༢༠༨. སི་ཝེ་ཡྻ་ཀ་དུ་སྶ་ཡུ་ག་ཀ་ཐཱ

༣༣༥. སི་ཝ་ཐི་ཀནྟི སི་ཝཱ ཛ་མྦུ་ཀཱ ཀུ་ཎ་པ་ཁཱ་ད་ན་ཏྠཱ་ཡ ཨཱ་ག་ནྟྭཱ ཏི་ཊྛ་ནྟི ཨེ་ཏྠཱ་ཏི སི་ཝ་ཊྛཾ, ཏ་དེ་ཝ སི་ཝ་ཐི་ཀཾ, ཨི་མི་ནཱ སི་ཝ་ཐི་ཀཱ་ཡཾ ཨུ་པྤ་ནྣཾ སི་ཝེ་ཡྻ་ཀཾ ཐི་ཀ་ས་དྡ་སྶ ལོ་པཾ ཀ་ཏྭཱ་ཏི ད་སྶེ་ཏི. ཏ་ཏྠཱཏི ཨུ་ཏྟ་ར་ཀུ་རཱུ་སུ. ཏནྟི མ་ཏཾ. ཧ་ཏྠི་སོ་ཎྜ་ཀ་ས་ཀུ་ཎཱཏི ཧ་ཏྠི་ལི་ངྒ་ཝི་ཧ་ངྒ་མཱ. ཏེ ཧི ཧ་ཏྠི་ནོ སོ་ཎྜོ ཝི་ཡ སོ་ཎྜོ ཨེ་ཏེ་སུ ཨ་ཏྠཱི་ཏི ཧ་ཏྠཱི་སོ་ཎྜ་ཀཱ, ཏེ ཙ ཏེ ས་ཀུ་ཎཱ ཙེ་ཏི ཧ་ཏྠི་སོ་ཎྜ་ཀ་ས་ཀུ་ཎཱ་ཏི ཝུ་ཙྩ་ནྟི. ར་ཉྙོ ཨཱ་ཧ་ར་ནྟཱིཏི ར་ཉྙོ ཨ་ཏྠཱ་ཡ, ས་ནྟི་ཀཾ ཝཱ ཨཱ་ཧ་ར་ནྟི. ཨི་དནྟི སི་ཝེ་ཡྻ་ཀཾ དུ་སྶ་ཡུ་གཾ. སི་ཝི་ར་ཊྛེ ཝཱ་ཡི་ཏཾ སི་ཝེ་ཡྻ་ཀནྟི ཙ ད་སྶེ་ནྟོ ཨཱ་ཧ ‘‘ཨ་ཐ་ཝཱ’’ཏི་ཨཱ་དི. ཏེ་ནཱཏི ཀཱ་ར་ཎེ་ན. ‘‘སི་ཝེ་ཡྻ་ཀ་ནྟི…པེ… ཝ་ད་ནྟཱི’’ཏི པོ་རཱ་ཎཱ ཨཱ་ཧཱུ་ཏི ཡོ་ཛ་ནཱ.