༡༠. ལོ་ཀ་སུ་ཏྟ་ཝ་ཎྞ་ནཱ

༧༠. ཀི་སྨིནྟི ཀི་སྨིཾ ས་ཏི? ཏ་སྶ པ་ན ས་ནྟ་བྷཱ་ཝོ ཨུ་པྤ་ཏྟི་ཝ་སེ་ནེ་ཝཱ་ཏི ཨཱ་ཧ ‘‘ཀི་སྨིཾ ཨུ་པྤ་ནྣེ’’ཏི? ལོ་ཀོ ཨུ་པྤ་ནྣོ་ཏི ཝུ་ཙྩ་ཏི ཨ་ནུ་པཱ་དཱ་ན་ཏྟཱ ལོ་ཀ་ས་མ་ཉྙཱ་ཡ. ཚ་སཱུཏི ཨེ་ཏྠཱ་པི ཨེ་སེ་ཝ ན་ཡོ ས་ནྠ་ཝནྟི ཨ་དྷི་ཀ་སི་ནེ་ཧཾ ཀ་རོ་ཏི ཨ་དྷི་ཀ་སི་ནེ་ཧ་ཝ་ཏྠུ་བྷཱ་ཝ་ཏོ ཨ་ཛ྄ཛྷ་ཏྟི་ཀཱ་ཡ་ཏ་ནཱ་ནཾ. ཨུ་པཱ་དཱ་ཡཱཏི པུ་བྦ་ཀཱ་ལ་ཀི་རི་ཡཱ ཨ་པ་ར་ཀཱ་ལ་ཀི་རི་ཡཾ ཨ་པེ་ཀྑ་ཏཱི་ཏི ཝ་ཙ་ན་སེ་ས་ཝ་སེ་ན ཀི་རི་ཡཱ་པ་དཾ ག་ཧི་ཏཾ ‘‘པ་ཝ་ཏྟ་ཏཱི’’ཏི. ཀིཾ པ་ན པ་ཝ་ཏྟ་ཏི? ལོ་ཀོ, ལོ་ཀ་ས་མ་ཉྙཱ་ཏི ཨ་ཏྠོ. ཚ་སཱུཏི ཨི་དཾ ནི་མི་ཏྟ་ཏྠེ བྷུ་མྨཾ. ཚ་ལཱ༹་ཡ་ཏ་ན་ནི་མི་ཏྟ་ཉྷི ས་བྦ་དུ་ཀྑཾ. ཨ་ཡནྟི ས་ཏྟ་ལོ་ཀོ. ཨུ་པྤ་ནྣོ ནཱ་མ ཧོ་ཏི ཚ་ལཱ༹་ཡ་ཏ་ནཾ ནཱ་མ མཱུ་ལཾ ས་བྦ་དུ་ཀྑཱ་ན་ནྟི ཀ་ཏྭཱ. བཱ་ཧི་རེ་སུ ཨཱ་ཡ་ཏ་ནེ་སུ ས་ནྠ་ཝཾ ཀ་རོ་ཏི ཝི་སེ་ས་ཏོ རཱུ་པཱ་དཱི་ནཾ ཏ་ཎྷཱ་ཝ་ཏྠུ་ཀ་ཏྟཱ. ཡ་སྨཱ ཙ་ཀྑཱ་དཱི་ནཾ ས་ནྟ་པྤ་ན་ཝ་སེ་ན རཱུ་པཱ་དཱི་ནཾ པ་རི་གྒ་ཧི་ཏ་ཏྟཱ ལོ་ཀ་སྶ ནི་སེ་ཝི་ཏཱ་ཡ སཾ་ཝ་ཏྟ་ཏི, ཏ་སྨཱ ཝུ་ཏྟཾ ‘‘ཚ་ནྣཾ…པེ… ཝི་ཧ་ཉྙ་ཏཱི’’ཏི.

ལོ་ཀ་སུ་ཏྟ་ཝ་ཎྞ་ནཱ ནི་ཊྛི་ཏཱ.

ཨ་དྡྷ་ཝ་གྒ་ཝ་ཎྞ་ནཱ ནི་ཊྛི་ཏཱ.