༦. པི་ཎྜ་ཙཱ་རི་ཀ་ཝ་ཏྟ་ཀ་ཐཱ

༣༦༦. པི་ཎྜ་ཙཱ་རི་ཀ་ཝ་ཏྟེ ཨེ་ཝཾ ཝི་ནི་ཙྪ་ཡོ ཝེ་དི་ཏ་བྦོ་ཏི ཡོ་ཛ་ནཱ. ཀ་པྤཱ་སཾ ཝཱ ག་ཧེ་ཏྭཱ་ཏི ས་མྦ་ནྡྷོ. ཡ་ཉྩཱཏི ཡ་ཉྩ ཀི་ཉྩི ཝ་ཏྠུཾ, ག་ཧེ་ཏྭཱ་ཏི ས་མྦ་ནྡྷོ. ཀ་རོ་ནྟཱི ཋི་ཏཱ ཝཱཏི ཀ་རོ་ནྟཱི ཧུ་ཏྭཱ ཋི་ཏཱ ཝཱ. ཏནྟི ཀ་མྨཾ. ན ཙ བྷི་ཀྑཱ་དཱ་ཡི་ཀཱ་ཡཱཏི ཨི་ཏྠི་ལི་ངྒ་ཝ་སེ་ན ཝུ་ཏྟ་ཏྟཱ ཨི་ཏྠི་ཡཱ ཨེ་ཝ མུ་ཁཾ ན ཨུ་ལློ་ཀེ་ཏ་བྦ་ནྟི ཨ་ཏྠཾ པ་ཊི་ཀྑི་པ་ནྟོ ཨཱ་ཧ ‘‘ཨི་ཏྠཱི ཝཱ ཧོ་ཏཱུ’’ཏི་ཨཱ་དི. ‘‘བྷི་ཀྑཱ་དཱ་ན་ས་མ་ཡེ’’ཏི ཨི་མི་ནཱ ཨ་ཉྙ་སྨིཾ ས་མ་ཡེ ཨོ་ལོ་ཀེ་ནྟོ་པི ན་ཏྠི དོ་སོ་ཏི ད་སྶེ་ཏི. ཨེ་ཀ་སྨིཾ ཀཱ་ལེ བྷི་ཀྑཱ་ཡ ད་ད་མཱ་ནཱ་ཡ ས་བྦ་ཀཱ་ལ་མྤི ན ཨོ་ལོ་ཀེ་ཏ་བྦ་ནྟི ཨ་ནི་ཙྪི་ཏ་ཏྠཾ པ་ཊི་ཀྑི་པ་ཏི.