༨. བཱི་ཛ་གཱ་མ་སུ་ཏྟ་ཝ་ཎྞ་ནཱ

༡༡༤༨. ‘‘མཱུ་ལ་བཱི་ཛ’’ནྟི་ཨཱ་དཱི་སུ མཱུ་ལ་མེ་ཝ བཱི་ཛ་ནྟི མཱུ་ལ་བཱི་ཛཾ, མཱུ་ལ་བཱི་ཛཾ ཨེ་ཏ་སྶཱ་ཏི་པི མཱུ་ལ་བཱི་ཛཾ. ཏ་ཏྠ པུ་རི་མེ་ན བཱི་ཛ་གཱ་མོ ཝུ་ཏྟོ ‘‘བཱི་ཛཱ་ནཾ ས་མཱུ་ཧོ’’ཏི ཀ་ཏྭཱ, དུ་ཏི་ཡེ་ན བྷཱུ་ཏ་གཱ་མོ. དུ་ཝི་དྷོ་པེ་སོ སཱ་མ་ཉྙ་ནི་དྡེ་སེ་ན, ‘‘མཱུ་ལ་བཱི་ཛ་ཉྩ མཱུ་ལ་བཱི་ཛ་ཉྩ མཱུ་ལ་བཱི་ཛ’’ནྟི ཨེ་ཀ་སེ་ས་ན་ཡེ་ན ཝཱ བཱི་ཛ་ཏྠོ ཝེ་དི་ཏ་བྦོ. ཨེ་ས ན་ཡོ སེ་སེ་སུ་པི. ཕ་ལུ༹་བཱི་ཛནྟི པ་བྦ་བཱི་ཛཾ. བཱ་ཧི་ར་པ་ཙྩ་ཡ་ནྟ་ར་ས་མ་ཝཱ་ཡེ ས་དི་ས་ཕ་ལུ་པྤ་ཏྟི་ཡཱ ཝི་སེ་ས་ཀཱ་ར་ཎ་བྷཱ་ཝ་ཏོ ཝི་རུ་ཧ་ན་ས་མ་ཏྠེ སཱ་ར་ཕ་ལེ ནི་རུ་ལ༹ྷོ བཱི་ཛ-ས་དྡོ. ཏ་ད་ཏྠ་སི་དྡྷི་ཡཱ མཱུ་ལཱ་དཱི་སུ་པི ཀེ་སུ་ཙི པ་ཝ་ཏྟ་ཏཱི་ཏི ཏ་ཏོ ནི་ཝ་ཏྟ་ན་ཏྠཾ ཨེ་ཀེ་ན བཱི་ཛ-ས་དྡེ་ན ཝི་སེ་སེ་ཏྭཱ ཝུ་ཏྟཾ ‘‘བཱི་ཛ་བཱི་ཛ’’ནྟི ‘‘རཱུ་པ་རཱུ་པཾ, དུ་ཀྑ་དུ་ཀྑ’’ནྟི (སཾ. ནི. ༤.༣༢༧) ཙ ཡ་ཐཱ. ནཱི་ལ་ཏི་ཎ་རུ་ཀྑཱ་དི་ཀ་སྶཱཏི ཨ་ལླ་ཏི་ཎ་སྶ ཙེ་ཝ ཨ་ལླ་རུ་ཀྑཱ་དི་ཀ་སྶ ཙ. ཨཱ་དི-ས་དྡེ་ན ཨོ་ས་དྷི་ག་ཙྪ་ལ་ཏཱ་དཱི་ནཾ ག་ཧ་ཎཾ.