༡༢. པ་རཾ་མ་ར་ཎ་སུ་ཏྟ་ཝ་ཎྞ་ནཱ

༡༥༥. ཡ་ཐཱ ཨ་ཏཱི་ཏ་ཀ་པྤེ ཨ་ཏཱི་ཏཱ་སུ ཛཱ་ཏཱི་སུ ཀ་མྨ་ཀི་ལེ་ས་ཝ་སེ་ན ཨཱ་ག་ཏོ, ཏ་ཐཱ ཨེ་ཏ་ར་ཧི་པི ཨཱ་ག་ཏོ་ཏི ཏ་ཐཱ་ག་ཏོ, ཡ་ཐཱ ཡ་ཐཱ ཝཱ པ་ན ཀ་མྨཾ ཀ་ཏཱུ་པ་ཙི་ཏཾ, ཏ་ཐཱ ཏཾ ཏཾ ཨ་ཏྟ་བྷཱ་ཝཾ ཨཱ་ག་ཏོ ཨུ་པ་ག་ཏོ ཨུ་པ་པ་ནྣོ་ཏི ཏ་ཐཱ་ག་ཏོ, ས་ཏྟོ་ཏི ཨཱ་ཧ ‘‘ཏ་ཐཱ་ག་ཏོ་ཏི ས་ཏྟོ’’ཏི. ཨེ་ཏནྟི ‘‘ཨེ་ཝཾ ཧོ་ཏི བྷ་ཝ་ཏི ཏི་ཊྛ་ཏི ས་སྶ་ཏི་ས་མ’’ནྟི ཨེ་ཝཾ པ་ཝ་ཏྟཾ དི་ཊྛི་ག་ཏཾ. ཨ་ཏྠ་ས་ནྣི་སྶི་ཏཾ ན ཧོ་ཏཱིཏི དི་ཊྛ་དྷ་མྨི་ཀ་ས་མྤ་རཱ་ཡི་ཀ་པ་ར་མ་ཏྠ་ཏོ སུ་ཁ་ནྟི པ་ས་ཏྠ་ས་ནྣི་སྶི་ཏཾ ན ཧོ་ཏི. ཨཱ་དི་བྲ་ཧྨ་ཙ་རི་ཡ་ཀནྟི ཨེ་ཏྠ མ་གྒ་བྲ་ཧྨ་ཙ་རི་ཡཾ ཨ་དྷི་པྤེ་ཏཾ ཏ་སྶ པ་དྷཱ་ན་བྷཱ་ཝ་ཏོ. ཏ་སྶ པ་ན ཨེ་ཏཾ དི་ཊྛི་ག་ཏཾ ཨཱ་དི་པ་ཊི་པ་དཱ་མ་ཏྟཾ ན ཧོ་ཏི ཨ་ནུ་པ་ཀཱ་ར་ཀ་ཏྟཱ ཝི་ལོ་མ་ན་ཏོ ཙ. ཏ་ཏོ ཨེ་ཝ ཨི་ཏ་ར་བྲ་ཧྨ་ཙ་རི་ཡ་སྶ་པི ཨ་ནི་སྶ་ཡོ་ཝ. སེ་སཾ ཝུ་ཏྟ་ན་ཡེ་ན ཝེ་དི་ཏ་བྦཾ.

པ་རཾ་མ་ར་ཎ་སུ་ཏྟ་ཝ་ཎྞ་ནཱ ནི་ཊྛི་ཏཱ.