༤. ཏུ་ལཱ་ཀཱུ་ཊ་སུ་ཏྟ་ཝ་ཎྞ་ནཱ

༡༡༦༤. རཱུ་པ་ཀཱུ་ཊཾ ས་རཱུ་པེ་ན ས་དི་སེ་ན ཚ་ལ་ཝོ་ཧཱ་རོ. ཨ་ངྒ་ཀཱུ་ཊཾ ཨ་ཏྟ་ནོ ཧ་ཏྠཱ་དི་ནཱ ཨ་ངྒཱ་ནཾ ཚ་ལ་ཀ་ར་ཎཾ. ག་ཧ་ཎ་ཀཱུ་ཊཾ མཱ་ནེ་སུ ག་ཧ་ཎ་ཝ་སེ་ན. པ་ཊི་ཙྪ་ནྣ་ཀཱུ་ཊཾ ཨ་ཡ་ཙུ་ཎྞཱ་དི་ནཱ པ་ཊི་ཙྪ་ནྣེ་ན ཚ་ལ་ཀ་ར་ཎཾ. མ་ཧ་ཏི་ཡཱ ཏུ་ལཱ་ཡ. པ་ཙྪཱ་བྷཱ་གེཏི ཏུ་ལཱ་ཡ པ་ཙྪི་མ་བྷཱ་གེ. ཧ་ཏྠེ་ནཱཏི ཧ་ཏྠ་པ་དེ་སེ་ན. ཨ་ཀྐ་མ་ཏཱིཏི ཨུ་ཊྛཱ་ཏུཾ ཨ་དེ་ནྟོ ག་ཎྷཱ་ཏི. ད་ད་ནྟོ པུ་བྦ་བྷཱ་གེཏི པ་རེ་སཾ ད་ད་ནྟོ པུ་བྦ་བྷཱ་གེ ཧ་ཏྠེ་ན ཏུ་ལཾ ཨ་ཀྐ་མ་ཏི. ཏནྟི ཨ་ཡ་ཙུ་ཎྞཾ.

ལོ་ཧ་པཱ་ཏི་ཡོཏི ཏ་མྦ་ལོ་ཧ་པཱ་ཏི་ཡོ. སུ་ཝ་ཎྞ་ཝ་ཎྞཱ ཀ་རོ་ནྟཱིཏི ཨ་ས་ནི་ཁཱ་ད་སུ་ཝ་ཎྞ་ཀ་ན་ཀ་ལི་མྤི་ཏཱ སུ་ཝ་ཎྞ་ཝ་ཎྞཱ ཀ་རོ་ནྟི. མཱ་ན་བྷཱ་ཛ་ན་སྶ ཧ་ད་ཡ་བྷཱུ་ཏ་སྶ ཨ་བྦྷ་ནྟ་ར་སྶ བྷི་ནྣཾ ཧ་ད་ཡ་བྷེ་དོ. ནི་མི་ཡ་མཱ་ན་སྶ ཏི་ལ་ཏ་ཎྜུ་ལཱ་དི་ཀ་སྶ སི་ཁཱ་ཡ ཨ་གྒ་ཀོ་ཊི་ཡཱ བྷི་ནྣཾ སི་ཁཱ་བྷེ་དོ. ཁེ་ཏྟཱ་དཱི་ནཾ མི་ན་ན་ར་ཛྫུ་ཡཱ ཨ་ཉྙ་ཐཱ་ཀ་ར་ཎཾ ར་ཛྫུ་བྷེ་དོ. ར་ཛྫུ་ག་ཧ་ཎེ་ནེ་ཝ ཙེ་ཏྠ ད་ཎྜ་ཀ་སྶ ག་ཧ་ཎཾ ཀ་ཏ་མེ་ཝཱ་ཏི ད་ཊྛ་བྦཾ.