༢. ས་ཀྐ་ནཱ་མ་སུ་ཏྟ་ཝ་ཎྞ་ནཱ

༢༥༨. མ་ནུ་སྶ་བྷཱུ་ཏོཏི མ་ནུ་སྶེ་སུ བྷཱུ་ཏོ, མ་ནུ་སྶ་ཏྟཾ ཝཱ པ་ཏྟོ. ཨཱ་ཝ་ས་ཐནྟི ནི་ཝཱ་ས་ཊྛཱ་ནཾ ཀཱ་རེ་ཏྭཱ ཨ་དཱ་སི, ཏ་སྨཱ ཝཱ་སཾ ཨ་དཱ་སཱི་ཏི ཝཱ་ས་ཝོ. ཨ་ཏྠ-ས་དྡོ ཨི་དྷ ཀཱ་ར་ཎ་པ་རི་ཡཱ་ཡོ་ཏི ཨཱ་ཧ ‘‘ས་ཧ་སྶ་མྤི ཀཱ་ར་ཎཱ་ན’’ནྟི. སྭཱ་ཡ་མ་ཏྠོ ཧེ་ཊྛཱ ཝི་བྷཱ་ཝི་ཏོ་ཝ. ཝི་ནི་ཙྪི་ན་ཏི, ཏ་སྨཱ ས་ཧ་སྶཾ པ་ཉྙཱ་ཨ་ཀྑཱི་ནི ཨེ་ཏ་སྶཱ་ཏི ས་ཧ་སྶ་ཀྑོ. མ་གྷཾ ཝུ་ཙྩ་ཏི དྷ་ནཾ, ཏཾ པ་ན ས་དྡྷཱ་ས་ངྑཱ་ཏཾ མ་གྷཾ ཨ་སྶ ཨ་ཏྠཱི་ཏི མ་གྷ་ཝཱ. པུ་རེ དཱ་ནཾ ད་དཱ་ཏཱི་ཏི པུ་རི་ནྡ་དོ ཨ་ནུ་ནཱ་སི་ཀ་ལོ་པཾ ཨ་ཀ་ཏྭཱ. པུ་ཉྙཱ་ནི ཀཱ་ཏུཾ ས་ཀྐོ་ཏཱི་ཏི ས་ཀྐོ.

ས་ཀྐ་ནཱ་མ་སུ་ཏྟ་ཝ་ཎྞ་ནཱ ནི་ཊྛི་ཏཱ.