༤. ཁ་ཏྟི་ཡ་སུ་ཏྟ་ཝ་ཎྞ་ནཱ

༡༤. ཁེ་ཏྟ་ཏོ ཝི་ཝཱ་དཱ ས་ཏྟེ ཏཱ་ཡ་ཏཱི་ཏི ཁ་ཏྟི་ཡོ. ཝ་ད་ཏི དེ་ཝ་ཏཱ ཨ་ཏྟ་ནོ ཨ་ཛ྄ཛྷཱ་ས་ཡ་ཝ་སེ་ན. དྭི་པ་དཱ་དཱི་ནནྟི ཨཱ་དི-ས་དྡེ་ན ཙ་ཏུ་པྤ་ད་བྷ་རི་ཡ་པུ་ཏྟཱ ག་ཧི་ཏཱ. བུ་དྡྷཱ་ད་ཡོཏི ཨཱ་དི-ས་དྡེ་ན ཨཱ་ཛཱ་ནཱི་ཡ་སུ་སྶཱུ་ས་བྷ་རི་ཡ་སྶ་ཝ་པུ་ཏྟཱ. དྭི་པ་དཱ་ནཾ སེ་ཊྛོཏི ཨེ་ཏྠ དྭི་པ་དཱ་ནཾ ཨེ་ཝ སེ་ཊྛོ་ཏི ནཱ་ཡཾ ནི་ཡ་མོ ཨི་ཙྪི་ཏོ, སེ་ཊྛོ ཨེ་ཝཱ་ཏི པ་ན ཨི་ཙྪི་ཏོ, ཏ་སྨཱ ས་མྦུ་དྡྷོ དྭི་པ་དེ་སུ ཨ་ཉྙེ་སུ ཏ་ཏྠ ཙ ཨུ་པྤ་ཛྫ་ན་ཏོ སེ་ཊྛོ ཨེ་ཝ ས་བྦེ་ས་མྤི ཨུ་ཏྟ་རི་ཏ་ར་སྶ ཨ་བྷཱ་ཝ་ཏོ་ཏི ཨ་ཡ་མེ་ཏྠ ཨ་ཏྠོ. ཏེ་ནཱ་ཧ ‘‘ཨུ་པྤ་ཛྫ་མཱ་ནོ པ་ནེ་སཱ’’ཏི་ཨཱ་དི. ཀཱ་ར་ཎཱ་ཀཱ་ར་ཎཾ ཨཱ་ཛཱ་ནཱ་ཏཱི་ཏི ཨཱ་ཛཱ་ནཱི་ཡོ. ག་ཎྷཱ་པེ་ཐཱཏི ཡ་ཐཱ ཨུ་ད་ཀོ ན ཏེ་མི་སྶ་ཏི, ཨེ་ཝཾ ཝཱ་ལ༹ཾ ག་ཎྷཱ་པེ་ཐ. ‘‘ཨ་སུ་སྶཱུ་སཱ’’ཏི ཀེ་ཙི པ་ཋ་ནྟི. ཨཱ་སུ་ཎ་མཱ་ནོཏི ས་པྤ་ཊི་སྶ་ཝོ ཧུ་ཏྭཱ ཝ་ཙ་ན་ས་མྤ་ཊི་ཙྪ་ཀོ.

ཁ་ཏྟི་ཡ་སུ་ཏྟ་ཝ་ཎྞ་ནཱ ནི་ཊྛི་ཏཱ.