༡. སུ་རཱ་པཱ་ན་སི་ཀྑཱ་པ་ད་ཝ་ཎྞ་ནཱ

ཨཱ་ཡ་སྨ་ཏོ ཡཾ མུ་ནི སཱ་ག་ཏ་སྶ,

མ་ཧི་དྡྷི་ཀ་ཏྟ་སྶ ནི་ད་སྶ་ནེ་ན;

པཱ་ན་སྶ དོ་སོ ཏ་སྶ ད་སྶ་ན་ཏྠཾ,

པུ་བྦེ་ཝ སོ བྷ་དྡ་ཝ་ཏིཾ པ་ཡཱ་ཏོ.

ཏ་སྨཱ པ་སྶཾ ནཱ་ག་མ་པོ་ཐ་ཡི་ཏྭཱ,

ཝི་ནི་སྶ་ཊཾ སཱ་ག་ཏཾ ཨི་དྡྷི་ཡཱ ཙ;

ན་ཏོ སུ་རཱ་པཱ་ན་ནི་སེ་དྷ་ན་ཏྠཾ,

ཀོ་ས་མྦི་མེ་ཝ་ཛ྄ཛྷ་ག་མཱ་ཏི ཉེ་ཡྻཾ.

༣༢༦-༨. པ་སུ་པཱ་ལ་ཀཱཏི ཨ་ཛ་པཱ་ལ་ཀཱ. ཡེ་ན མ་ཛྫ་ཏི, ཏ་སྶ བཱི་ཛ་ཏོ པ་ཊྛཱ་ཡ. ཀེ་ཙི ‘‘ས་ཙི་ཏྟ་ཀ་པ་ཀྑེ ཙི་ཏྟཾ ཨ་ཀུ་ས་ལ་མེ་ཝཱ་ཏི (ཀ་ངྑཱ. ཨ་ཊྛ. པ་ཋ་མ་པཱ་རཱ་ཛི་ཀ་ཝ་ཎྞ་ནཱ) ཝུ་ཏྟ་ཏྟཱ ཝ་ཏྠུཾ ཛཱ་ནི་ཏྭཱ པི་ཝ་ཏོ ཨ་ཀུ་ས་ལ’’ནྟི ཝ་ད་ནྟི. ཨེ་ཝཾ ས་ཏི ‘‘ཨ་ཀུ་ས་ལེ་ནེ་ཝ པཱ་ཏ་བྦ་ཏཱ་ཡཱ་ཏི ན ཝ་ཏྟ་བྦ’’ནྟི ཝུ་ཏྟེ ‘‘ས་ཙི་ཏྟ་ཀ་པ་ཀྑ་མེ་ཝ ས་ནྡྷཱ་ཡཱ’’ཏི ཝ་ད་ནྟི. ཨེ་ཝཾ ས་ཏི ‘‘ཀུ་ས་ལཱ་ཀུ་ས་ལཱ་བྱཱ་ཀ་ཏ་ཙི་ཏྟ་ནྟི ཝ་ཏྟ་བྦ’’ནྟི ཝུ་ཏྟེ ཏ་མྤི ‘‘ཏ་བྦ་ཧུ་ལ་ན་ཡེ་ན ཝུ་ཏྟ’’ནྟི ཝ་ད་ནྟི. ཀ་ངྑཱ་ཝི་ཏ་ར་ཎི་ཡ་མྤི ཨ་ཝི་སེ་སེ་ཏྭཱ ‘‘ཨ་ཀུ་ས་ལ་ཙི་ཏྟ’’ནྟི (ཀ་ངྑཱ. ཨ་ཊྛ. སུ་རཱ་པཱ་ན་སི་ཀྑཱ་པ་ད་ཝ་ཎྞ་ནཱ) ཝུ་ཏྟཾ, ཏ་སྨཱ ‘‘ཏཾ ཨ་ཀུ་ས་ལེ་ནེ་ཝ པི་ཝ་ཏཱི’’ཏི ཝ་ད་ནྟཱི་ཏི.

སུ་རཱ་པཱ་ན་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.