༥-༦. མ་ཧཱ་རུ་ཀྑ་སུ་ཏྟ་དྭ་ཡ་ཝ་ཎྞ་ནཱ

༥༥-༥༦. ཨོ་ཛཾ ཨ་བྷི་ཧ་ར་ནྟཱིཏི ར་ས་ཧ་ར་ཎི་ཡོ ཝི་ཡ པུ་རི་ས་སྶ ས་རཱི་རེ རུ་ཀྑ་མཱུ་ལཱ་ནི རུ་ཀྑ་སྶ པ་ཐ་ཝཱི་ཨཱ་པོ་ར་སེ ཨུ་པ་རི ཨཱ་རོ་པེ་ནྟི. ཏེ་སཾ ཏ་ཐཱ ཨཱ་རོ་པ་ནཾ ‘‘ཨོ་ཛཱ་ཡཱ’’ཏི་ཨཱ་དི་ནཱ ཝི་བྷཱ་ཝེ་ཏི. ཧ་ཏྠ་ས་ཏུ་བྦེ་དྷ་མ་སྶཱ་ཏི ཧ་ཏྠ་ས་ཏུ་བྦེ་དྷོ, ཧ་ཏྠ་ས་ཏཾ ཨུ་བྦི་དྡྷ་སྶ་པི. ཨེ་ཏྠཱཏི ཨེ་ཏི་སྶཾ ཝ་ཊྚ་ཀ་ཐཱ་ཡཾ. ཀ་མྨཱ་རོ་ཧ་ནནྟི ཀ་མྨ་པ་ཙྩ་ཡོ.

པུ་ན ཨེ་ཏྠཱཏི ཨེ་ཏི་སྶཾ ཝི་ཝ་ཊྚ་ཀ་ཐཱ་ཡཾ. ཝ་ཊྚ་དུ་ཀྑཾ ནཱ་སེ་ཏུ་ཀཱ་མ་སྶ ད་ལ༹ྷཾ ཨུ་པྤ་ནྣ་སཾ་ཝེ་ག་ཉཱ་ཎཾ ས་ནྡྷཱ་ཡ ‘‘ཀུ་དྡཱ་ལོ ཝི་ཡཱ’’ཏི ཨཱ་ཧ. ཏ་ཏོ ནི་བྦ་ཏྟི་ཏ་ཉཱ་ཎཾ ས་མཱ་དྷི་པ་ཙྪི་ཡཱ ཋི་ཏཾ ནི་སྶཱ་ཡ པ་ཝ་ཏྟེ་ཏ་བྦ་ཝི་པ་སྶ་ནཱ་ར་མྦྷ་ཉཱ་ཎཾ. རུ་ཀྑ་ཙྪེ་ད་ན་ཕ་ར་སུ ཝི་ཡཱཏི ཨེ་ཝཾ་བྷཱུ་ཏ་སྶ ཝི་པ་སྶ་ནཱ ཨེ་ཀ་ནྟ་ཏོ ཝ་ཊྚ་ཙྪེ་དཱ་ཡ ཧོ་ཏི་ཡེ་ཝཱ་ཏི ཨཱ་ཧ ‘‘རུ་ཀྑ་སྶ…པེ… མ་ན་སི་ཀ་རོ་ནྟ་སྶ པ་ཉྙཱ’’ཏི. ཏ་ཏྠ ཀ་མྨ་ཊྛཱ་ནནྟི ཝི་པ་སྶ་ནཱ་ཀ་མྨ་ཊྛཱ་ནཾ. ཏཾ ཙ་ཏུ་བྦི་དྷ་ཝ་ཝ་ཏྠཱ་ན་ཝ་སེ་ན ཝཱི་ས་ཏི པ་ཐ་ཝཱི་ཀོ་ཊྛཱ་སཱ, དྭཱ་ད་ས ཨཱ་པོ་ཀོ་ཊྛཱ་སཱ, ཙ་ཏྟཱ་རོ ཏེ་ཛོ་ཀོ་ཊྛཱ་སཱ, ཚ ཝཱ་ཡོ་ཀོ་ཊྛཱ་སཱ་ཏི དྭེ་ཙ་ཏྟཱ་ལཱི་སཱ་ཡ ཀོ་ཊྛཱ་སེ་སུ. ཝི་ཉྙཱ་ཎ་སྶ ཙཱཏི ཨི་ཏི-ས་དྡོ ཨཱ་དི་ཨ་ཏྠོ པ་ཀཱ་ར་ཏྠོ ཙ. ཏེ་ན བྷཱུ་ཏ་རཱུ་པཱ་ནི ཝི་ཉྙཱ་ཎ་ས་མྤ་ཡུ་ཏྟ་དྷ་མྨེ ཙ ས་ངྒ་ཎྷཱ་ཏི. ས་ཏྟ་སུ ས་པྤཱ་ཡེ་སུ ཡ་སྶ ཨ་ལ་བྷ་ནྟ་སྶ ཀ་མྨ་ཊྛཱ་ནཾ ཝི་བྷཱུ་ཏཾ ཧུ་ཏྭཱ ན ཨུ་པ་ཊྛཱ་ཏི, ཏཾ ས་ནྡྷཱ་ཡཱ་ཧ ‘‘ཨ་ཉྙ་ཏ་རཾ ས་པྤཱ་ཡ’’ནྟི. སེ་སཾ སུ་ཝི་ཉྙེ་ཡྻ་མེ་ཝ.

མ་ཧཱ་རུ་ཀྑ་སུ་ཏྟ་དྭ་ཡ་ཝ་ཎྞ་ནཱ ནི་ཊྛི་ཏཱ.