ཙོ་ད་ནཱ་ཀ་ཎྜཾ
ཨ་ནུ་ཝི་ཛྫ་ཀ་ཀི་ཙྩ་ཝ་ཎྞ་ནཱ
༣༦༠-༡. ཨི་དཱ་ནི ཨཱ་ར་དྡྷ་ནྟི ས་མྦ་ནྡྷོ. ཨེ་ཀོ བྷི་ཀྑུ ཨེ་ཀེ་ན མཱ་ཏུ་གཱ་མེ་ནཱ་ཏི ཡོ་ཛ་ནཱ. སོཏི པ་སྶ་ནྟོ བྷི་ཀྑུ. ཏནྟི ནི་ཀྑ་མ་ནྟཾ པ་ཝི་ས་ནྟཾ ཝཱ བྷི་ཀྑུཾ. ཨི་ཏ་རོཏི ཙུ་དི་ཏ་ཀོ. ཏ་སྶཱཏི ཙོ་ད་ཀ་སྶ. ན ཨུ་པེ་ཏཱིཏི ན ཨུ་པ་ག་ཙྪ་ཏི. ན པ་ཊི་ཛཱ་ནཱ་ཏཱིཏི ན པ་ཊི་སྶ་ཝཾ ཀ་རོ་ཏི. ཨེ་ཏྠཱཏི མཱ་ཏུ་གཱ་མེ་ན ནི་ཀྑ་མ་ནྟ་པ་ཝི་ས་ནྟ་ཊྛཱ་ནེ. ཡནྟི ཀ་མྨཾ. ཏེ་ནཱཏི ཙོ་ད་ཀེ་ན. ཏ་སྶཱཏི ཙོ་ད་ཀ་སྶ ཝ་ཙ་ནེ་ནཱ་ཏི ས་མྦ་ནྡྷོ. ཨི་ཏ་རོཏི ཙུ་དི་ཏ་ཀོ. ཨ་སུ་དྡྷ་པ་རི་ས་ངྐི་ཏོཏི ཨ་སུ་དྡྷཱ་ཡ ཨ་ཊྛཱ་ནེ ཨུ་པྤ་ནྣཱ་ཡ པ་རི་ས་ངྐཱ་ཡ པ་རི་ས་ངྐི་ཏོ. ཏ་ད་ཏྠཾ ད་སྶེ་ཏི ‘‘ཨ་མཱུ་ལ་ཀ་པ་རི་ས་ངྐི་ཏོ’’ཏི ཨི་མི་ནཱ. ཏ་སྶ པུ་གྒ་ལ་སྶཱཏི ཙུ་དི་ཏ་ཀ་སྶ པ་ཊི་ཉྙཱ་ཡཱ་ཏི ས་མྦ་ནྡྷོ. ས་བྦ་ཏྠཱཏི ས་བྦེ་སུ ཨ་ནུ་ཝི་ཛྫ་ཀ་ཀི་ཙྩེ་སུ.
ཨི་ཏི ཨ་ནུ་ཝི་ཛྫ་ཀ་ཀི་ཙྩ་ཝ་ཎྞ་ནཱ་ཡ ཡོ་ཛ་ནཱ ས་མ་ཏྟཱ.
ཙོ་ད་ཀ་པུ་ཙྪཱ་ཝི་སྶ་ཛྫ་ནཱ
༣༦༢-༣. ས་ཙྩེ ཙ ཨ་ཀུ་པྤེ ཙཱཏི པ་དྷཱ་ནཾ ས་མྦ་ནྡྷ་ཊྛཱ་ནཾ ད་སྶེ་ནྟོ ཨཱ་ཧ ‘‘པ་ཏི་ཊྛཱ་ཏ་བྦ’’ནྟི. ‘‘ཡ’’ནྟི་ཨཱ་དི་ནཱ ས་ཙྩེ པ་ཏི་ཊྛཱ་ཏ་བྦ་བྷཱ་ཝཾ ད་སྶེ་ཏི. ཡནྟི ཀ་མྨཾ. ‘‘ན ཙཱ’’ཏི་ཨཱ་དི་ནཱ ཨ་ཀུ་པྤེ པ་ཏི་ཊྛཱ་ཏ་བྦ་བྷཱ་ཝཾ ད་སྶེ་ཏི. ཨོ་ཏི་ཎྞ་ཉྩཱཏི ཝི་ནི་ཙྪ་ཡཾ ཨོ་ཏི་ཎྞ་ཉྩ. ‘‘ཝ་ཙ་ན’’ནྟི ཨི་མི་ནཱ ཨོ་ཏི་ཎྞཱ་ནོ་ཏི་ཎྞ་ས་རཱུ་པཾ ད་སྶེ་ཏི. ཏ་ཏྲཱཏི པུ་རི་མ་ཝ་ཙ་ནཱ་པེ་ཀྑཾ. ‘‘ཨོ་ཏི་ཎྞཱ་ནོ་ཏི་ཎྞཾ ཛཱ་ནི་ཏ་བྦ’’ནྟི ཝ་ཙ་ནེ་ཏི ཧི ཨ་ཏྠོ. ཙོ་ད་ཀ་སྶ པ་མཱ་ཎནྟི ‘‘དྷ་མྨོ’’ཏི ཝཱ ‘‘ཨ་དྷ་མྨོ’’ཏི ཝཱ ‘‘བཱ་ལོ’’ཏི ཝཱ ‘‘པ་ཎྜི་ཏོ’’ཏི ཝཱ ཙོ་ད་ཀ་སྶ པ་མཱ་ཎཾ. ཙུ་དི་ཏ་ཀ་སྶ པ་མཱ་ཎནྟི དྷ་མྨ་ཙུ་དི་ཏ་ཀོ ནུ ཁོ, ནོ་ཏི ཙུ་དི་ཏ་ཀ་སྶ པ་མཱ་ཎཾ. ཨ་ནུ་ཝི་ཛྫ་ཀ་སྶ པ་མཱ་ཎནྟི ས་ཀྐཱ ནུ ཁོ ཝི་ནི་ཙྪི་ཏུཾ, ནོ་ཏི ཨ་ནུ་ཝི་ཛྫ་ཀ་སྶ པ་མཱ་ཎཾ. ཨ་ནུ་ཝི་ཛྫ་ཀོ ཝ་ཏྟ་བྦོ་ཏི ས་མྦ་ནྡྷོ. ཡེ་ན དྷ་མྨེ་ནཱཏི་ཨཱ་དཱི་སུ དྷ་མྨཱ་དཱི་ནཾ ས་རཱུ་པཾ ད་སྶེ་ནྟོ ཨཱ་ཧ ‘‘དྷ་མྨོ་ཏི བྷཱུ་ཏཾ ཝ་ཏྠཱུ’’ཏི་ཨཱ་དི. ཨེ་ཏེ་ན དྷ་མྨེ་ན ཙ ཨེ་ཏེ་ན ཝི་ན་ཡེ་ན ཙ ཨེ་ཏེ་ན ས་ཏྠུ་སཱ་ས་ནེ་ན ཙཱ་ཏི ཡོ་ཛ་ནཱ. ཏ་སྨཱ ཨ་ནུ་ཝི་ཛྫ་ཀེ་ན ཝཱུ་པ་ས་མེ་ཏ་བྦ་ནྟི ས་མྦ་ནྡྷོ. ཨེ་ཏྠཱཏི ཨ་ནུ་ཝི་ཛྫ་ཀ་སྶ པ་ཊི་པ་ཛྫི་ཏ་བྦ་ཊྛཱ་ནེ.
ཨ་ཝ་ཉྙནྟི ཨ་ཝ་ཛཱ་ན་ནཾ. ཨི་མེཏི ཐེ་རཱ. ‘‘ཁ་ཏ་ཏྟཱ’’ཏི ཨི་མི་ནཱ ཨ་ཏྟ་ནཱ་ཝ ཨ་ཏྟཱ ཁ་ཉྙ་ཏཱི་ཏི ཁ་ཏོཏི ཝ་ཙ་ན་ཏྠཾ ད་སྶེ་ཏི. ཨུ་པ་ཧ་ནི་ཡ་ནྟཱི་ཏི ཨུ་པ་ཧ་ཏཱ་ནི, ཨུ་པ་ཧ་ཏཱ་ནི ཨི་ནྡྲི་ཡཱ་ནི ཨ་ནེ་ནཱ་ཏི ཨུ་པ་ཧ་ཏི་ནྡྲི་ཡོ. ‘‘པ་ཉྙཱ་ཡ ཨ་བྷཱ་ཝ་ཏོ’’ཏི ཨི་མི་ནཱ དུ་མྨེ་དྷོཏི ཨེ་ཏྠ དུ་ས་དྡོ ཨ་བྷཱ་ཝ་ཏྠོ, མེ་དྷཱ་ས་དྡོ པ་ཉྙཱ་པ་རི་ཡཱ་ཡོ་ཏི ད་སྶེ་ཏི. ན་ཏྠི མེ་དྷཱ ཨེ་ཏ་སྶཱ་ཏི དུ་མྨེ་དྷོཏི ནི་བྦ་ཙ་ནཾ ཀཱ་ཏ་བྦཾ. ཁ་ཏོ…པེ… དུ་མྨེ་དྷོ སོ ཨ་ནུ་ཝི་ཛྫ་ཀོ ཨུ་པ་ག་ཙྪ་ཏཱི་ཏི ཡོ་ཛ་ནཱ. ཏ་སྨཱཏི ཡ་སྨཱ ཨུ་པ་ག་ཙྪ་ཏི, ཏ་སྨཱ ཝུ་ཏྟ་ནྟི ས་མྦ་ནྡྷོ. ཏ་སྶཱཏི པཱ་ཋ་སྶ, གཱ་ཐཱ་ཡ ཝཱ. ཝི་ཏྠཱ་རཾ ད་སྶེ་ནྟོ ཨཱ་ཧ ‘‘ཙུ་དི་ཏ་ཀ་ཙོ་ད་ཀེ་སུ ཧཱི’’ཏི་ཨཱ་དི. ཨུ་བྷོ་པེ་ཏེཏི ཨུ་བྷོ་པི ཨེ་ཏེ ཨཱ་མི་ས་པུ་གྒ་ལ་ནི་སྶ་ཡེ. དྷ་མྨོཏི སཱ་ས་ན་དྷ་མྨོ. ཨི་ཏཱིཏི ཨ་ཡ་མ་ཏྠོ.
ཨུ་པ་ཀ་ཎྞ་ཀཾ ཛ་པྤ་ཏཱིཏི ཨེ་ཏྠ ཀ་ཎྞ་སྶ ས་མཱི་པཾ ཨུ་པ་ཀ་ཎྞཾ, ཏ་དེ་ཝ ཨུ་པ་ཀ་ཎྞ་ཀ་ནྟི ད་སྶེ་ནྟོ ཨཱ་ཧ ‘‘ཨེ་ཝཾ ཀ་ཐེ་ཧཱི’’ཏི་ཨཱ་དི. ‘‘ཀ་ཎྞ་མཱུ་ལེ’’ཏི ཨི་མི་ནཱ ཨུ་པ་ཀ་ཎྞ་ཀ་ནྟི ཨེ་ཏྠ ཨུ་པ་ས་དྡ་སྶ ས་མཱི་པ་ཏྠཾ ད་སྶེ་ཏི. མ་ནྟེ་ཏཱིཏི ཀ་ཐེ་ཏི. ཨི་མི་ནཱ ཛ་པྤ་དྷཱ་ཏུ་ཡཱ ཀ་ཐ་ན་ཏྠཾ ད་སྶེ་ཏི. ཛི་མྷཾ པེ་ཀྑ་ཏཱིཏི ཨེ་ཏྠ ཛི་མྷ་ས་དྡོ ཀུ་ཊི་ལ་ཝཱ་ཙ་ཀོ, ཀུ་ཊི་ལཾ ནཱ་མ ཨ་ཏྠ་ཏོ ཨི་དྷ དོ་སོ་ཏི ཨཱ་ཧ ‘‘དོ་ས་མེ་ཝཱ’’ཏི.
ཀ་ཐཱ་ནུ་ས་ནྡྷཱིཏི ཙུ་དི་ཏ་ཀ་ཨ་ནུ་ཝི་ཛྫ་ཀཱ་ནཾ ཀ་ཐཱ་ཡ ཨ་ནུ་ས་ནྡྷི. ཝི་ནི་ཙྪ་ཡཱ་ནུ་ས་ནྡྷཱིཏི ཨ་ནུ་ཝི་ཛྫ་ཀེ་ན ཀ་ཏ་སྶ ཨཱ་པ་ཏྟཱ་ནཱ་པ་ཏྟི་ཝི་ནི་ཙྪ་ཡ་སྶ ཨ་ནུ་ས་ནྡྷི. ས་བྦ་ཏྠཱཏི ཙོ་ད་ནཱ་ཀ་ཎྜེ.
ཨི་ཏི ཙོ་ད་ནཱ་ཀ་ཎྜ་ཝ་ཎྞ་ནཱ་ཡ ཡོ་ཛ་ནཱ ས་མ་ཏྟཱ.