༡. ཨཱ་དི་ཏྟ་སུ་ཏྟ་ཝ་ཎྞ་ནཱ

༤༡. སཱི་སནྟི དེ་ས་ནཱ་པ་དེ་སོ, དེ་ས་ནཱ་ཡ ཨ་ཉྙེ་སུ་པི ཝ་ཏྟ་བྦེ་སུ ཀ་སྶ་ཙི་དེ་ཝ སཱི་ས་བྷཱ་གེ་ན ཨ་པ་དི་ས་ནཾ. ཏེ་ནཱ་ཧ ‘‘རཱ་གཱ་དཱི་ཧཱི’’ཏི་ཨཱ་དི. དཱ་ནེ་ནཱཏི ཨ་ཏྟ་ནོ ས་ནྟ་ཀ་སྶ པ་རེ་སཾ པ་རི་ཙྩ་ཛ་ནེ་ན. ཏཾ པ་ན པ་རི་ཙྩ་ཛ་ནཾ ཙེ་ཏ་ནཱ་ཡ ཧོ་ཏཱི་ཏི ཨཱ་ཧ ‘‘དཱ་ན་ཙེ་ཏ་ནཱ་ཡཱ’’ཏི དཱ་ན་པུ་ཉྙ་ཙེ་ཏ་ནཱཏི དཱ་ན་མ་ཡཱ པུ་ཉྙ་ཙེ་ཏ་ནཱ དཱ་ཡ་ཀ་སྶེ་ཝ ཧོ་ཏི ཏཾ་ས་ནྟ་ཏི་པ་རི་ཡཱ་པ་ནྣ་ཏྟཱ. ནཱི་ཧ་ཏ་བྷ་ཎྜ་ཀནྟི ཨཱ་དི་ཏྟ་གེ་ཧ་ཏོ བ་ཧི ནི་ཀྑཱ་མི་ཏཾ བྷ་ཎྜ་ཀཾ. ཨེ་ཏནྟི ‘‘དི་ནྣཾ ཧོ་ཏཱི’’ཏི་ཨཱ་དི་ཝ་ཙ་ནཾ. ཨ་དི་ནྣེཏི དཱ་ན་མུ་ཁེ ཨ་ནི་ཡུ་ཉྫི་ཏེ བྷོ་གེ. ‘‘ཨ་ནྟེ་ནཱ’’ཏི ཛཱི་ཝི་ཏ་སྶ ཨ་ནྟོ ཨ་དྷི་པྤེ་ཏོ་ཏི ཨཱ་ཧ ‘‘མ་ར་ཎེ་ནཱ’’ཏི. མ་མཱ་ཏི པ་རི་གྒ་ཧི་ཏ་ཏྟཱ པ་རི་གྒ་ཧཱ, བྷོ་གཱ. ཏེ་པི ཀེ་ན་ཙི ཨཱ་ཀཱ་རེ་ན ཝི་ནཱ་སཾ ཨ་ནུ་པ་ག་ཏཱ མ་ར་ཎེ་ན པ་ཧཱི་ཡ་ནྟི ནཱ་མཱ་ཏི ཝུ་ཏྟཾ ‘‘ཙོ་རཱ་དཱི་ནཾ ཝ་སེ་ན ཨ་ཝི་ན་ཊྛ་བྷོ་གེ’’ཏི. སོ་བྷ་ནཱ ཨ་གྒ་བྷཱུ་ཏཱ རཱུ་པཱ་ད་ཡོ ཨེ་ཏྠཱ་ཏི ས་གྒོ, ཏཾ ས་གྒཾ.

ཨཱ་དི་ཏྟ་སུ་ཏྟ་ཝ་ཎྞ་ནཱ ནི་ཊྛི་ཏཱ.