༣. ག་མི་ཀ་ཝ་ཏྟ་ཀ་ཐཱ

༣༦༠. ག་མི་ཀ་ཝ་ཏྟེ ཨེ་ཝཾ ཝི་ནི་ཙྪ་ཡོ ཝེ་དི་ཏ་བྦོ་ཏི ཡོ་ཛ་ནཱ. ཏ་ཏྠཱཏི སེ་ནཱ་ས་ན་ཀྑ་ནྡྷ་ཀེ. ཏཾ ས་བྦཾ པ་ཊི་སཱ་མེ་ཏྭཱ་ཏི ས་མྦ་ནྡྷོ. ཡ་ཏྠ ཡེ་སུ པཱ་སཱ་ཎ་པི་ཊྛི་པཱ་སཱ་ཎ་ཏྠ་མྦྷེ་སུ ཨུ་པ་ཙི་ཀཱ ནཱ་རོ་ཧ་ནྟི, ཏ་སྶཾ པཱ་སཱ་ཎ་པི་ཊྛི་ཡཾ ཝཱ ཏེ་སུ པཱ་སཱ་ཎ་ཏྠ་མྦྷེ་སུ ཝཱ ཡཾ ཀ་ཏ་སེ་ནཱ་ས་ནཾ ཨ་ཏྠི, ཏཾ ཨ་ནཱ་པུ་ཙྪ་ནྟ་སྶཱ་པི ཨ་ནཱ་པ་ཏྟཱི་ཏི ཡོ་ཛ་ནཱ. ཙ་ཏཱུ་སུ པཱ་སཱ་ཎེ་སཱུ་ཏི་ཨཱ་དི ཝུ་ཏྟ་ནྟི ས་མྦ་ནྡྷོ, ཨུ་པ་ཙི་ཀཱ་ནཾ ཨུ་པྤ་ཏྟི་ཊྛཱ་ནེ ཀ་ཏེ་ཏི ས་མྦ་ནྡྷོ. ཨ་ཡནྟི ཨཱ་ནི་སཾ་སོ. ཨོ་ཝ་སྶ་ཀ་གེ་ཧེ པ་ན ཋ་པི་ཏཱ་ནཾ མ་ཉྩ་པཱི་ཋཱ་ན་ནྟི ས་མྦ་ནྡྷོ.