༣. དོ་ཎ་པཱ་ཀ་སུ་ཏྟ་ཝ་ཎྞ་ནཱ

༡༢༤. ‘‘དོ་ཎ་པཱ་ཀ་ཀུ་ར’’ནྟི ཨེ་ཏྠ ཝི་བྷ་ཏྟི་ལོ་པཾ ཀ་ཏྭཱ ནི་དྡེ་སོ་ཏི ཨཱ་ཧ ‘‘དོ་ཎ་པཱ་ཀཾ ཀུ་ར’’ནྟི. དོ་ཎ་སྶཱཏི ཙ་ཏུ་ནྣཾ ཨཱ་ལ༹ྷ་ཀཱ་ནཾ, སོ་ལ༹་ས་ནཱ་ལཱི༹་ན་ནྟི ཨ་ཏྠོ. ཏ་དུ་པི་ཡནྟི ཏ་ད་ནུ་རཱུ་པཾ, ཏ་སྶ ཝུ་ཏྟ་པ་རི་མཱ་ཎ་སྶ ཨ་ནུ་ཙྪ་ཝི་ཀ་ནྟི ཨ་ཏྠོ. པུ་བྦེཏི ཏཾ་དི་ཝ་ས་ཏོ པུ་རི་མ་ཏ་ར་དི་ཝ་སེ་སུ. བ་ལ་ཝཱཏི མ་ཧཱ. བྷ་ཏྟ་པ་རི་ལཱ༹་ཧོཏི བྷ་ཏྟ་ས་མྨ་ད་ཧེ་ཏུ་ཀོ. ཨ་སྶ ར་ཉྙོ ཨུ་བྷོ་སུ པ་སྶེ་སུ ག་ཧི་ཏ་ཏཱ་ལ་ཝ་ཎྚཱ བཱི་ཛ་ནྟི ཡ་མ་ཀ་ཏཱ་ལ་ཝ་ཎྚེ་ཧི. ཕཱ་སུ་ཝི་ཧཱ་རནྟི བྷོ་ཛ་ནེ མ་ཏྟ་ཉྙུ་ཏཱ་ཡ ལ་དྡྷ་བྦ་སུ་ཁ་ཝི་ཧཱ་རཾ. བྷོ་ཛ་ན་མ་ཏྟ་ཉྙཱུ ཧི སུ་ཁ་ཝི་ཧཱ་རོ ཧོ་ཏི. ཏེ་ནཱ་ཧ ‘‘ཏ་ནུ་ཀ་སྶ བྷ་ཝ་ནྟི ཝེ་ད་ནཱ, ས་ཎི་ཀཾ ཛཱི་ར་ཏི ཨཱ་ཡུ པཱ་ལ་ཡ’’ནྟི.

ཏ་ནུ་ཀ་སྶཱཏི ཏ་ནུ་ཀཱ ཨ་སྶ པུ་གྒ་ལ་སྶ, བྷུ་ཏྟ་པ་ཙྩ་ཡཱ ཝི་ས་བྷཱ་ག་ཝེ་ད་ནཱ ན ཧོ་ནྟཱི་ཏི ཨ་ཏྠོ. ས་ཎི་ཀནྟི མ་ནྡཾ མུ་དུ་ཀཾ, ཨ་པ་རི་སྶ་ཡ་མེ་ཝཱ་ཏི ཨ་ཏྠོ. ཛཱི་ར་ཏཱིཏི པ་རི་བྷུ་ཏྟཱ་ཧཱ་རོ པ་ཙྩ་ཏི. ཨཱ་ཡུ་པཱ་ལ་ཡནྟི ནི་རོ་དྷོ ཨ་ཝེ་ད་ནོ ཛཱི་ཝི་ཏཾ ར་ཀྑ་ནྟོ. ཨ་ཐ ཝཱ ས་ཎི་ཀཾ ཛཱི་ར་ཏཱིཏི སོ བྷོ་ཛ་ནེ མ་ཏྟ་ཉྙཱུ པུ་གྒ་ལོ པ་རི་མི་ཏཱ་ཧཱ་ར་ཏཱ་ཡ ས་ཎི་ཀཾ ཙི་རེ་ན ཛཱི་ར་ཏི ཛ་རཾ པཱ་པུ་ཎཱ་ཏི ཛཱི་ཝི་ཏཾ པཱ་ལེ་ནྟོ.

པ་རི་ཡཱ་པུ་ཎི་ཏྭཱཏི ཨེ་ཏྠ ཡ་ཐཱ ས་བྦཾ སོ པ་རི་ཡཱ་པུ་ཎི, ཏ་ཏོ པ་ར་ཉྩ ཡ་ཐཱ པ་ཊི་པ་ཛྫི, ཏཾ ད་སྶེ་ཏུཾ ‘‘ར་ཉྙཱ ས་དྡྷི’’ནྟི་ཨཱ་དི ཝུ་ཏྟཾ. ཏཱ་ཝ་ཏ་ཀེ ཏ་ཎྜུ་ལེ ཧཱ་རེ་ཡྻཱ་སི ཏ་དུ་པི་ཡ་ཉྩ བྱ་ཉྫ་ན་ནྟི ཨཱ་ནེ་ཏྭཱ ས་མྦ་ནྡྷོ.

པུ་རི་ས་བྷཱ་གོ ཨེ་སཱཏི མ་ཛ྄ཛྷི་མེ་ན པུ་རི་སེ་ན བྷུ་ཉྫི་ཏ་བྦ་བྷཱ་གོ ཨེ་སོ, ཡ་དི་དཾ ནཱ་ལི༹་ཀོ་ད་ན་མ་ཏྟཾ. ས་ལླི་ཁི་ཏ་ས་རཱི་ར་ཏཱཏི བྷ་མཾ ཨཱ་རོ་པེ་ཏྭཱ ཨུ་ལླི་ཁི་ཏ་སྶ ཝི་ཡ ས་བྦ་པ་རི་ལཱ༹་ཧ་ཝཱུ་པ་ས་མ་སྶ པུ་ཐུ་ལ་ཏཱ་པ་ག་ཏ་ས་རཱི་ར་སྶ. སཱི་ལཾ ས་མྤ་རཱ་ཡི་ཀ་ཏྠོཏི ཝུ་ཏྟཾ, ཀུ་ཏོ པ་ནེ་ཏྠ སཱི་ལ་ནྟི ཨཱ་ཧ ‘‘བྷོ་ཛ་ནེ’’ཏི་ཨཱ་དི. སཱི་ལ་ངྒཾ ནཱ་མ ཧོ་ཏཱིཏི ཙ་ཏུ་པཱ་རི་སུ་དྡྷི་སཱི་ལ་སྶ ཨ་ཝ་ཡ་ཝོ ཨེ་ཀོ བྷཱ་གོ ཧོ་ཏི.

དོ་ཎ་པཱ་ཀ་སུ་ཏྟ་ཝ་ཎྞ་ནཱ ནི་ཊྛི་ཏཱ.