༡༠༣. ན་ག་ནྟ་བྦ་ག་ནྟ་བྦ་ཝཱ་ར་ཀ་ཐཱ

༡༨༡. ས་བྷི་ཀྑུ་ཀཱཏི པ་ད་སྶ སཾ་ཝི་ཛྫ་ནྟི བྷི་ཀྑཱུ ཨེ་ཏ་སྨི་མཱ་ཝཱ་སེ་ཏི ས་བྷི་ཀྑུ་ཀོ་ཏི ཝ་ཙ་ན་ཏྠཾ ད་སྶེ་ནྟོ ཨཱ་ཧ ‘‘ཡ་སྨིཾ ཨཱ་ཝཱ་སེ’’ཏི་ཨཱ་དི. ཡནྟི ཨཱ་ཝཱ་སཾ. ཏ་ད་ཧེ་ཝཱཏི ཏ་ད་ཧུ་པོ་ས་ཐེ ཨེ་ཝ. ཨི་མི་ནཱ ས་ཙེ ས་ཀྐོ་ཏི, ཏ་ད་ཧེ་ཝ ག་ནྟུཾ, སོ ག་ནྟ་བྦོ་ཏི ད་སྶེ་ཏི. ‘‘ཨ་ཀ་ཏྭཱ’’ཏི ཨི་མི་ནཱ ཀ་ཏྭཱ པ་ན ག་ནྟ་བྦོ་ཏི ད་སྶེ་ཏི. ‘‘ཨ་ཉྙ་ཏྲཱ’’ཏི ནི་པཱ་ཏོ ‘‘ཝི་ནཱ’’ཏི ནི་པཱ་ཏ་སྶ པ་རི་ཡཱ་ཡོ་ཏི ཨཱ་ཧ ‘‘ཝི་ནཱ’’ཏི. ཨ་ཏྟ་ཙ་ཏུ་ཏྠེ་ན ཝཱ ཨ་ཏྟ་པ་ཉྩ་མེ་ན ཝཱ ས་ངྒྷེ་ན ག་ནྟུཾ ཝ་ཊྚ་ཏཱི་ཏི ཡོ་ཛ་ནཱ. ཨེ་ཏྠ ཙ ‘‘ཨ་ཏྟ་ཙ་ཏུ་ཏྠེ་ན ཝཱ’’ཏི ཨི་དཾ ཨུ་པོ་ས་ཐ་ཀ་མྨཾ ས་ནྡྷཱ་ཡ ཝུ་ཏྟཾ. ‘‘ཨ་ཏྟ་པ་ཉྩ་མེ་ན ཝཱ’’ཏི ཨི་དཾ པ་ཝཱ་ར་ཎཱ་ཀ་མྨཾ ས་ནྡྷཱ་ཡ ཝུ་ཏྟ་ནྟི ད་ཊྛ་བྦཾ. ཝི་ཧཱ་རེཏི ཝི་ཧཱ་ར་སཱི་མཱ་ཡ མ་ཧཱ་སཱི་མཱ་ཡ་ནྟི ཨ་ཏྠོ. ཨི་ད་ཉྷི ཝི་ཧཱ་ར་སཱི་མཱ་ནཾ ཨ་བྷེ་དེ་ན ཝུ་ཏྟཾ. སཱི་མཱ་པཱིཏི ཁ་ཎྜ་སཱི་མཱ་པི. ན ག་ནྟ་བྦཱཏི ས་ངྒྷ་སྶ ག་རུ་ཀ་ཏྟཱ ན ག་ནྟ་བྦཱ. ཨེ་ཏྠཱཏི ཁ་ཎྜ་སཱི་མཱ་དཱི་སུ. ཏ་སྶཱཏི བྷི་ཀྑུ་སྶ. ག་ནྟུཾ ཝ་ཊྚ་ཏཱིཏི ག་ཎུ་པོ་ས་ཐ་ཊྛཱ་ན་ཏོ ག་ནྟུཾ ཝ་ཊྚ་ཏི, ས་ངྒྷུ་པོ་ས་ཐ་ཊྛཱ་ན་ཏོ པ་ན ན ཝ་ཊྚ་ཏི་ཡེ་ཝཱ་ཏི ད་ཊྛ་བྦཾ. ཝི་སྶ་ཊྛ་ཨུ་པོ་ས་ཐཱ ཨཱ་ཝཱ་སཱ་པི ཨ་ཉྙཾ ག་ནྟུཾ ཝ་ཊྚ་ཏཱི་ཏི ཡོ་ཛ་ནཱ. ཨཱ་ར་ཉྙ་ཀེ་ནཱ་པཱིཏི ཨ་ར་ཉྙེ ཨེ་ཀ་ཀེ་ན ནི་ཝཱ་སེ་ན་པི. ཏ་ཏྠཱཏི ཨ་ཉྙ་ཝི་ཧཱ་རེ. ཨུ་པོ་ས་ཐནྟི ས་ངྒྷུ་པོ་ས་ཐ་ཉྩ ག་ཎུ་པོ་ས་ཐ་ཉྩ.

༡༨༢. ཡནྟི ཨཱ་ཝཱ་སཾ. ཏ་ཏྠཱཏི ཏཾ ཨཱ་ཝཱ་སཾ. ག་ནྟུཾ ས་ཀྐོ་མི ཨི་ཏི ཛཱ་ནེ་ཡྻཱ་ཏི ཡོ་ཛ་ནཱ. ཏ་ཏྠཱཏི ཏ་སྨིཾ ཨཱ་ཝཱ་སེ. ཨི་མི་ནཱ ནེ་ཝ ཀ་ཏོ་ཏི ས་མྦ་ནྡྷོ. ནེ་ཝ ཀ་ཏོ བྷ་ཝི་སྶ་ཏི ཨི་ཏི ཛཱ་ནེ་ཡྻཱ་ཏི ཡོ་ཛ་ནཱ.