ཨུ་པོ་ས་ཐཱ་དི་པུ་ཙྪཱ་ཝི་སྶ་ཛྫ་ནཱ

༣༣༢. ཝི་སྶ་ཛྫ་ནེ ཨེ་ཝ་མ་ཏྠོ ཝེ་དི་ཏ་བྦོ་ཏི ཡོ་ཛ་ནཱ. ཀཱ་ཡ་སཱ་མ་གྒཱི ཨཱ་དི ནཱ་མཱ་ཏི ཡོ་ཛ་ནཱ. ཨོ་སཱ་ར་ཎ་ཀི་རི་ཡཱཏི ཀ་ཐ་ན་ཀི་རི་ཡཱ. ཚ་ནྡ་པ་ཝཱ་ར་ཎཾ ཨཱ་ཧ་རི་ཏྭཱཏི ཚ་ནྡ་ཉྩ པ་ཝཱ་ར་ཎ་ཉྩ ཨཱ་ཧ་རི་ཏྭཱ. པ་ཝཱ་ར་ཎཱ་ཀ་ཐཱཏི ‘‘ས་ངྒྷཾ བྷ་ནྟེ པ་ཝཱ་རེ་མཱི’’ཏི་ཨཱ་དི་ཀཱ (མ་ཧཱ་ཝ. ༢༡༠) པ་ཝཱ་ར་ཎཱ་ཀ་ཐཱ. ཏ་ཛྫ་ནཱི་ཡ་ཀ་མྨཱ་དཱི་སུ ཝ་ཏྠུ ནཱ་མ ཀིཾ? པུ་གྒ་ལོ ནཱ་མ ཀོ་ཏི ཨཱ་ཧ ‘‘ཝ་ཏྠུ ནཱ་མཱ’’ཏི་ཨཱ་དི. ཏ་ཏྠ ཡེ་ན ཝ་ཏྠུ་ནཱཏི བྷ་ཎྜ་ན་ཀཱ་ར་ཀཱ་དི་ནཱ ཡེ་ན ཝ་ཏྠུ་ནཱ ཀ་ར་ཎ་བྷཱུ་ཏེ་ན, ཧེ་ཏུ་བྷཱུ་ཏེ་ན ཝཱ. ཡེ་ནཱཏི པུ་གྒ་ལེ་ན ཀ་ཏྟུ་བྷཱུ་ཏེ་ན, ཀ་ཏ་ནྟི ས་མྦ་ནྡྷོ. ‘‘ཏ་སྶཱ ཏ་སྶཱ ཀ་མྨ་ཝཱ་ཙཱ་ཡཱ’’ཏི པ་དཾ ‘‘ཨ་ཝ་སཱ་ན་ཝ་ཙ་ན’’ནྟི པ་དེ ཨ་ཝ་ཡ་ཝི་ས་མྦ་ནྡྷོ. ས་བྦ་ཏྠཱཏི ས་བྦེ་སུ ཝི་སྶ་ཛྫ་ནེ་སུ.

ཨི་ཏི ཨུ་པོ་ས་ཐཱ་དི་པུ་ཙྪཱ་ཝི་སྶ་ཛྫ་ན་ཝ་ཎྞ་ནཱ་ཡ ཡོ་ཛ་ནཱ

ས་མ་ཏྟཱ.

ཨ་ཏྠ་ཝ་ས་པ་ཀ་ར་ཎ་ཝ་ཎྞ་ནཱ

༣༣༤. ཨ་ཏྠ་ཝ་ས་པ་ཀ་ར་ཎེཏི ཨ་ཝ་ཡ་ཝི་ཨཱ་དྷཱ་རོ. ད་ས ཨ་ཏྠ་ཝ་སེ་ཏི་ཨཱ་དཱི་སཱུཏི ཨ་ཝ་ཡ་ཝཱ་དྷཱ་རོ. ཡནྟི ཝ་ཙ་ནཾ. ཨུ་པ་རི་མཾ ཨུ་པ་རི་མཾ པ་དནྟི ‘‘ས་ངྒྷ་ཕཱ་སུ་ཏཱ་ཡཱ’’ཏི་ཨཱ་དི་ཀཾ ཨུ་ཏྟ་རུ་ཏྟ་རི ཝུ་ཏྟཾ པ་དཾ. ཧེ་ཊྛི་མ་སྶ ཧེ་ཊྛི་མ་སྶ པ་ད་སྶཱཏི ‘‘ས་ངྒྷ་སུ་ཊྛུ་ཏཱ་ཡཱ’’ཏི་ཨཱ་དི་ཀ་སྶ ཨ་དྷོ ཨ་དྷོ ཝུ་ཏྟ་སྶ པ་ད་སྶ.

ཡ་དེ་ཏཾ པ་ད་ས་ཏཾ ཝུ་ཏྟ་ནྟི ཡོ་ཛ་ནཱ. ཏ་ཏྠཱཏི ཏ་སྨིཾ པ་ད་ས་ཏེ, ནི་དྡྷཱ་ར་ཎེ བྷུ་མྨཾ, ཨ་ཏྠ་ས་ཏནྟི ཨ་བྷི་དྷེ་ཡྻ་ས་ཏཾ. དྷ་མྨ་ས་ཏནྟི་ཨ་བྷི་དྷཱ་ན་ས་ཏཾ, པཱ་ལི༹་ས་ཏ་ནྟི ཨ་ཏྠོ. ‘‘ཨ་ཏྠ་ས་ཏཾ དྷ་མྨ་ས་ཏ’’ནྟི པ་དཱ་ནཾ ཨ་ཏྠ་ནྟ་ར་ཝི་ཀ་པྤཾ ད་སྶེ་ནྟོ ཨཱ་ཧ ‘‘ཨ་ཐ ཝཱ’’ཏི་ཨཱ་དི. ཏ་ཏྠ ཡེ ད་ས ཨ་ཏྠ་ཝ་སེ པ་ཊི་ཙྩ པ་ཉྙ་ཏྟཾ, ཏེ་སཾ ད་ས་ཨ་ཏྠ་ཝ་སཱ་ན་ནྟི ཡོ་ཛ་ནཱ, ཡེ ད་ས ཨ་ཏྠ་ཝ་སེ པུ་བྦེ ཝ་ཎྞི་ཏཱ, ཏེ་སཾ ད་ས་ཨ་ཏྠ་ཝ་སཱ་ན་ནྟི ཡོ་ཛ་ནཱ. པ་ཋ་མ་པཱ་རཱ་ཛི་ཀ་ཝ་ཎྞ་ནཱ་ཡཾ (པཱ་རཱ. ཨ་ཊྛ. ༡.༣༩) ཝ་ཎྞི་ཏཱ་ཏི ས་མྦ་ནྡྷོ. ཏ་ཏྠཱཏི ‘‘ས་ངྒྷ་སུ་ཊྛུ་ཏཱ་ཡཱ’’ཏི་ཨཱ་དི་པཱ་ཋེ. སུ་ཊྛུ དེ་ཝཱཏི སུ་ཊྛུ མ་ཧཱ་རཱ་ཛ. ཧི ཡ་སྨཱ ཨཱ་ཎཱ་བ་ལ་བྷོ་ག་བ་ལ་ཨི་སྶ་རི་ཡ་བ་ལེ་ཧི དི་བྦ་ཏི, ཏ་སྨཱ དེ་ཝོཏི ཝུ་ཙྩ་ཏི. ཡོ ཙཱཏི ག་ཧ་ཊྛོ ཝཱ པ་བྦ་ཛི་ཏོ ཝཱ, ས་མྤ་ཊི་ཙྪ་ཏཱི་ཏི ས་མྦ་ནྡྷོ. ཏ་སྨཱཏི ཡ་སྨཱ ཧི་ཏཱ་ཡ སུ་ཁཱ་ཡ ཧོ་ཏི, ཏ་སྨཱ. ཨཱ་ནི་སཾ་སཾ ད་སྶེ་ཏྭཱ པ་ཉྙ་པེ་སྶཱ་མཱི་ཏི ས་མྦ་ནྡྷོ. ཨ་བྷི་བྷ་ཝི་ཏྭཱ ན པ་ཉྙ་པེ་སྶཱ་མཱི་ཏི ཡོ་ཛ་ནཱ. ཨི་དྷཱཏི ཨ་ཏྠ་ཝ་ས་པ་ཀ་ར་ཎེ. ཏ་ད་ཏྠ་ཛོ་ཏ་ཀཱ་ནནྟི སོ་ཡེ་ཝ ཨ་ཏྠོ ཏ་ད་ཏྠོ, ཏ་སྶ ཛོ་ཏ་ཀཱ ཏ་ད་ཏྠ་ཛོ་ཏ་ཀཱ, ཏེ་སཾ. ཨི་དཱ་ནི ཝེ་དི་ཏ་བྦཱ་ནཱི་ཏི ས་མྦ་ནྡྷོ. ཨ་ཏྠཾ ཛོ་ཏེ་ནྟཱི་ཏི ཨ་ཏྠ་ཛོ་ཏ་ཀཱ, ས་དྡཱ. ནཱི་ཧ་རི་ཏྭཱ, ནི་ཡ་མེ་ཏྭཱ ཝཱ ཨ་ཏྠོ ཝུ་ཙྩ་ཏེ ཨི་མཱ་ཧི ས་དྡ་པ་ཉྙ་ཏྟཱི་ཧཱི་ཏི ནི་རུ་ཏྟི་ཡོ.

ཨ་ཏྠ་ས་ཏནྟི གཱ་ཐཱ་ཡཾ ཨ་ཏྠ་ཝ་སེ པ་ཀ་ར་ཎེ ཨ་ཏྠ་ས་ཏཾ ཝེ་དི་ཏ་བྦ་ནྟི་ཨཱ་དི་ནཱ ཡོ་ཛ་ནཱ ཀཱ་ཏ་བྦཱ. ཨི་ཏི ཧཱིཏི ཨི་ཏི ཨེ་ཝ. ཧིས་དྡོ ཧི ཨེ་ཝ་ས་དྡ་ཏྠོ. ཨི་དནྟི ‘‘ཨ་ཏྠ་ས་ཏ’’ནྟི་ཨཱ་དི་ཝ་ཙ་ནཾ, ཝུ་ཏྟ་ནྟི ས་མྦ་ནྡྷོ. ཨེ་ཏནྟི ཡ་ཐཱ་ཝུ་ཏྟཾ ཨ་ཏྠཾ པ་ཊི་ཙྩཱ་ཏི ས་མྦ་ནྡྷོ.

ཨི་ཏི ས་མ་ནྟ་པཱ་སཱ་དི་ཀཱ་ཡ ཝི་ན་ཡ་སཾ་ཝ་ཎྞ་ནཱ་ཡ

མ་ཧཱ་ཝ་གྒ་ཝ་ཎྞ་ནཱ་ཡ

ཡོ་ཛ་ནཱ ས་མ་ཏྟཱ.