༡. ལོ་ཀ་ཙི་ནྟཱ་སུ་ཏྟ་ཝ་ཎྞ་ནཱ

༡༡༡༡. ལོ་ཀ་ཙི་ནྟནྟི ལོ་ཀ་ས་ནྣི་ཝེ་ས་པ་ཊི་སཾ་ཡུ་ཏྟ་ཝཱི་མཾ་སཱ་ཝ. ‘‘ལོ་ཀ་ཙི་ཏྟ’’ནྟི་པི པཱ་ཋོ, ཏཾ་ཏཾ་ལོ་ཀ་པ་རི་ཡཱ་པ་ནྣཾ ཙི་ཏྟ་ནྟི ཨ་ཏྠོ. ནཱ་ལི༹་ཀེ་རཱ་ད་ཡོཏི ཨཱ་དི-ས་དྡེ་ན ཨ་ཝུ་ཏྟཱ་ནཾ ཨོ་ས་དྷི་ཏི་ཎ་ཝ་ན་པྤ་ཏི་ཨཱ་དཱི་ནཾ ས་ངྒ་ཧོ. ཨེ་ཝ་རཱུ་པནྟི ཨེ་དི་སཾ ཨ་ཉྙ་མྤི ཏཾ་ཏཾ་ལོ་ཀ་ཙི་ཏྟཾ.

ཝི་ག་ཏ་ཙི་ཏྟོཏི ཨ་ཏྟ་ཏྠ་པ་ར་ཏྠ་ཏོ ཨ་པ་ག་ཏ་ཝི་ཏ་ཀྐོ ཨ་དྡ་ས ཨེ་ཝཾ ཨ་དྷི་ཊྛ་ཧིཾ་སཱུ་ཏི ས་མྦ་ནྡྷོ. ས་མྦ་རི་མཱ་ཡནྟི ས་མྦ་རེ་ན ཨ་སུ་རི་ནྡེ་ན ཨུ་པྤཱ་དི་ཏཾ ཨ་སུ་ར་མཱ་ཡཾ, ཡཾ ‘‘ཨི་ནྡ་ཛཱ་ལ’’ནྟི་པི ཝུ་ཙྩ་ཏི ཨི་ནྡ་སྶ མོ་ཧ་ན་ཏྠཾ ཨུ་པྤཱ་དི་ཏ་ཏྟཱ. ས་མྤ་རི་ཝ་ཏྟེ་ཏྭཱཏི པ་རི་དྷཱ་ཝེ་ཏྭཱ. ཡ་ཐཱ ནེཏི ནེ ཨ་སུ་རེ ཡ་ཐཱ སོ པུ་རི་སོ པ་སྶ་ཏི, ཨེ་ཝཾ ཨ་དྷི་ཊྛ་ཧིཾ་སུ. ཀ་སྨཱ པ་ནེ་ཏེ ཨེ་ཝཾ ཨ་དྷི་ཊྛ་ཧིཾ་སཱུ་ཏི? ཏཾ པུ་རི་སཾ ཏ་ཏྠ ཏ་ཐཱ་ནི་སི་ནྣཾ དི་སྭཱ ‘‘ཨ་ཡ་ཉྩ དེ་ཝོ’’ཏི ཨཱ་ས་ངྐ་ནྟཱ ཏ་ཐཱ ཨ་དྷི་ཊྛ་ཧི་ཏྭཱ བྷི་ས་མུ་ལཱ༹་ལ་ཚི་དྡེ་ཧི པ་ཝི་སི་ཏྭཱ ཨ་ཏྟ་ནོ ཨ་སུ་ར་བྷ་ཝ་ནཾ ག་ཏཱ. ཏེ་ནཱ་ཧ བྷ་ག་ཝཱ – ‘‘དེ་ཝཱ་ནཾ་ཡེ་ཝ མོ་ཧ་ཡ་མཱ་ནཱ’’ཏི.