༨. ཧི་རཱི་སུ་ཏྟ་ཝ་ཎྞ་ནཱ

༡༨. ནི་སེ་དྷེ་ཏཱིཏི ནི་ཝཱ་རེ་ཏི པ་ཝ་ཏྟི་ཏུཾ ན དེ་ཏི. པུ་ཙྪ་ཏི དེ་ཝ་ཏཱ. ཨ་པ་ཧ་ར་ནྟོཏི ཨ་པ་ནེ་ནྟོ, ཡ་ཐཱ ས་བྦེ་ན ས་བྦཾ ཨ་ཀྐོ་ས་ཝ་ཏྠུ ན ཧོ་ཏི, ཨེ་ཝཾ པ་རི་ཧ་ར་ནྟོ་ཏི ཨ་ཏྠོ. བུ་ཛ྄ཛྷ་ཏི སཱ་ར་ཐི་ཝི་དྷཾ. ཨ་ཏྟ་ནི ནི་པཱ་ཏཾ ན དེ་ཏི, ཨཱ་ཛཱ་ནཱི་ཡོ ཧི ཡུ་ཏྟཾ པ་ཛཱ་ནཱ་ཏི. ཨ་བྷཱུ་ཏེ་ན ཨ་བྷཱུ་ཏ་ཀྐོ་སེ་ན པ་རི་མུ་ཏྟོ ནཱ་མ ན་ཏྠི བཱ་ལཱ་ན་ཉྩ ཛ་ནཱ་ནཾ པ་རཱ་པ་ཝཱ་དེ ཡུ་ཏྟ་པ་ཡུ་ཏྟ་བྷཱ་ཝ་ཏོ. ཏེ་ནཱ་ཧ བྷ་ག་ཝཱ –

‘‘ནི་ནྡ་ནྟི ཏུ་ཎྷི་མཱ་སཱི་ནཾ, ནི་ནྡ་ནྟི བ་ཧུ་བྷཱ་ཎི་ནཾ;

མི་ཏ་བྷཱ་ཎི་མྤི ནི་ནྡ་ནྟི, ན་ཏྠི ལོ་ཀེ ཨ་ནི་ནྡི་ཏོ’’ཏི. (དྷ. པ. ༢༢༧);

ཏ་ནུ་ཡཱཏི ཝཱ ཀ་ཏི་པ་ཡཱ. ཏེ་ནཱ་ཧ ‘‘ཨ་པྤ་ཀཱ’’ཏི. ས་དཱ ས་ཏཱཏི ཧི་རི་ནི་སེ་དྷ་བྷཱ་ཝེ ཀཱ་ར་ཎ་ཝ་ཙ་ནཾ. པ་པྤུ་ཡྻཱཏི པ་ཏྭཱ ཨ་དྷི་ག་ནྟྭཱ. ཝཱ་ན་ཏོ ནི་ཀྑ་ནྟ་ཏྟཱ ནི་བྦཱ་ནཾ, ཨ་ས་ངྑ་ཏ་དྷཱ་ཏུ.

ཧི་རཱི་སུ་ཏྟ་ཝ་ཎྞ་ནཱ ནི་ཊྛི་ཏཱ.