ ནི་སི་ནྣཱ་ནཾ་ཡེ་ཝ ས་ནྟི་ཀེ པ་ཝཱ་རེ་ཏ་བྦཾ, ཨུ་པོ་ས་ཐ་ཀྑ་ནྡྷ་ཀེཔི ཨེ་སེ་ཝ ན་ཡོ’’ཏི ལི་ཁི་ཏཾ. ས་བྦཱ་ཡ ཝུ་ཊྛི་ཏཱ་ཡ པ་རི་སཱ་ཡ ཨཱ་ག་ཙྪ་ནྟི ས་མ་ས་མཱ, ཏེ་སཾ ས་ནྟི་ཀེ པ་ཝཱ་རེ་ཏ་བྦནྟི ‘‘ཡ་དི ས་བྦེ ཝུ་ཊྛ་ཧི་ཏྭཱ ག་ཏཱ, ས་ནྣི་པཱ་ཏེ་ཏུ་ཉྩ ན ས་ཀྐཱ, ཨེ་ཀ་ཙྩེ ས་ནྣི་པཱ་ཏཱ་པེ་ཏྭཱ པ་ཝཱ་རེ་ཏུཾ ཝ་ཊྚ་ཏཱི’’ཏི ཝ་ད་ནྟི. ཀ་སྨཱ? ཉ་ཏྟིཾ ཋ་པེ་ཏྭཱ ཀ་ཏྟ་བྦ་ས་ངྒྷ་ཀ་མྨཱ་བྷཱ་ཝཱ ཝ་གྒཾ ན ཧོ་ཏི ཀི་ར. ཨེ་ཏྠ པ་ན ཨེ་ཀ་ཙྩེ་སུ ག་ཏེ་སུ་པི ས་བྦེ་སུ ག་ཏེ་སུ་པི ས་བྦེ ས་ནྣི་པཱ་ཏཱ་པེ་ཏྭཱ ཉ་ཏྟིཾ ཨ་ཊྛ་པེ་ཏྭཱ ཀེ་ཝ་ལཾ པ་ཝཱ་རེ་ཏ་བྦཾ. ཨེ་ཀ་ཙྩེ ས་ནྣི་པཱ་ཏཱ་པེ་ཏྭཱ པ་ཝཱ་རེ་ཏུཾ ན ཝ་ཊྚ་ཏི ‘‘ས་ངྒྷཾ, བྷ་ནྟེ, པ་ཝཱ་རེ་མཱི’’ཏི ཝ་ཙ་ན་ཏོ. ས་བྦེ་པི ཧི ས་ནྣི་པ་ཏི་ཏཱ པ་ཙྪཱ དི་ཊྛཾ ཝཱ སུ་ཏཾ ཝཱ པ་རི་ས་ངྐི་ཏཾ ཝཱ ཝ་ཏྟཱ་རོ ཧོ་ནྟི. ཨ་ནཱ་ག་ཏཱ་ནཾ ཨ་ཏྠི་བྷཱ་ཝཾ ཉ་ཏྭཱ་པི ཨེ་ཀ་ཙྩཱ་ནཾ ས་ནྟི་ཀེ པ་ཝཱ་ར་ཎཱ་ཝ་ཙ་ནཾ ཝི་ཡ ཧོ་ཏི. ས་མྨུ་ཁཱི་བྷཱུ་ཏེ ཙ་ཏྟཱ་རོ ས་ནྣི་པཱ་ཏཱ་པེ་ཏྭཱ ནི་སྶ་གྒི་ཡཾ ཨཱ་པ་ནྣ་ཙཱི་ཝ་རཱ་དི་ནི་སྶ་ཛྫ་ནཾ ཝི་ཡ པ་ཝཱ་ར་ཎཱ ན ཧོ་ཏི ས་བྦཱ་ཡ་ཏྟ་ཏྟཱ. ‘‘ས་མ་གྒཱ་ནཾ པ་ཝཱ་ར་ཎཱ པ་ཉྙ་ཏྟཱ’’ཏི ཝ་ཙ་ན་ཉྩེ་ཏྠ སཱ་དྷ་ཀཾ. ‘‘ཨི་ཏོ ཨ་ཉྙ་ཐཱ ན ཝ་ཊྚ་ཏི ཨ་ཊྛ་ཀ་ཐཱ་ཡཾ ཨ་ན་ནུ་ཉྙཱ་ཏ་ཏྟཱ’’ཏི ཨུ་པ་ཏི་སྶ་ཏྠེ་རོ ཝ་ད་ཏི. ‘‘ཐོ་ཀ་ཏ་རེ་ཧི ཏེ་སཾ ས་ནྟི་ཀེ པ་ཝཱ་རེ་ཏ་བྦཾ ཉ་ཏྟིཾ ཨ་ཊྛ་པེ་ཏྭཱ་ཝཱ’’ཏི ཝུ་ཏྟཾ. ཨཱ་ག་ནྟུ་ཀཱ ནཱ་མ ན་ཝ་མི་ཏོ པ་ཊྛཱ་ཡཱ་ག་ཏཱ ཝཱ ཝ་ཛ་ས་ཏྠ་ནཱ་ཝཱ་སུ ཝུ་ཏྠ་ཝ་སྶཱ ཝཱ ཧོ་ནྟི.
༢༣༧. ‘‘ད་ས་ཝ་ཏྠུ་ཀཱ མི་ཙྪཱ་དི་ཊྛི ཧོ་ཏི ཏ་ཐཱ་ག་ཏོ་ཏི་ཨཱ་དཱི’’ཏི ལི་ཁི་ཏཾ. ‘‘ན་ཏྠི དི་ནྣ་ནྟི་ཨཱ་དཱི’’ཏི ཝུ་ཏྟཾ.
༢༣༩. ‘‘ཨུ་པ་པ་རི་ཀྑི་ཏྭཱ ཛཱ་ནི་སྶཱ་མཱ་ཏི ཏེ་ན ས་ཧ པ་ཝཱ་རེ་ཏ་བྦ’’ནྟི ལི་ཁི་ཏཾ.
པ་ཝཱ་ར་ཎཱ་ཀྑ་ནྡྷ་ཀ་ཝ་ཎྞ་ནཱ ནི་ཊྛི་ཏཱ.