(༢) པཱ་རཱ་ཛི་ཀཱ་དི་པ་ཉྷཱ་ཝ་ཎྞ་ནཱ

༤༨༠. ས་ནྠ་ཏ་པེ་ཡྻཱ་ལ་ཉྩཱཏི པ་ཋ་མ་པཱ་རཱ་ཛི་ཀ་ཝི་བྷ་ངྒེ (པཱ་རཱ. ༦༥) ཝུ་ཏྟཾ ས་ནྠ་ཏ་པེ་ཡྻཱ་ལ་ཉྩ.

ལི་ངྒ་པ་རི་ཝ་ཏྟཾ ས་ནྡྷཱ་ཡཱཏི ས་ཏི ལི་ངྒེ པ་རི་ཝ་ཏྟེ པ་ཊི་གྒ་ཧ་ཎ་སྶ ཝི་ཛ་ཧ་ནཾ ས་ནྡྷཱ་ཡ ཝུ་ཏྟཾ.

ཡོཏི བྷི་ཀྑུ, པ་རི་ཎཱ་མེ་ཏཱི་ཏི ས་མྦ་ནྡྷོ. ཨ་ཏྟ་ནོ ཨ་ཏྠཱ་ཡཱ་ཏི ཡོ་ཛ་ནཱ.

ཨ་སྶཱཏི གཱ་ཐཱ་ཡ. ཀཱ་ཀ་ཨུ་ཧ་དནྟི ཀཱ་ཀེ་ཧི ཀ་རཱི་སུ་སྶ་གྒཾ. ཀ་དྡ་མ་མ་ཀྑི་ཏནྟི ཀ་དྡ་མེ་ན མ་ཀྑི་ཏཾ. ཀཱ་ཡ་ག་ཏཱ་ནེ་ཝ ཧུ་ཏྭཱ་ཏི ས་མྦ་ནྡྷོ.

ཧཱིཏི ཝི་ཏྠཱ་རོ. ཨ་ན་རི་ཡཾ ཏཾ ཨི་ཏྠིཾ ཝཱ ཏཾ པུ་རི་སཾ ཝཱ ཧ་ནེ་ཡྻཱ་ཏི ཡོ་ཛ་ནཱ. ལི་ངྒ་པ་རི་ཝ་ཏྟེ་ན ཧེ་ཏུ་བྷཱུ་ཏེ་ན ཨི་ཏྠི་བྷཱུ་ཏཾ, པུ་རི་ས་བྷཱུ་ཏ་ཉྩཱ་ཏི ས་མྦ་ནྡྷོ. ཨི་ཏྠི་བྷཱུ་ཏནྟི ཙ ཨི་ཏྠཱི ཧུ་ཏྭཱ བྷཱུ་ཏཾ, ཨི་ཏྠི་བྷཱ་ཝཾ ཝཱ པ་ཏྟཾ.

མི་ག་སི་ངྒ་ཏཱ་པ་ས་སཱི་ཧ་ཀུ་མཱ་རཱ་དཱི་ནཾ ཏི་ར་ཙྪཱ་ན་ག་ཏ་མཱ་ཏཱ་པི་ཏ་རོ ཝི་ཡཱ་ཏི ཡོ་ཛ་ནཱ. མི་ག་སི་ངྒ་ཏཱ་པ་སོཏི མི་ག་སི་ངྒ་ནཱ་མ་ཀོ (ཛཱ. ཨ་ཊྛ. ༥.༡༧.༩༦ ཨཱ་ད་ཡོ) ཏཱ་པ་སོ. སཱི་ཧ་ཀུ་མཱ་རོཏི སཱི་ཧ་བཱ་ཧུ་ཀུ་མཱ་རོ. ཨཱ་དི་ས་དྡེ་ན བྷཱུ་རི་ད་ཏྟཱ་ད་ཡོ ས་ངྒ་ཎྷཱ་ཏི.

ཀུ་རུ་ནྡི་ཡཾ ཨཱ་ག་ཏ་ནྟི ས་མྦ་ནྡྷོ.

‘‘ས་ཙྩཾ བྷ་ཎ་ནྟོ་ཏི གཱ་ཐཱ་ཡཱ’’ཏི པ་དཾ ‘‘ས་ཙྩཾ བྷཱ་ས་ཏོ ལ་ཧུ་ཀཱ་པ་ཏྟི ཧོ་ཏཱི’’ཏི ཨེ་ཏྠ ཨི་ཏི་ས་དྡེ་ན ས་མྦ་ནྡྷི་ཏ་བྦཾ. ‘‘ས་ཙྩཾ བྷ་ཎ་ནྟོ’’ཏི གཱ་ཐཱ་ཡ ཨི་ཏི ཨ་ཏྠོ་ཏི ཡོ་ཛ་ནཱ.