༨. ཨ་རི་ཊྛ་སི་ཀྑཱ་པ་ད་ཝ་ཎྞ་ནཱ

༤༡༧. ག་ཧ་ཊྛ་སྶཱ་པི བྷི་ཀྑུ་ནཱི་དཱུ་ས་ཀ་ཀ་མྨཾ མོ་ཀྑ་ནྟ་རཱ་ཡི་ཀ་མེ་ཝ, ཏ་སྨཱ ཏ་སྶ པ་བྦ་ཛྫཱ་པི པ་ཊི་ཀྑི་ཏྟཱ. ཝི་པཱ་ཀ་ནྟ་རཱ་ཡི་ཀཱ ཨ་ཧེ་ཏུ་ཀ་ཏྟཱ. པུ་བྦེ ས་ཉྩི་ཙྩ ཨཱ་པ་ནྣཱ ས་མྨུ་ཊྛཱ སུ་དྡྷ་ས་ཉྙི་ནོ ཨ་ནྟ་རཱ་ཡི་ཀཱ ཨེ་ཝ. སེ་སཱཏི ཛཱ་ཏི་ཀཱ. ར་སེ་ནཱཏི བྷཱ་ཝེ་ན. ཨ་དྷི་ཀུ་ཊྚ་ན་ཊྛེ་ནཱཏི ཨ་དྷི་ཀ་ར་ཎཾ ཀ་ཏྭཱ ཀུ་ཊྚ་ན་ཊྛེ་ན ཚི་ནྡ་ན་ཊྛེ་ན. ཨ་སི་སཱུ་ནཱུ་པ་མཱ ཀུ་ས་ལ་དྷ་མྨ་ཙྪེ་ད་ན་ཊྛེ་ན. ས་ཏྟི་སཱུ་ལཱུ་པ་མཱ ཙི་ཏྟ་ཝི་ཏུ་ད་ན་ཊྛེ་ནཱ་ཏི པོ་རཱ་ཎཱ. ཨ་ནཱ་པ་ཏྟི་པཱ་ལི༹་ཡཾ ‘‘ཨཱ་དི་ཀ་མྨི་ཀ་སྶཱ’’ཏི མུ་ཁཱ་རུ་ལ༹ྷ་ཝ་སེ་ན ལི་ཁི་ཏཾ.

ཨ་རི་ཊྛ་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.