༩༢. ཨཱ་པ་ཏྟི་པ་ཊི་ཀ་མྨ་ཝི་དྷི་ཀ་ཐཱ

༡༦༩. བྷ་ག་ཝ་ཏཱ…པེ… ཀཱ་ཏ་བྦོ་ཏི ཨི་དཾ ཝེ་དི་ཏ་བྦ་ནྟི ས་མྦ་ནྡྷོ. ‘‘ཡ་སྶ སི་ཡཱ ཨཱ་པ་ཏྟཱི་ཏི་ཨཱ་དི་ཝ་ཙ་ནེ་ནེ་ཝ ཙཱ’’ཏི་ཨཱ་དི་ཧེ་ཏུ་ཏྟ་ཡེ་ན ‘‘ན སཱ་པ་ཏྟི་ཀེ་ན ཨུ་པོ་ས་ཐོ ཀཱ་ཏ་བྦོ’’ཏི ཡ་ཐཱ་རུ་ཏཾ ཨ་པ་ཉྙ་ཏྟ་མྤི ཨ་ཏྠ་ཏོ སི་དྡྷ་མེ་ཝཱ་ཏི ད་སྶེ་ཏི. ཧེ་ཏུ་ཏྟ་ཡཾ ‘‘ཝེ་དི་ཏ་བྦ’’ནྟི པ་དེ་ན ཡོ་ཛེ་ཏ་བྦཾ. ཐུ་ལླ་ཙྩ་ཡཱ་དཱི་སཱུཏི ཨཱ་དི་ས་དྡེ་ན པཱ་ཙི་ཏྟི་ཡ་པཱ་ཊི་དེ་ས་ནཱི་ཡ་དུ་ཀྐ་ཊ་དུ་བྦྷཱ་སི་ཏཱ་པ་ཏྟི་ཡོ ས་ངྒ་ཎྷཱ་ཏི. ‘‘ཏཾ པ་ཊི་དེ་སེ་མཱི’’ཏི ཨི་དཾ སུ་ཝུ་ཏྟ་མེ་ཝ ཧོ་ཏཱི་ཏི ས་མྦ་ནྡྷོ. ཏནྟི ཨཱ་པ་ཏྟིཾ. ཏུ་མྷ་མཱུ་ལེཏི ཏུ་མྷཾ ས་ནྟི་ཀེ. ནི་གྒ་ཧི་ཏ་ལོ་པ་ཉྷི ཝཱ་ཀྱ་མེ་ཝ, ན ས་མཱ་སོ. ‘‘ཏུ་མྷ’’ ཨི་ཏི ཙ ‘‘ཏུ་ཡ྄ཧ’’ ཨི་ཏི ཙ ན་ཝ་ཀ་ཏྠེ་རཱ་ནཾ ཝ་ཏྟ་བྦཱ་ཀཱ་ར་ད་སྶ་ན་མ་ཏྟ་མེ་ཝ, ན ཨི་ཙྪི་ཏ་ཏྠ་ཝི་པ་ཏྟི་ད་སྶ་ནཾ. ཝུ་ཏྟ་མྤཱིཏི པི་ས་དྡེ་ན ན ཀེ་ཝ་ལཾ པཱ་ལི༹་ན་ཡེ་ནེ་ཝ སུ་ཝུ་ཏྟཾ, ཨི་མི་ནཱ ན་ཡེ་ན་པི སུ་ཝུ་ཏྟ་ནྟི ད་སྶེ་ཏི. ‘‘པ་སྶ་སཱི’’ཏི ཨི་ད་ཉྩ ཝ་ཏྟ་བྦ་ནྟི ས་མྦ་ནྡྷོ. ཝ་ཏྟ་བྦཱ་ཀཱ་རཾ པ་ན སུ་ཝི་ཉྙེ་ཡྻཾ. ‘‘ཨཱ་མ པ་སྶཱ་མཱི’’ཏི ཨི་དཾ པ་ན སུ་ཝུ་ཏྟ་མེ་ཝ ཧོ་ཏཱི་ཏི ས་མྦ་ནྡྷོ. ཝུ་ཏྟ་མྤཱིཏི པི་ས་དྡོ པཱ་ལི༹་ན་ཡཾ ས་མྤི་ཎྜེ་ཏི. ཨཱ་ཡ་ཏིཾ སཾ་ཝ་རེ་ཡྻཱ་སཱིཏི ཨེ་ཏྠ པ་ན ཝ་ཏྟ་བྦོ་ཏི ས་མྦ་ནྡྷོ. ག་རཱུ་སུ བ་ཧུ་ཝ་ཙ་ན་སྶ ཀ་ཏྟ་བྦ་ཏྟཱ ཝུ་ཏྟཾ ‘‘སཾ་ཝ་རེ་ཡྻཱ་ཐཱ’’ཏི. ཨེ་ཝཾ ཝུ་ཏྟེ་ན ཨཱ་པ་ཏྟི་དེ་ས་ཀེ་ནཱ་ཏི ས་མྦ་ནྡྷོ.

ཏ་ཏྲཱཏི ‘‘ཡ་དཱ ནི་བྦེ་མ་ཏི་ཀོ’’ཏི པཱ་ཋེ. སཱུ་རི་ཡེ མེ་གྷ་ཙྪ་ནྣེ ས་ཏཱི་ཏི ཡོ་ཛ་ནཱ. ཏེ་ན བྷི་ཀྑུ་ནཱ ཝ་ཏྟ་བྦ་ནྟི ས་མྦ་ནྡྷོ, ཝ་ཏྠུཾ ཀི་ཏྟེ་ཏྭཱཏི བྷོ་ཛ་ན་ས་ངྑཱ་ཏཾ ཝ་ཏྠུཾ ཀི་ཏྟེ་ཏྭཱ. ཏཱཏི ཨཱ་པ་ཏྟི་ཡོ.

ས་བྷཱ་གཱ ཨཱ་པ་ཏྟཱིཏི ཨེ་ཏྠ དྭཱི་སུ ཝ་ཏྠུ་ས་བྷཱ་ག་ཨཱ་པ་ཏྟི་ས་བྷཱ་གཱ་སུ ཝ་ཏྠུ་ས་བྷཱ་གཱ་ཝ ཨ་དྷི་པྤེ་ཏཱ་ཏི ད་སྶེ་ནྟོ ཨཱ་ཧ ‘‘ཡཾ དྭེ་པི ཛ་ནཱ’’ཏི་ཨཱ་དི. ཡཾ ཨཱ་པ་ཏྟི་ནྟི ས་མྦ་ནྡྷོ. ས་མཱ་ནོ བྷཱ་གོ ཨེ་ཏཱ་ས་ནྟི ས་བྷཱ་གཱ. དེ་སེ་ཏུཾ ཝ་ཊྚ་ཏཱིཏི ཨཱ་པ་ཏྟི་ས་བྷཱ་གཱ་པི ཝ་ཏྠུ་ཝི་ས་བྷཱ་ག་ཏྟཱ དེ་སེ་ཏུཾ ཝ་ཊྚ་ཏི. སུ་དེ་སི་ཏཱ་ཝཱཏི ཨཱ་པ་ཏྟི་ཏོ བྷི་ཀྑུ ཝུ་ཊྛཱ་ཏི་ཡེ་ཝཱ་ཏི ཨ་དྷི་པྤཱ་ཡོ. ཨ་ཉྙཾ དུ་ཀྐ་ཊ་ནྟི ས་མྦ་ནྡྷོ. པ་ནས་དྡོ ག་ར་ཧ་ཏྠ་ཛོ་ཏ་ཀོ སུ་དེ་སི་ཏཱ་ཡ ག་ར་ཧཱ་ཀཱ་རེ་ན པ་ཝ་ཏྟ་ཏྟཱ. ཀི་ཉྩཱ་པི སུ་དེ་སི་ཏཱ་ཝ, པ་ན ཏ་ཐཱ་པཱི་ཏི ཡོ་ཛ་ནཱ. ཏནྟི དུ་ཀྐ་ཊཾ. ནཱ་ནཱ་ཝ་ཏྠུ་ཀནྟི དེ་ས་ནཱ་པ་ཊི་གྒ་ཧ་ཎ་ཝ་སེ་ན ནཱ་ནཱ་ཝ་ཏྠུ་ཀཾ.

༡༧༠. ས་བྷཱ་གོ་ཡེ་ཝ ཝ་ཏྟ་བྦོ, ན ཝི་ས་བྷཱ་གོ. ཧཱིཏི ས་ཙྩཾ, ཡ་སྨཱ ཝཱ. ཏ་སྶཱཏི ཝི་ས་བྷཱ་ག་སྶ. ཨི་ཏོཏི ས་ངྒྷ་ས་ནྣི་པཱ་ཏ་ཏོ.