༡༤༣. ཝ་ཏྠུ་ཊྛ་པ་ནཱ་དི་ཀ་ཐཱ

༢༣༩. ཙོ་རཱ ཨ་ག་མཾ་སུ ཀི་རཱ་ཏི ས་མྦ་ནྡྷོ. པོ་ཀྑ་ར་ཎི་ཏོ ནཱི་ཧ་རི་ཏྭཱ་ཏི ས་མྦ་ནྡྷོ. སོཏི བྷི་ཀྑུ, ཨེ་ཝ་མཱ་ཧཱ་ཏི ས་མྦ་ནྡྷོ. ཝུ་ཏྠེ་ནཱཏི ཝ་ས་ནྟེ་ན, ཡེ་ན ཀེ་ན་ཙི ཀ་ཏ་ནྟི ས་མྦ་ནྡྷོ. ཏཾ པུ་གྒ་ལནྟི ཝ་ཏྠུ་ཀ་ཏཾ ཏཾ པུ་གྒ་ལཾ. ཨེ་ཏྠཱཏི ‘‘ཝ་ཏྠུཾ ཋ་པེ་ཏྭཱ ས་ངྒྷོ པ་ཝཱ་རེ་ཡྻཱ’’ཏི པཱ་ཋེ. ཨི་མི་ནཱ ཝ་ཏྠུ་ནཱ ཨ་པ་དི་སཱ་ཧཱི་ཏི ས་མྦ་ནྡྷོ. ནནྟི པུ་གྒ་ལཾ. ཨ་ནུ་ཝི་ཛྫི་ཏྭཱཏི ཨ་ནུ་ཡུ་ཉྫི་ཏྭཱ, པུ་ཙྪི་ཏྭཱ་ཏི ཨ་ཏྠོ.

ཨེ་ཀོ བྷི་ཀྑུ པཱུ་ཛེ་སི, པི་ཝཱི་ཏི ས་མྦ་ནྡྷོ. ཏ་སྶཱཏི བྷི་ཀྑུ་སྶ. ཏ་ད་ནུ་རཱུ་པོཏི ཏེ་སཾ པཱུ་ཛ་ན་པི་ཝ་ནཱ་ནཾ ཨ་ནུ་རཱུ་པོ. སོཏི ཙོ་ད་ཀོ བྷི་ཀྑུ. ཏཾ ག་ནྡྷནྟི ཏཾ ས་རཱི་ར་ག་ནྡྷཾ. ཡཾ པུ་གྒ་ལ་ནྟི ཡོ་ཛ་ནཱ. ཋ་པེ་སཱིཏི པ་ཝཱ་ར་ཎཱ་ཡ ཋ་པེ་སི. ཨ་ཡ་མ་སྶཱཏི ཨ་ཡཾ དོ་སོ ཨ་སྶ པུ་གྒ་ལ་སྶ.

ཨི་དཱ་ནེ་ཝ ནནྟི ཨེ་ཏྠ ‘‘ན’’ནྟི པ་དཾ ‘‘པུ་གྒ་ལ’’ནྟི པ་དེ་ན ཡོ་ཛེ་ཏ་བྦཾ. ནཾ པུ་གྒ་ལ་ནྟི ཧི ཨ་ཏྠོ. ཨུ་བྷ་ཡནྟི ཝ་ཏྠུ་ཉྩ པུ་གྒ་ལ་ཉྩཱ་ཏི ཨུ་བྷ་ཡཾ. ཀ་ལླཾ ཝ་ཙ་ནཱ་ཡཱཏི ཡུ་ཏྟཾ ཀ་ཐེ་ཏུཾ. ཀ་སྨཱ ཀ་ལླཾ ཝ་ཙ་ནཱ་ཡཱ་ཏི ཡོ་ཛ་ནཱ. པ་ཝཱ་ར་ཎ་ཏོ པུ་བྦེ, པ་ཙྪཱ ཙཱ་ཏི ས་མྦ་ནྡྷོ. ཨི་ཏི ཏ་སྨཱ ཀ་ལླཾ ཝ་ཙ་ནཱ་ཡཱ་ཏི ཡོ་ཛ་ནཱ. ཨི་ད་ཉྷི ཨུ་བྷ་ཡནྟི ཝ་ཏྠུ་པུ་གྒ་ལ་ས་ངྑཱ་ཏཾ ཨི་ད་མེ་ཝ ཨུ་བྷ་ཡཾ. པ་ཝཱ་ར་ཎཱ་ཡ པུ་བྦེ་ཏི ཡོ་ཛ་ནཱ. ཨུ་ཀྐོ་ཊེ་ནྟ་སྶཱཏི ཙཱ་ལེ་ནྟ་སྶ.