༡༥༣. ཡཱ་ནཱ་དི་པ་ཊི་ཀྑེ་པ་ཀ་ཐཱ

༢༥༣. ཨི་ཏྠི་ཡུ་ཏྟེ་ནཱཏི ཨེ་ཏྠ རཱུ་ལཱི༹་ཝ་སེ་ན དྷེ་ནུ་པི ཨི་ཏྠཱི ནཱ་མཱ་ཏི ཨཱ་ཧ ‘‘དྷེ་ནུ་ཡུ་ཏྟེ་ནཱ’’ཏི. པུ་རི་ས་ནྟ་རེ་ནཱཏི ཨེ་ཏྠ པུ་རི་སོ ཨེ་ཝ ཨ་ནྟ་རོ ཨ་ཉྙོ ཨེ་ཏྠཱ་ཏི པུ་རི་ས་ནྟ་རཾ ཡཱ་ནཾ. པུ་རི་ས་ནྟ་རོ ནཱ་མ ཨ་ཏྠ་ཏོ སཱ་ར་ཐཱི་ཏི ཨཱ་ཧ ‘‘པུ་རི་ས་སཱ་ར་ཐི་ནཱ’’ཏི, ཡཱ་ནེ་ནཱ་ཏི ཡོ་ཛ་ནཱ. ག་ངྒཱ་མ་ཧི་ཡཱ་ཡཱཏི ཨེ་ཏྠ ག་ངྒཱ ཙ མ་ཧཱི ཙ ག་ངྒཱ་མ་ཧཱི, ཏ་ཏྠ ཀཱི་ལི༹་ཀཱ ག་ངྒཱ་མ་ཧི་ཡཱ་ཏི ཨ་ཏྠཾ ད་སྶེ་ནྟོ ཨཱ་ཧ ‘‘ག་ངྒཱ་མ་ཧཱི་ཀཱི་ལི༹་ཀཱ་ཡཱ’’ཏི. ཏ་ཏྠ ཧི ཨི་ཏྠི་པུ་རི་སཱ ཡཱ་ནེ་ཧི ཨུ་ད་ཀ་ཀཱི་ལ༹ཾ ཀཱི་ལ༹་ནྟི. པུ་རི་ས་ཡུ་ཏྟཾ ཧ་ཏྠ་ཝ་ཊྚ་ཀནྟི ཨེ་ཏྠ ‘‘ཨ་ནུ་ཛཱ་ནཱ་མི བྷི་ཀྑ་ཝེ པུ་རི་ས་ཡུ་ཏྟ་ཉྩ ཧ་ཏྠ་ཝ་ཊྚ་ཀ་ཉྩཱ’’ཏི ད་སྶེ་ནྟོ ཨཱ་ཧ ‘‘ཨེ་ཏྠཱ’’ཏི་ཨཱ་དི. ཏ་ཏྠ པུ་རི་ས་ཡུ་ཏྟནྟི པུ་རི་སེ་ན ཡུ་ཛྫི་ཏ་བྦ་ནྟི པུ་རི་ས་ཡུ་ཏྟཾ ཡཱ་ནཾ. ཧ་ཏྠ་ཝ་ཊྚ་ཀནྟི ཧ་ཏྠེ་ན ཝ་ཊྚེ་ཏ་བྦ་ནྟི ཧ་ཏྠ་ཝ་ཊྚ་ཀཾ ཡཱ་ནཾ. ཡཱ་ནུ་གྒྷཱ་ཏེ་ནཱཏི ཡཱ་ན་སྶ ཨུ་ལླ་ངྒྷི་ཏྭཱ ག་མ་ནེ་ན. ཧ་ན་དྷཱ་ཏུ ཧི ག་ཏྱ་ཏྠོ. ཏ་མ་ཏྠཾ ད་སྶེ་ནྟོ ཨཱ་ཧ ‘‘ཡཱ་ནཾ ཨ་བྷི་རུ་ཧ་ནྟ་སྶཱ’’ཏི་ཨཱ་དི. ‘‘ཏ་པྤ་ཙྩ་ཡཱ’’ཏི ཨི་མི་ནཱ ཡཱ་ནུ་གྒྷཱ་ཏེ་ནཱ་ཏི ཨེ་ཏྠ ཧེ་ཏྭ་ཏྠེ ཀ་ར་ཎ་ཝ་ཙ་ན་ནྟི ད་སྶེ་ཏི. པཱི་ཋ་ཀ་སི་ཝི་ཀ་ནྟི པཱི་ཋེ་ན ས་ཧ ཀ་ཏཾ སི་ཝི་ཀཾ. པ་ཊ་པོ་ཊ་ལི་ཀནྟི པ་ཊ་མ་ཡཾ པོ་ཊ་ལི་ཀཾ.