༡༢. ས་ཏྟ་ས་ཏི་ཀ་ཀྑ་ནྡྷ་ཀཾ
ད་ས་ཝ་ཏྠུ་ཀ་ཐཱ
༤༤༧. ས་ཏྟ་ས་ཏི་ཀ་ཀྑ་ནྡྷ་ཀེ ཝ་ཌྜྷེ་ནྟི ཀ་ཊ་སིནྟི ཨེ་ཏྠ ཀ་ཊ་སཱི་ས་དྡོ སུ་སཱ་ན་བྷཱུ་མི་ཝཱ་ཙ་ཀོ་ཏི ད་སྶེ་ནྟོ ཨཱ་ཧ ‘‘པུ་ན་པྤུ་ནཾ ཀ་ལེ༹་ཝ་རཾ ནི་ཀྑི་པ་མཱ་ནཱ བྷཱུ་མིཾ ཝ་ཌྜྷེ་ནྟཱི’’ཏི. ཏ་ཏྠ ཀ་ལེ༹་ཝ་རནྟི དེ་ཧཾ. ཏ་ཉྷི ཀ་ལེ༹ ཨ་ངྒ་པ་ཙྩ་ངྒཱ་ནཾ ཨ་ཝ་ཡ་ཝེ ས་མྤི་ཎྜེ་ཏྭཱ ཝ་རི་ཡ་ཏི ཨི་ཙྪི་ཡ་ཏཱི་ཏི ཀ་ལེ༹་ཝ་རནྟི ཝུ་ཙྩ་ཏི. ཨེ་ཝཾ གྷོ་རཾ ཀ་ཊ་སིཾ ཝ་ཌྜྷེ་ནྟཱ་ཝ པུ་ན་བྦྷ་ཝཾ ཨཱ་དི་ཡ་ནྟཱི་ཏི ཡོ་ཛ་ནཱ.
༤༥༤. པཱ་པ་ཀཾ ནོ ཨཱ་ཝུ་སོ ཀ་ཏནྟི ཨེ་ཏྠ ནོས་དྡོ ཨ་མྷ་ས་དྡ་ཀཱ་རི་ཡོ, ཚ་ཊྛཱི་ཀ་ཏྟཱ ཙ ཧོ་ཏཱི་ཏི ད་སྶེ་ནྟོ ཨཱ་ཧ ‘‘ཨཱ་ཝུ་སོ ཨ་མྷེ་ཧི པཱ་པ་ཀཾ ཀ་ཏ’’ནྟི.
༤༥༥. ‘‘པི་ཡ་ཝ་ཙ་ན’’ནྟི ཨི་མི་ནཱ ཀ་ཏ་མེ་ན ཏྭཾ བྷཱུ་མི-ཝི་ཧཱ་རེ་ནཱཏི ཨེ་ཏྠ བྷཱུ་མིས་དྡོ པི་ཡ་ཝཱ་ཙ་ཀོ རུ་ལ༹ྷཱི་ས་དྡོ་ཏི ད་སྶེ་ཏི. ‘‘ཨཱ་མ་ནྟེ་ཏཱི’’ཏི ཨི་མི་ནཱ ཨཱ་ལ་པ་ན་པ་ད་ནྟི ད་སྶེ་ཏི. ཨཱ་ཝུ་སོ བྷཱུ་མཱི་ཏི ཨ་ཏྠོ. ཀུ་ལླ་ཝི་ཧཱ་རོ ནཱ་མ མེ་ཏྟཱ་ཝི་ཧཱ་རོ, སོ ཙ ཧེ་ཊྛི་མ་ཛྷཱ་ན་ཏྟ་ཡེ ཡུ་ཏྟ་ཏྟཱ ཨུ་ཏྟཱ་ན་ཝི་ཧཱ་རོ་ཏི ཨཱ་ཧ ‘‘ཨུ་ཏྟཱ་ན་ཝི་ཧཱ་རེ་ནཱ’’ཏི.
༤༥༧. སཱ་ཝ་ཏྠི་ཡཱཏི སཱ་ཝ་ཏྠི་ན་ག་རེ. སུ་ཏྟ་ཝི་བྷ་ངྒེཏི པ་ད་བྷཱ་ཛ་ནཱི་ཡེ. པ་ཊི་ཀྑི་ཏྟ་བྷཱ་ཝཾ ཝི་ཏྠཱ་རེ་ནྟོ ཨཱ་ཧ ‘‘ཏ་ཏྲ ཧཱི’’ཏི་ཨཱ་དི. ཏ་ཏྲཱཏི སུ་ཏྟ་ཝི་བྷ་ངྒེ, པ་ཊི་ཀྑི་ཏྟཾ ཧོ་ཏཱི་ཏི ས་མྦ་ནྡྷོ. ཏ་ཏྲཱཏི ‘‘ས་ནྣི་དྷི་ཀཱ་ར་ཀེ ཨ་ས་ནྣི་དྷི་ཀཱ་ར་ཀ་ས་ཉྙཱི’’ཏི་ཨཱ་དི་ཝ་ཙ་ནེ. ཨེ་ཀེ ཨཱ་ཙ་རི་ཡཱ ཨེ་ཝཾ མ་ཉྙ་ནྟཱི་ཏི ཡོ་ཛ་ནཱ. ཀི་ནྟི མ་ཉྙ་ནྟཱི་ཏི ཨཱ་ཧ ‘‘ཡོ པ་ན བྷི་ཀྑཱུ’’ཏི་ཨཱ་དི. ཨ་ལོ་ཎ་ཀཾ ཡ་མྤི ཨཱ་མི་ས་ནྟི ཡོ་ཛ་ནཱ. ཏེ་ནཱཏི པུ་རེ་པ་རི་གྒ་ཧི་ཏ་ལོ་ཎེ་ན. ཏནྟི ཨཱ་མི་སཾ. ཏ་ད་ཧུ་པ་ཊི་གྒ་ཧི་ཏ་མེ་ཝཱཏི ཏ་སྨིཾ ཨ་ཧ་ནི པ་ཊི་གྒ་ཧི་ཏ་མེ་ཝ. ཏ་སྨཱཏི ཡ་སྨཱ ཏ་ད་ཧུ་པ་ཊི་གྒ་ཧི་ཏ་མེ་ཝ, ཏ་སྨཱ. ཝ་ད་ཏོཏི ཝ་ད་ནྟ་སྶ, བྷ་ག་ཝ་ཏོ ཝ་ཙ་ནེ་ནཱ་ཏི ས་མྦ་ནྡྷོ. ཨེ་ཏྠཱཏི ཨ་ལོ་ཎ་ཀཱ་མི་ས་པ་རི་བྷུ་ཉྫ་ནེ, དུ་ཀྐ་ཊེ་ན བྷ་ཝི་ཏ་བྦཾ ཨི་ཏི མ་ཉྙ་ནྟཱི་ཏི ཡོ་ཛ་ནཱ. ཏེཏི ཨེ་ཀེ ཨཱ་ཙ་རི་ཡཱ. དུ་ཀྐ་ཊེ་ན་པཱིཏི པི་ས་དྡེ་ན པ་གེ་ཝ པཱ་ཙི་ཏྟི་ཡེ་ནཱ་ཏི ད་སྶེ་ཏི. ཧཱིཏི ས་ཙྩཾ, ཡ་སྨཱ ཝཱ. ཨེ་ཏྠཱཏི ཡཱ་ཝ་ཛཱི་ཝི་ཀ་ཡཱ་ཝ་ཀཱ་ལི་ཀེ་སུ. ཡཱ་ཝ་ཛཱི་ཝི་ཀཾ ན ཏ་ད་ཧུ་པ་ཊི་གྒ་ཧི་ཏཾ, ཡཱ་ཝ་ཀཱ་ལི་ཀ་མེ་ཝ ཏ་ད་ཧུ་པ་ཊི་གྒ་ཧི་ཏ་ནྟི ཡོ་ཛ་ནཱ. ཏ་ད་ཧུ་པ་ཊི་གྒ་ཧི་ཏ་ཉྩ ཡཱ་ཝ་ཀཱ་ལི་ཀ་ནྟི ས་མྦ་ནྡྷོ. ཏཾ དུ་ཀྐ་ཊཾ ཏུ་མྷེ ཡ་དི མ་ཉྙ་ཐཱ་ཏི ཡོ་ཛ་ནཱ. ཡཱ་ཝ་ཛཱི་ཝི་ཀ་མི་སྶནྟི ལོ་ཎ་ས་ངྑཱ་ཏེ་ན ཡཱ་ཝ་ཛཱི་ཝི་ཀེ་ན སཾ་ས་ཊྛཾ. བྱ་ཉྫ་ན་མ་ཏྟནྟི ཝི་ཀཱ་ལེ ན ཀ་པྤ་ཏཱི་ཏི བྱ་ཉྫ་ན་མ་ཏྟཾ.
ཨེ་ཏྠཱཏི ‘‘ཡཱ་ཝ་ཀཱ་ལི་ཀེ་ན བྷི་ཀྑ་ཝེ’’ཏི་ཨཱ་དི་ཝ་ཙ་ནེ (མ་ཧཱ་ཝ. ༣༠༥) ཏ་ད་ཧུ་པ་ཊི་གྒ་ཧི་ཏཾ ཡཱ་ཝ་ཛཱི་ཝི་ཀ་ནྟི ཡོ་ཛ་ནཱ. ཡཱ་ཝ་ཀཱ་ལི་ཀ་སྶ ག་ཏི ཝི་ཡ ག་ཏི ཨེ་ཏ་སྶཱ་ཏི ཡཱ་ཝ་ཀཱ་ལི་ཀ་ག་ཏི་ཀཾ. ཏ་སྨཱ དུ་ཀྐ་ཊཾ ན ཧོ་ཏཱི་ཏི ས་མྦ་ནྡྷོ. ཨེ་ཏྠཱཏི པུ་རེ་པ་ཊི་གྒ་ཧི་ཏ་ལོ་ཎེ་ན ཨཱ་མི་ས་པ་རི་བྷུ་ཉྫ་ནེ. ཏ་ད་ཧུ་པ་ཊི་གྒ་ཧི་ཏཾ ཡཱ་ཝ་ཀཱ་ལི་ཀེ་ན ས་མྦྷི་ནྣ་ར་སཾ ཡཱ་ཝ་ཛཱི་ཝི་ཀ་ནྟི ཡོ་ཛ་ནཱ. ཏནྟི ཡ་ཐཱ་ཝུ་ཏྟཾ ཡཱ་ཝ་ཛཱི་ཝི་ཀཾ, ཝི་ཀཱ་ལ་བྷོ་ཛ་ན་པཱ་ཙི་ཏྟི་ཡཱ ཨེ་ཝ ཀཱ་ར་ཎཾ ཧོ་ཏཱི་ཏི ཡོ་ཛ་ནཱ. ཨེ་ཝནྟི ཏ་ཐཱ, ཨ་ཛྫ པ་ཊི་གྒ་ཧི་ཏ་མྤི ཡཱ་ཝ་ཛཱི་ཝི་ཀ་ནྟི ས་མྦ་ནྡྷོ. ཨ་པ་ར་ཛྫུ པ་ཊི་གྒ་ཧི་ཏེ་ན ཡཱ་ཝ་ཀཱ་ལི་ཀེ་ནཱ་ཏི ཡོ་ཛ་ནཱ. ཏནྟི ཡཱ་ཝ་ཛཱི་ཝི་ཀེ་ན ས་མྨི་སྶཾ ཡཱ་ཝ་ཀཱ་ལི་ཀཾ, ཨ་ཛཱ་ན་ནྟོ་པཱི་ཏི ས་མྦ་ནྡྷོ. ཨི་དནྟི ཡ་ཐཱ་ཝུ་ཏྟཾ ཡཱ་ཝ་ཀཱ་ལི་ཀཾ. ཏ་ཏོཏི ས་ནྣི་དྷི་བྷོ་ཛ་ན་པཱ་ཙི་ཏྟི་ཡ་ཏོ. ཧཱིཏི ས་ཙྩཾ. ‘‘སཱ་ཝ་ཏྠི་ཡཱ སུ་ཏྟ་ཝི་བྷ་ངྒེ’’ཏི ཨི་དཾ བྱཱ་ཀ་ར་ཎཾ པ་རི་སུ་དྡྷ་ནྟི ཡོ་ཛ་ནཱ.
‘‘རཱ་ཛ་ག་ཧེ ཨུ་པོ་ས་ཐ་སཾ་ཡུ་ཏྟེ’’ཏི ཨི་དཾ ཝ་ཙ་ནཾ ཝུ་ཏྟ་ནྟི ས་མྦ་ནྡྷོ. ཨུ་པོ་ས་ཐ་སཾ་ཡུ་ཏྟེཏི ཨུ་པོ་ས་ཐེ་ན ས་མྦ་ནྡྷེ ཨུ་པོ་ས་ཐ་ཀྑ་ནྡྷ་ཀེ. ཀིཾ ས་ནྡྷཱ་ཡ ཝུ་ཏྟ་ནྟི ཨཱ་ཧ ‘‘ན བྷི་ཀྑ་ཝེ…པེ… དུ་ཀྐ་ཊ་སྶཱ་ཏི (མ་ཧཱ་ཝ. ༡༤༡) ཨེ་ཏཾ ས་ནྡྷཱ་ཡཱ’’ཏི. ཨ་ཏི་སཱ་རེཏི ཨ་ཏི་ཀྐ་མི་ཏྭཱ ས་ར་ཎེ ག་མ་ནེ པ་ཝ་ཏྟ་ནེ་ཏི ཨ་ཏྠོ. ནི་མི་ཏྟ་ཏྠེ ཙེ་ཏཾ བྷུ་མྨཾ. ‘‘ཙ་མྤེ་ཡྻ་ཀེ ཝི་ན་ཡ་ཝ་ཏྠུ་སྨི’’ནྟི ཨི་དཾ ཝུ་ཏྟ་ནྟི ས་མྦ་ནྡྷོ. ‘‘ཙ་མྤེ་ཡྻ་ཀྑ་ནྡྷ་ཀེ ཨཱ་ག་ཏ’’ནྟི ཨི་མི་ནཱ ཙ་མྤེ་ཡྻེ ཨཱ་ག་ཏཾ ཙ་མྤེ་ཡྻ་ཀནྟི ཝ་ཙ་ན་ཏྠཾ ད་སྶེ་ཏི.
དྷ་མྨི་ཀནྟི བྷཱུ་ཏེ་ན པ་ཝ་ཏྟཾ. སུ་ཏྟ་ཝི་བྷ་ངྒེ ཧི ཡ་སྨཱ ཨཱ་ག་ཏ་ནྟི ས་མྦ་ནྡྷོ. ད་སཱ་ཡེ་ཝཱཏི ད་སཱ་ཡ་མེ་ཝ, ཨཱ་དྷཱ་རེ ཙེ་ཏཾ བྷུ་མྨཾ. ཝི་ད་ཏྠི་མ་ཏྟཱཏི ཝི་ད་ཏྠི་པ་མཱ་ཎཱ. ད་སཱ་ཡ ཝི་ནཱཏི ད་སཾ ཝ་ཛྫེ་ཏྭཱ. ཏཾ པ་མཱ་ཎནྟི ཝི་ད་ཏྠི་ཏྟ་ཡ་ས་ངྑཱ་ཏཾ ཏཾ པ་མཱ་ཎཾ ཀ་རོ་ནྟ་སྶ ཝུ་ཏྟ་པཱ་ཙི་ཏྟི་ཡཾ ཨཱ་པ་ཛྫ་ཏཱི་ཏི ས་མྦ་ནྡྷོ. ‘‘ཏཾ ཨ་ཏི་ཀྐཱ་མ་ཡ་ཏོ ཚེ་ད་ན་ཀཾ པཱ་ཙི་ཏྟི་ཡ’’ནྟི (པཱ་ཙི. ༥༣༣) ཨི་དཾ ཝ་ཙ་ནཾ ཨཱ་ག་ཏ་མེ་ཝ ཧོ་ཏཱི་ཏི ཡོ་ཛ་ནཱ. ས་བྦ་ཏྠཱཏི ས་བྦ་སྨིཾ ས་ཏྟ་ས་ཏི་ཀ་ཀྑ་ནྡྷ་ཀེ.
ཨི་ཏི ས་མ་ནྟ་པཱ་སཱ་དི་ཀཱ་ཡ ཝི་ན་ཡ་སཾ་ཝ་ཎྞ་ནཱ་ཡ
ས་ཏྟ་ས་ཏི་ཀ་ཀྑ་ནྡྷ་ཀ་ཝ་ཎྞ་ནཱ་ཡ
ཡོ་ཛ་ནཱ ས་མ་ཏྟཱ.
དྭི་ཝ་གྒ་ས་ངྒ་ཧཱཏི མ་ཧཱ་ཝ་གྒ་ཙཱུ་ལ༹་ཝ་གྒ་ཝ་སེ་ན དྭཱི་ཧི ཝ་གྒེ་ཧི ས་ངྒ་ཧི་ཏཱ. དྭཱ་ཝཱི་ས་ཏི་པ་བྷེ་ད་ནཱཏི མ་ཧཱ་ཝ་གྒེ ད་ས, ཙཱུ་ལ༹་ཝ་གྒེ དྭཱ་ད་སཱ་ཏི ཨེ་ཝཾ དྭཱ་ཝཱི་ས་ཏི་པ་ཀཱ་རཱ. པ་ཉྩ་ཀྑ་ནྡྷ་དུ་ཀྑ་པྤ་ཧཱ་ཡི་ནོཏི པ་ཉྩ་ཀྑ་ནྡྷ་ས་ངྑཱ་ཏཾ དུ་ཀྑཾ པ་ཛ་ཧ་ན་སཱི་ལ་སྶ, བྷ་ག་ཝ་ཏོ་ཏི ས་མྦ་ནྡྷོ. ཨཱ་སཱ་པཱིཏི ཨི་ཙྪཱ་པི. ཨ་ཡཾ པ་ནེ་ཏྠ ཡོ་ཛ་ནཱ-པ་ཉྩ་ཀྑ་ནྡྷ་དུ་ཀྑ་པྤ་ཧཱ་ཡི་ནོ བྷ་ག་ཝ་ཏོ སཱ་ས་ནེ དྭི་ཝ་གྒ་ས་ངྒ་ཧཱ དྭཱ་ཝཱི་ས་ཏི་པ་བྷེ་ད་ནཱ ཡེ ཁ་ནྡྷ་ཀཱ བྷ་ག་ཝ་ཏཱ ཝུ་ཏྟཱ, ཏེ་སཾ ཁ་ནྡྷ་ཀཱ་ནཾ ཨེ་སཱ ཝ་ཎྞ་ནཱ ཨ་ནྟ་རཱ་ཡཾ ཝི་ནཱ ཡ་ཐཱ སི་དྡྷཱ, ཨེ་ཝཾ ཏ་ཐཱ པཱ་ཎཱི་ནཾ ཀ་ལྱཱ་ཎཱ ཨཱ་སཱ་པི སི་ཛ྄ཛྷ་ནྟཱུ་ཏི.
ཨི་ཏི ས་མ་ནྟ་པཱ་སཱ་དི་ཀཱ་ཡ ཝི་ན་ཡ་སཾ་ཝ་ཎྞ་ནཱ་ཡ
ཙཱུ་ལ༹་ཝ་གྒ་སཾ་ཝ་ཎྞ་ནཱ་ཡ
ཡོ་ཛ་ནཱ ས་མ་ཏྟཱ.
ཛཱ་དི་ལ་ཉྪི་ཏ་ནཱ་མེ་ན, ནེ་ཀཱ་ནཾ ཝཱ་ཙི་ཏོ མ་ཡཱ;
ཙཱུ་ལ༹་ཝ་གྒ་ཁ་ནྡྷ་ཀ་སྶ, ས་མ་ཏྟོ ཡོ་ཛ་ནཱ་ན་ཡོ་ཏི.
ན་མོ ཏ་སྶ བྷ་ག་ཝ་ཏོ ཨ་ར་ཧ་ཏོ ས་མྨཱ་ས་མྦུ་དྡྷ་སྶ