༦. ས་ཀུ་ཎ་གྒྷི་སུ་ཏྟ་ཝ་ཎྞ་ནཱ

༣༧༢. པཱ་ཀ་ཏི་ཀ་ས་ཀུ་ཎ་ཀུ་ལེ་སུ བ་ལ་ཝ་བྷཱ་ཝ་ཏོ ཏེ་སཾ ཧ་ན་ན་ཏོ ས་ཀུ་ཎ་གྒྷི. སེ་ནོ་ཏི ཝུ་ཏྟཾ ‘‘སེ་ན་སྶེ་ཏཾ ཨ་དྷི་ཝ་ཙ་ན’’ནྟི, སེ་ན་ཝི་སེ་སོ པ་ན སོ ཝེ་དི་ཏ་བྦོ. ཨཱ་མི་ས་ཏྠཱ་ཡ པ་ཏྟ་ཏྟཱ ‘‘ལོ་བྷ་སཱ་ཧ་སེ་ན པ་ཏྟཱ’’ཏི ཝུ་ཏྟཾ, ལོ་བྷ་ནི་མི་ཏྟེ་ན སཱ་ཧ་སཱ་ཀཱ་རེ་ན པ་ཏྟཱ་ཏི ཨ་ཏྠོ. ན་ངྒ་ལེ་ན ཀ་ཊྛཾ ཀ་སི་ཏཾ ན་ངྒ་ལ་ཀ་ཊྛཾ, ཏཾ ཀ་རཱི་ཡ་ཏི ཨེ་ཏྠཱ་ཏི ན་ངྒ་ལ་ཀ་ཊྛ་ཀ་ར་ཎནྟི ཨཱ་ཧ – ‘‘ཨ་དྷུ་ནཱ ཀ་ཊྛཾ ཁེ་ཏྟ་ཊྛཱ་ན’’ནྟི. ལེ་ཌྜུ་ཡོ ཏི་ཊྛ་ནྟི ཨེ་ཏྠཱ་ཏི ལེ་ཌྜུ་ཊྛཱ་ནཾ, ལེ་ཌྜུ་ནི་མི་ཏྟཾ ཀ་སི་ཏ་ཊྛཱ་ནཾ. ཝ་ཛྫ་ཏཱི་ཏི ཝ་དཾ, ཝ་ཙ་ནཾ. ཀུ་ཙྪི་ཏཾ ཝ་དཾ ཨ་ཝ་དཾ. ག་ར་ཧ་ནེ ཧི ཨ་ཡཾ ཨ-ཀཱ་རོ ཡ་ཐཱ – ‘‘ཨ་པུ་ཏྟོ ཨ་བྷ་རི་ཡཱ’’ཏི. ཨ་ཝ་དཾ མཱ་ནེ་ཏཱི་ཏི ཨ་ཝ་ད་མཱ་ནཱ, ཨ་ཏྟ་ནོ བ་ལ་མ་དེ་ན ལཱ་པཾ ཨ་ཏི་མ་ཉྙི་ཏྭཱ ཝ་ད་ནྟཱི་ཏི ཨ་ཏྠོ. ཏེ་ནེ་ཝཱ་ཧ ‘‘ག་ཙྪ ཁོ, ཏྭཾ ལཱ་པ, ཏ་ཏྲ་པི མེ ག་ནྟྭཱ ན མོ་ཀྑ་སཱི’’ཏི. ཡཾ པ་ན ཨ་ཊྛ་ཀ་ཐཱ་ཡཾ ཝུ་ཏྟཾ ‘‘ཨ་ཏྟ་ནོ བ་ལ་སྶ སུ་ཊྛུ ཝ་ཎྞཾ ཝ་ད་མཱ་ནཱ’’ཏི, ཏ་ཏྠ ཨ་ཏྟ་ཏོ ཨཱ་པ་ནྣཾ ག་ཧེ་ཏྭཱ ཝུ་ཏྟཾ. ‘‘ཝ་ད་མཱ་ནོ’’ཏི ཝཱ པཱ་ཋོ, སཱ་ར་མྦྷ་ཝ་སེ་ན ཨ་ཝ྄ཧཱ་ཡ་ནྟོ་ཏི ཨ་ཏྠོ. ཏེ་ནཱ་ཧ ‘‘ཨེ་ཧི ཁོ དཱ་ནི ས་ཀུ་ཎ་གྒྷཱི’’ཏི. སུ་ཊྛུ ཋ་པེ་ཏྭཱཏི ཛི་ཡཱ་མུ་ཏྟ་ས་ར་སྶ ཝི་ཡ སཱི་གྷ་པཱ་ཏ་ཡོ་གྱ་ཏཱ་ཀ་ར་ཎེ་ན ཨུ་བྷོ པ་ཀྑེ ས་མྨཱ ཋ་པེ་ཏྭཱ. ཨ་ཡནྟི ས་ཀུ་ཎ་གྒྷི. ཉ་ཏྭཱཏི ཡ་ཐཱ་བྷཱུ་ཏ་ད་སྶ་ནེ་ན ཨ་ཏྟ་ནོ ཉཱ་ཎེ་ན ཛཱ་ནི་ཏྭཱ. ཕཱ་ལཱི་ཡི་ཏྠཱཏི ཕཱ་ལ་ཙྪེ་ད་ཏི་ཁི་ཎ་སི་ཁ་རེ སུ་ཀྑ་ལེ་ཌྜུ་སྨིཾ བྷི་ཛྫི་ཏྠ.