༧. པ་ཙྩ་ཡ་སུ་ཏྟ་ཝ་ཎྞ་ནཱ

༢༧. པ་ཊི་པཱ་ཊི་ཡཱཏི པ་ཊི་པཱ་ཊི་ཡཱ ཋ་པ་ནེ་ན. ཙ་ཏུ་ས་ཙྩ་ཡོ་ཛ་ནཾ ད་སྶེ་ཏུཾ པ་རི་ཡོ་སཱ་ན…པེ… ཨཱ་དི ཝུ་ཏྟཾ. དུ་ཀྑ་ས་ཙྩ་ཝ་སེ་ནཱཏི པ་རི་ཉྙེ་ཡྻ་བྷཱ་ཝ་ཝ་སེ་ན. ཛ་རཱ་མ་ར་ཎཱ་པ་དེ་སེ་ན ཧི པ་ཉྩུ་པཱ་དཱ་ན་ཀྑ་ནྡྷཱ ཝུ་ཏྟཱ, ཏེ ཙ་སྶ ཨ་ཏྟ་ནོ ཕ་ལ་སྶ པ་ཙྩ་ཡཱ ན ཧོ་ནྟི. ཏཾ ས་ནྡྷཱ་ཡ ཝུ་ཏྟཾ ‘‘པ་ཙྩ་ཡཾ ཛཱ་ནཱ་ཏཱི’’ཏི. ཝི་ནེ་ཡྻ་ཛ྄ཛྷཱ་ས་ཡ་ཝ་སེ་ན ཧེ་ཏྠ དེ་ས་ནཱ པ་ཝ་ཏྟཱ. ས་མྤ་ནྣོཏི ས་མ་ནྣཱ་ག་ཏོ. ཨཱ་ག་ཏོཏི ཨུ་པ་ག་ཏོ, ཨ་དྷི་ག་ཏོ་ཏི ཨ་ཏྠོ. པ་སྶ་ཏཱིཏི པ་ཙྩ་ཝེ་ཀྑ་ཎ་ཉཱ་ཎེ་ན པ་ཙྩ་ཀྑ་ཏོ པ་སྶ་ཏི, མ་གྒ་པ་ཉྙཱ་ཡ ཨེ་ཝཾ ཨ་ས་མྨོ་ཧ་པ་ཊི་ཝེ་དྷ་ཝ་སེ་ན པ་སྶ་ཏི. མ་གྒ་ཉཱ་ཎེ་ནེ་ཝ, ན ཕ་ལ་ཉཱ་ཎེ་ན. དྷ་མྨ་སོ་ཏཾ ས་མཱ་པ་ནྣོཏི ཨ་རི་ཡ་དྷ་མྨ་སོ་ཏཾ ས་མྨ་དེ་ཝ ཨཱ་པ་ནྣོ པ་ཏྟོ. ཨ་ན་ཡེ ན་ཨི་རི་ཡ་ན་ཏོ, ཨ་ཡེ ཙ ཨི་རི་ཡ་ན་ཏོ, ས་དེ་ཝ་ཀེ་ན ཙ ལོ་ཀེ་ན ‘‘ས་ར་ཎ’’ནྟི ཨ་ཀ་ར་ཎཱི་ཡ་ཏོ ཨ་རི་ཡ་པ་ཀྑཾ བྷ་ཛ་ནྟོ པུ་ཐུ་ཛྫ་ན་བྷཱུ་མིཾ ཨ་ཏི་ཀྐ་ནྟོ. ནི་བྦེ་དྷི་ཀ་པ་ཉྙཱ་ཡཱཏི ཙ་ཏུ་ནྣཾ ཨ་རི་ཡ་ས་ཙྩཱ་ནཾ ནི་བྦི་ཛ྄ཛྷ་ན་ཀ་པ་ཉྙཱ་ཡ. ཨཱ་ཧ་ཙྩ ཏི་ཊྛ་ཏི མ་གྒ་ཀྑ་ཎེ, ཕ་ལ་ཀྑ་ཎེ པ་ན ཨཱ་ཧ་ཙྩ ཋི་ཏོ ནཱ་མ.

པ་ཙྩ་ཡ་སུ་ཏྟ་ཝ་ཎྞ་ནཱ ནི་ཊྛི་ཏཱ.