༦-༧. ཨ་ནྟེ་ཝཱ་སི་ཀ་སུ་ཏྟཱ་དི་ཝ་ཎྞ་ནཱ

༡༥༡-༡༥༢. ཨ་ནྟ-ས་དྡོ ས་མཱི་པ་ཏྠེ ཝ་ཏྟ་ཏི ‘‘ཨུ་ད་ཀ་ནྟཾ ཝ་ན་ནྟ’’ནྟི་ཨཱ་དཱི་སུ, ཀི་ལེ་སོ པ་ན ཨ་ཏི་ཨཱ་ས་ནྣེ ཝ་ས་ཏི ཨ་བྦྷ་ནྟ་ར་ཝུ་ཏྟི་ཏཱ་ཡཱ་ཏི ‘‘ཨ་ནྟེ་ཝཱ་སི་ཀ’’ནྟི ཝུ་ཏྟོ ཝི་བྷ་ཏྟི་ཨ་ལོ་པེ་ན ཡ་ཐཱ ‘‘ཝ་ནེ་ཀུ་ས་ལོ, ཀཱུ་ལེ་རུ་ཀྑཱ’’ཏི. ཏེ་ནཱ་ཧ – ‘‘ཨ་ན་ནྟེ་ཝཱ་སི་ཀ་ནྟི ཨ་ནྟོ་ཝ་ས་ན་ཀི་ལེ་ས་ཝི་ར་ཧི་ཏ’’ནྟི. ཨཱ་ཙ་ར་ཎ་ཀ་ཀི་ལེ་ས་ཝི་ར་ཧི་ཏནྟི ས་མུ་དཱ་ཙ་ར་ཎ་ཀི་ལེ་ས་ར་ཧི་ཏཾ. ཨ་ནྟོ ཨ་སྶ ཝ་ས་ནྟཱིཏི ཨ་སྶ པུ་གྒ་ལ་སྶ ཨ་ནྟོ ཨ་བྦྷ་ནྟ་རེ ཙི་ཏྟེ ཝ་ས་ནྟི པ་ཝ་ཏྟ་ནྟི. ཏེ ཨེ་ཏཾ ཨ་དྷི་བྷ་ཝ་ནྟཱིཏི ཏེ ཀི་ལེ་སཱ ཨེ་ཏཾ པུ་གྒ་ལཾ ཨ་བྷི་བྷ་ཝི་ཏྭཱ ཨ་ཏྟ་ནོ ཝ་སེ ཝ་ཏྟེ་ནྟི. ཏེ་ནཱ་ཧ – ‘‘ཨ་ཛ྄ཛྷོ་ཏྠ་ར་ནྟི སི་ཀྑཱ་པེ་ནྟི ཝཱ’’ཏི. ཏེ་ཧི ཨཱ་ཙ་རི་ཡེ་ཧཱིཏི ཏེ་ཧི ཀི་ལེ་ས་ས་ངྑཱ་ཏེ་ཧི ས་ཏྟེ ཨ་ཏྟ་ནོ ག་ཏི་ཡཾ ཋ་པེ་ནྟེ་ཧི ཨཱ་ཙ་རི་ཡེ་ཧི. ས་ཏྟ་མཾ ཧེ་ཊྛཱ ཀ་ཐི་ཏ་ན་ཡ་མེ་ཝཱཏི ཡ་སྨཱ ཧེ་ཊྛཱ ཁ་ནྡྷ་ཝ་སེ་ན དེ་ས་ནཱ ཨཱ་ག་ཏཱ, ཨི་དྷ ཨཱ་ཡ་ཏ་ན་ཝ་སེ་ནཱ་ཏི ཨ་ཡ་མེ་ཝ ཝི་སེ་སོ.

ཨ་ནྟེ་ཝཱ་སི་ཀ་སུ་ཏྟཱ་དི་ཝ་ཎྞ་ནཱ ནི་ཊྛི་ཏཱ.