༥. ཨ་ཀྐོ་དྷ་སུ་ཏྟ་ཝ་ཎྞ་ནཱ

༢༧༡. ཀོ་དྷོ ཏུ་མྷེ མཱ ཨ་བྷི་བྷ་ཝཱིཏི ཨེ་ཏྠ ཀོ་དྷེ་ན ཨ་ན་བྷི་བྷ་ཝ་ནཱི་ཡ་ཏྟཾ ཁ་ནྟི་མེ་ཏྟཱ་ཀ་རུ་ཎཱ་དི་ཏ་པྤ་ཊི་པ་ཀྑ་དྷ་མྨ་པ་རི་བྲཱུ་ཧ་ནེ་ན. ཏ་ཐཱ ཧི ཏཾ་ས་མ་ངྒི་ནོ ཀོ་དྷོ ཨ་བྷི་བྷུ་ཡྻ་ཏཱི་ཏི ཨཱ་ཧ ‘‘ཏུ་མྷེ་ཝ ཀོ་དྷཾ ཨ་བྷི་བྷ་ཝ་ཐ. ཀུ་ཛ྄ཛྷ་ནྟཱ་ནཾ མཱ པ་ཊི་ཀུ་ཛ྄ཛྷི་ཏྠཱ’’ཏི. པ་ཊི་པ་དཱཏི ཨེ་སཱ པ་ཊི་པ་ཏྟི. མེ་ཏྟཱཏི ཨ་པྤ་ནཱ་པྤ་ཏྟཱ མེ་ཏྟཱ. ཏ་དུ་པ་ཙཱ་རོ མེ་ཏྟཱ་པུ་བྦ་བྷཱ་གོ. ན ཝི་ཧིཾ་ས་ཏི ཀི་ཉྩི ཨེ་ཏཱ་ཡཱ་ཏི ཨ་ཝི་ཧིཾ་སཱ. ཀ་རུ་ཎཱཏི ཨ་པྤ་ནཱ་པྤ་ཏྟ་ཀ་རུ་ཎཱ ཝེ་དི་ཏ་བྦཱ. ཏ་དུ་པ་ཙཱ་རོ ཀ་རུ་ཎཱ་པུ་བྦ་བྷཱ་གོ. ལཱ་མ་ཀ་ཛ་ནནྟི ཁ་ནྟི་ཨཱ་དཱི་སུ ཡོ་ནི་སོ་མ་ན་སི་ཀཱ་རཱ་བྷཱ་ཝེ་ན གཱ་ར་ཡ྄ཧ་ས་མཱ་ཙཱ་ར་ས་མཱ་ཡོ་གེ་ན ཙ ནི་ཧཱི་ནཾ ཛ་ནཾ. པ་ཙྩ་ཡ་པ་རི་སུ་དྡྷི་ཡཱ ཀོ་དྷོ ཨ་བྷི་མ་དྡ་མཱ་ནོ པུ་གྒ་ལཾ ཨ་བྷི་མ་དྡ་ཏི, ཏ་སྶ སོ པ་ཊི་ས་ངྑཱ་ན་བྷཱ་ཝ་ནཱ་བ་ལེ་ཧི ས་མྨ་དེ་ཝ པ་ཧཱ་ཏ་བྦོ་ཏི.

ཨ་ཀྐོ་དྷ་སུ་ཏྟ་ཝ་ཎྞ་ནཱ ནི་ཊྛི་ཏཱ.

ཏ་ཏི་ཡ་ཝ་གྒ་ཝ་ཎྞ་ནཱ ནི་ཊྛི་ཏཱ.

སཱ་ར་ཏྠ་པྤ་ཀཱ་སི་ནི་ཡཱ སཾ་ཡུ་ཏྟ་ནི་ཀཱ་ཡ-ཨ་ཊྛ་ཀ་ཐཱ་ཡ

ས་ཀྐ་སཾ་ཡུ་ཏྟ་ཝ་ཎྞ་ནཱ་ཡ ལཱི་ན་ཏྠ་པྤ་ཀཱ་ས་ནཱ ས་མ་ཏྟཱ.

ནི་ཊྛི་ཏཱ ཙ སཱ་ར་ཏྠ་པྤ་ཀཱ་སི་ནི་ཡཱ

སཾ་ཡུ་ཏྟ་ནི་ཀཱ་ཡ-ཨ་ཊྛ་ཀ་ཐཱ་ཡ ས་གཱ་ཐཱ་ཝ་གྒ་ཝ་ཎྞ་ནཱ.

པ་ཋ་མོ བྷཱ་གོ ནི་ཊྛི་ཏོ.