༡༦༩. ཧ་ཏྠི་མཾ་སཱ་དི་པ་ཊི་ཀྑེ་པ་ཀ་ཐཱ

༢༨༡. ཨ་ར་ཉྙ་ཀོ་ཀཱ ནཱ་མཱ་ཏི ས་ས་བི་ལཱ༹་ལཱ་ད་ཡོ ས་ཏྟེ ཁཱ་ད་ན་ཏྠཱ་ཡ ཀུ་ཀ་ཏི ཨཱ་ད་དཱ་ཏཱི་ཏི ཀོ་ཀོ ཨ་ར་ཉྙེ ཛཱ་ཏོ ཀོ་ཀོ ཨ་ར་ཉྙ་ཀོ་ཀོ, སུ་ན་ཁ་ས་དི་སཱཏི གཱ་མ་སུ་ན་ཁེ་ན ས་དི་སཱ. ཏེ་སནྟི ཨ་ར་ཉྙ་ཀོ་ཀཱ་ནཾ. ཡོ པ་ནཱཏི སུ་ན་ཁོ པ་ན, ཨུ་པྤ་ནྣོ་ཏི ས་མྦ་ནྡྷོ. གཱ་མ་སུ་ན་ཁི་ཡཱཏི སཱ་མྱ་ཏྠེ སཱ་མི་ཝ་ཙ་ནཾ. ཀོ་ཀེ་ནཱཏི ས་ཧཱ་དི་ཡོ་གེ ཀ་ར་ཎ་ཝ་ཙ་ནཾ. ཏཱ་ནི པ་དཱ་ནི ‘‘སཾ་ཡོ་གེ་ནཱ’’ཏི པ་དེ་ན ཡོ་ཛེ་ཏ་བྦཱ་ནི. ཏ་སྶཱཏི སུ་ན་ཁ་སྶ.

ཨེ་ཏྠཱཏི མ་ནུ་སྶ་མཾ་སཱ་དཱི་སུ. ས་ཛཱ་ཏི་ཀ་ཏཱ་ཡཱཏི ས་མཱ་ན་ཛཱ་ཏི་ཀ་བྷཱ་ཝ་ཏོ. ཨ་ནུ་པ་དྡ་ཝ་ཏྠཱ་ཡཱཏི ཨ་ནུ་པ་དྡ་ཝ་ཏྠཾ, པ་ཊི་ཀྑི་ཏྟཱ་ནཱི་ཏི ས་མྦ་ནྡྷོ. ཨཱ་པ་ཏྟཱིཏི མ་ནུ་སྶ་མཾ་སེ ཐུ་ལླ་ཙྩ་ཡེ་ན, སེ་སེ དུ་ཀྐ་ཊེ་ན ཨཱ་པ་ཏྟི. ཨུ་དྡི་སྶ ཀ་ཏཾ པ་ནཱཏི བྷི་ཀྑུཾ ཨུ་དྡི་སྶ ཀ་ཏ་མཾ་སཾ པ་ན.