༦༣. ཨུ་པ་ས་མྤ་དཱ་ཝི་དྷི་ཀ་ཐཱ

༡༢༦. ཏཾ ཨུ་པ་ཛ྄ཛྷནྟི ཏཾ ཨུ་པ་ཛ྄ཛྷཱ་ཡཾ. ‘‘ཨུ་པ་ཛ྄ཛྷཱ’’ཏི ཙ ‘‘ཨུ་པ་ཛ྄ཛྷཱ་ཡོ’’ཏི ཙ ཧི ཨ་ཏྠ་ཏོ ཨེ་ཀཾ, བྱ་ཉྫ་ན་མེ་ཝ ནཱ་ནཾ ཡ་ཐཱ ‘‘ས་བྷཱ ས་བྷཱ་ཡ’’ནྟི. ཨེ་ཏྠ ཨུ་པ་ཛ྄ཛྷཱ་ས་དྡོ རཱ་ཛཱ་དི་ག་ཎོ (རུ་པ་སི་དྡྷི ༥༩༩ སུ་ཏྟེ; ས་དྡ་ནཱི་ཏི ༡༡༤༠ སུ་ཏྟེ), ཨུ་པ་ཛ྄ཛྷཱ་ཡ་ས་དྡོ པུ་རི་སཱ་དི་ག་ཎོ. ས་བྷཱ་ས་དྡོ ཨི་ཏྠི་ལི་ངྒོ, ས་བྷཱ་ཡ་ས་དྡོ པུ་ལླི་ངྒོ ཝཱ ན་པུཾ་ས་ཀ་ལི་ངྒོ ཝཱ. ‘‘ཝི་ཏྠཱ་ཡ་ནྟཱི’’ཏི ས་དྡོ ནཱ་མ་དྷཱ་ཏཱུ་ཏི ཨཱ་ཧ ‘‘ཝི་ཏྠ་དྡྷ་ག་ཏྟཱ ཧོ་ནྟཱི’’ཏི. ཝི་ཏྠ་ས་དྡོ ཧི ད་བྦ་ཝཱ་ཙ་ཀ་ཏྟཱ ནཱ་མ་ས་དྡོ, ཝི་ཀཱ་རེ་ན ཐ་དྡྷོ ག་ཏྟོ ཨེ་ཏེ་ས་ནྟི ཝི་ཏྠཱ, དྡྷ་ཀཱ་ར་སྶ ལོ་པཾ ཀ་ཏྭཱ, ཏ་ཏོ ཨཱ་ཡ་པ་ཙྩ་ཡོ ཧོ་ཏི. ཡནྟི ཡཾ ཨ་ནྟ་རཱ་ཡ་ཛཱ་ཏཾ. ཏ་ཝ ས་རཱི་རེཏི ཏུ་ཡ྄ཧཾ ཀཱ་ཡེ. ‘‘ནི་བྦ་ཏྟ’’ནྟི ཨི་མི་ནཱ ‘‘ཛཱ་ཏ’’ནྟི ཨེ་ཏྠ ཛ་ན་དྷཱ་ཏུ་ཡཱ ཛ་ན་ན་ཏྠཾ ད་སྶེ་ཏི, ‘‘ཝི་ཛྫ་མཱ་ན’’ནྟི ཨི་མི་ནཱ ཛ་ནཱི་དྷཱ་ཏུ་ཡཱ པཱ་ཏུ་བྷཱ་ཝ་ཏྠཾ ད་སྶེ་ཏི. ས་ནྟནྟི སཾ་ཝི་ཛྫ་མཱ་ནཾ. ཨི་ཏི་ཨཱ་དི ཀ་ཐེ་ཏ་བྦ་ནྟི ཡོ་ཛ་ནཱ.