༡༡༤. ས་ངྒྷ་བྷེ་དེ ཨ་ནཱ་པ་ཏྟི་ཝ་སྶ་ཙྪེ་ད་ཀ་ཐཱ

༢༠༢. བྷི་ནྣོཏི ཨེ་ཏྠ ཏ་པ་ཙྩ་ཡ་སྶ ཨ་ཏཱི་ཏ་ཏྠེ ཨ་ཡུ་ཏྟ་བྷཱ་ཝཾ ད་སྶེ་ནྟོ ཨཱ་ཧ ‘‘བྷི་ནྣེ ས་ངྒྷེ ཀ་ར་ཎཱི་ཡཾ ན་ཏྠཱི’’ཏི. ཡོ པ་ནཱཏི ས་ངྒྷོ པ་ན. ཨི་དཾ ‘‘བྷི་ཛྫི་སྶ་ཏཱི’’ཏི་པ་དེ ཀ་ཏྟཱ, ‘‘ཨཱ་ས་ངྐི་ཏོ’’ཏི་པ་དེ ཀ་མྨཾ. ‘‘བྷི་ཛྫི་སྶ་ཏཱི’’ཏི ཨི་མི་ནཱ བྷི་ནྣོཏི ཨེ་ཏྠ ཏ་པ་ཙྩ་ཡ་སྶ ཨ་ནཱ་ག་ཏ་ཏྠེ པ་ཝ་ཏྟ་བྷཱ་ཝཾ ད་སྶེ་ཏི. བྷི་ཀྑུ་ནཱི་ཧི ས་ངྒྷོ བྷི་ནྣོཏི ཨེ་ཏྠ ཀིཾ བྷི་ཀྑུ་ནཱི་ཧི ས་ངྒྷོ བྷི་ནྣོ་ཏི ད་ཊྛ་བྦོ་ཏི ཨཱ་ཧ ‘‘ན བྷི་ཀྑུ་ནཱི་ཧི ས་ངྒྷོ བྷི་ནྣོ་ཏི ད་ཊྛ་བྦོ’’ཏི. ཨེ་ཏནྟི བྷི་ཀྑུ་ནཱི་ཧི ཨ་བྷི་ནྣ་བྷཱ་ཝཾ. ཨེ་ཏཱ པ་ནཱཏི བྷི་ཀྑུ་ནི་ཡོ པ་ན. ཏ་ནྟི ས་ངྒྷཾ. ཨེ་ཏནྟི ‘‘ས་མྦ་ཧུ་ལཱ་ཧི བྷི་ཀྑུ་ནཱི་ཧི ས་ངྒྷོ བྷི་ནྣོ’’ཏི ཝ་ཙ་ནཾ.