༧. ཨི་སྶ་རི་ཡ་སུ་ཏྟ་ཝ་ཎྞ་ནཱ

༧༧. ས་ཏྠ་སྶ མ་ལ་ནྟི ས་ཏྠ་མ་ལཾ, ཡེ་ན ས་ཏྠཾ མ་ལཱི་ནཾ ཧོ་ཏི, ས་ཏྠ་མ་ལ་གྒ་ཧ་ཎེ་ན ཙེ་ཏྠ མ་ལཱི་ནཾ ས་ཏྠ་མེ་ཝ ག་ཧི་ཏ་ནྟི ཨཱ་ཧ ‘‘མ་ལ་གྒ་ཧི་ཏ་ས་ཏྠ’’ནྟི. ཨཱ་ཎཱ་པ་ཝ་ཏྟ་ནནྟི ཨ་པྤ་ཀེ ཝཱ མ་ཧ་ནྟེ ཝཱ ཡ་ཏྠ ཀ་ཏྠ་ཙི ཨ་ཏྟ་ནོ ཨཱ་ཎཱ་ཡ པ་ཝ་ཏྟ་ན་ཝ་སེ་ན ཝ་ས་ནཾ ཨི་སྶ་རི་ཡ་ཏྟ་མི་ཙྪ་ནྟི. མ་ཎི་ར་ཏ་ན་མྤི ཝི་སྶ་ཛྫ་ནཱི་ཡ་པ་ཀྑི་ཀ་ཏྟཱ ཨུ་ཏྟ་མཾ བྷ་ཎྜཾ ནཱ་མ ན ཧོ་ཏི, ཨི་ཏྠཱི པ་ན པ་རི་ཙྩ་ཏྟ་ཀུ་ལཱ་ཙཱ་རི་ཏྠི་ཀཱ་ཡ་པི ཨ་ནི་སྶ་ཛྫ་ནཱི་ཡ་ཏཱ་ཡ ཨུ་ཏྟ་མ་བྷ་ཎྜཾ ནཱ་མ. ཏེ་ནཱ་ཧ ‘‘ཨི་ཏྠཱི བྷ་ཎྜཱ་ན་མུ་ཏྟ་མ’’ནྟི. ཏེ་སཾ ཏེ་ས་ཉྷི པུ་རི་སཱ་ཛཱ་ནཱི་ཡཱ་ནཾ ཨུ་པྤ་ཏྟི་ཊྛཱ་ན་ཏཱ་ཡ ཨུ་ཏྟ་མ་ར་ཏ་ནཱ་ཀ་ར་ཏྟཱ ཨི་ཏྠཱི བྷ་ཎྜཱ་ན་མུ་ཏྟ་མཾ. མ་ལ་གྒ་ཧི་ཏ་ས་ཏྠ་ས་དི་སོ ཨ་ཝ་བོ་དྷ་ཀི་ཙྩ་ཝི་བ་ནྡྷ་ན་ཏོ. ས་ཏྠ་མ་ལཾ ཝི་ཡ ས་ཏྠ་སྶ པ་ཉྙཱ་ས་ཏྠ་སྶ གུ་ཎཱ་བྷཱ་ཝ་ཀ་ར་ཎ་ཏོ པ་ཉྙཱ་ས་ཏྠ་མ་ལཾ. ཨ་བྦུ ཝུ་ཙྩ་ཏི ཨུ་པ་དྡ་ཝཾ, ཏཾ དེ་ཏཱི་ཏི ཨ་བྦུ་དཾ, ཝི་ནཱ་ས་ཀཱ་ར་ཎཾ. ན་ནུ ཧ་ར་ཎཾ ས་མ་ཎ་སྶ ཨ་ཡུ་ཏྟ་ནྟི? ཡུ་ཏྟཾ. ཏ་སྶ ཨ་ནྭ་ཡ་ཏོ བྱ་ཏི་རེ་ཀ་ཏོ ཙ ཡུ་ཏྟ་ཏཾ ད་སྶེ་ནྟོ ‘‘ས་ལཱ་ཀ་བྷ་ཏྟཱ་དཱི་ནཱི’’ཏི་ཨཱ་དི་མཱ་ཧ.

ཨི་སྶ་རི་ཡ་སུ་ཏྟ་ཝ་ཎྞ་ནཱ ནི་ཊྛི་ཏཱ.