༤. ཨ་ཙྩ་ཡ་སུ་ཏྟ་ཝ་ཎྞ་ནཱ

༢༧༠. ས་མྤ་ཡོ་ཛེ་སུནྟི ཨ་ཉྙ་མ་ཉྙཾ ཝཱ་ཙ་སི་ཀཾ ཕ་རུ་སཾ པ་ཡོ་ཛེ་སུཾ. ཏེ་ནཱ་ཧ ‘‘ཀ་ལ་ཧཾ ཨ་ཀཾ་སཱུ’’ཏི, ཝི་ཝཱ་དཾ ཨ་ཀཾ་སཱུ་ཏི ཨ་ཏྠོ. ཨ་ཏི་ཀྐ་མྨ་ཝ་ཙ་ནནྟི ཝ་ཙཱི་སཾ་ཝ་རཾ ཨ་ཏི་ཀྐ་མི་ཏྭཱ ཝ་ཙ་ནཾ. ཡ་སྨཱ ཨ་ཙྩ་ཡེ དེ་སི་ཡ་མཱ་ནེ ཏཾ ཁཱི་ཎ་ཡ་ཏི ཨ་ཉྙ་མ་ཉྙ་སྶ ཁ་མ་མཱ་ན་སྶ ཁ་མ་ནཾ པ་ཊི་གྒ་ཎྷ་ཏོ, ཏ་སྨཱ ཝུ་ཏྟཾ ‘‘ན་པྤ་ཊི་ག་ཎྷཱ་ཏཱི་ཏི ན ཁ་མ་ཏཱི’’ཏི. ཏུ་མྷཱ་ཀཾ ཝ་སེ ཝ་ཏྟ་ཏུ, ཝི་སེ་ཝི་ཏཾ ཨ་ཀ་ཏྭཱ ཡ་ཐཱ་ཀཱ་མ་ཀ་ར་ཎཱི་ཡོ ཧོ་ཏུ. མི་ཏྟ་དྷ་མྨོ ཨི་དྷ ཨུ་ཏྟ་ར་པ་ད་ལོ་པེ་ན ‘‘མི་ཏྟོ’’ཏི ཝུ་ཏྟོ་ཏི ཨཱ་ཧ ‘‘མི་ཏྟ་དྷ་མྨེ’’ཏི. ཀ་ར་ཎ་ཝ་ཙ་ནནྟི ‘‘མི་ཏྟེ་ཧཱི’’ཏི ཀ་ར་ཎ་ཝ་ཙ་ནཾ བྷུ་མྨ་ཏྠེ. ཏེ་ནཱ་ཧ ‘‘མི་ཏྟེ་སཱུ’’ཏི. ཡ་ཐཱ ནི་བྦ་ཏྟ་ས་བྷཱ་ཝ་སྶ བྷཱ་ཝ་ཏོ ཨ་ཉྙ་ཐ་ཏྟཾ ཛ་རཱ, ཨེ་ཝཾ མི་ཏྟ་བྷཱ་ཝ་ཏོ ཝུ་ཏྟ་ཝི་པ་རི་ཡཱ་ཡོ ཨ་མི་ཏྟ་དྷ་མྨོ ཛ་རཱ་པ་རི་ཡཱ་ཡེ་ན ཝུ་ཏྟོ. ཨ་གཱ་ར་ཡ྄ཧཾ ཨ་ན་ཝ་ཛྫཾ ས་བྦ་སོ པ་ཧཱི་ན་ཀི་ལེ་སཾ. ཏེ་ནཱ་ཧ ‘‘ཁཱི་ཎཱ་ས་ཝ་པུ་གྒ་ལ’’ནྟི.

ཨ་ཙྩ་ཡ་སུ་ཏྟ་ཝ་ཎྞ་ནཱ ནི་ཊྛི་ཏཱ.