༧. པ་ཋ་མ་ཨཱ་མ་ཀ་དྷ་ཉྙ་པེ་ཡྻཱ་ལ་ཝ་གྒོ

༣. པ་ཉྙཱ་སུ་ཏྟ་ཝ་ཎྞ་ནཱ

༡༡༣༣. ལོ་ཀི་ཡ་མྤི ཝི་སུ་དྡྷ་ཏྠེ་ན ‘‘ཨ་རི་ཡ’’ནྟི ཝ་ཏྟ་བྦ་ཏཾ ལ་བྷ་ཏཱི་ཏི ‘‘ལོ་ཀི་ཡ་ལོ་ཀུ་ཏྟ་རེ་ནཱ’’ཏི ཝུ་ཏྟཾ.

༤. སུ་རཱ་མེ་ར་ཡ་སུ་ཏྟ་ཝ་ཎྞ་ནཱ

༡༡༣༤. པི་ཊྛ་སུ་རཱཏི པི་ཊྛེ་ན ཀཱ་ཏ་བྦ་སུ་རཱ, ཏ་ཐཱ ཨོ་ད་ན་སུ་རཱ པཱུ་ཝ་སུ་རཱ, མ་ཛྫ་ར་སཱ་དི་བྷཱུ་ཏེ ཀི་ཎྞེ པ་ཀྑི་པི་ཏྭཱ ཀ་ཏྟ་བྦཱ སུ་རཱ ཀི་ཎྞ་པ་ཀྑི་ཏྟ་སུ་རཱ. ས་མྦྷཱ་ར་སཾ་ཡུ་ཏྟཱཏི མཱུ་ལ་བྷེ་ས་ཛྫ་ས་མྦྷཱ་རེ་ཧི སཾ་ཡུ་ཏྟཱ. པུ་པྥཱ་ས་ཝོཏི ནཱ་ལི༹་ཀེ་ར་པུ་པྥཱ་དི་ཏོ ཨ་སྶ་ཝ་ན་ཀ་ཨཱ་ས་ཝོ. མུ་དྡི་ཀ་ཕ་ལཱ་དི་ཏོ ཨ་སྶ་ཝ་ན་ཀ་ཨཱ་ས་ཝོ ཕ་ལཱ་ས་ཝོ. ཨི་ཏཱིཏི་ཨཱ་དི་ཨ་ཏྠོ. ཏེ་ན མ་དྷྭཱ་ས་ཝ་གུ་ལཱ༹་ས་ཝ་ས་མྦྷཱ་ར་སཾ་ཡུ་ཏྟེ ས་ངྒ་ཎྷཱ་ཏི. སུ་རཱ་ས་ཝ་ཝི་ནི་མུ་ཏྟནྟི ཡ་ཐཱ་ཝུ་ཏྟ་སུ་རཱ་ས་ཝ་ཝི་ནི་མུ་ཏྟཾ.

༡༠. པ་ཙཱ་ཡི་ཀ་སུ་ཏྟ་ཝ་ཎྞ་ནཱ

༡༡༤༠. ནཱི་ཙ་ཝུ་ཏྟི་ནོཏི ཀུ་ལེ ཛེ་ཊྛཱ་ནཾ མ་ཧཱ་པི་ཏུ་ཙཱུ་ལ༹་པི་ཏུ་ཛེ་ཊྛ་བྷཱ་ཏི་ཀཱ་དཱི་ནཾ ཨ་བྷི་ཝཱ་ད་ན་པ་ཙྩུ་ཊྛཱ་ན་ཨ་ཉྫ་ལི་ཀ་མྨ་སཱ་མཱི་ཙི་ཀ་མྨཱ་དི་ཝ་སེ་ན ནཱི་ཙ་ཝུ་ཏྟི་ནོ.