༥༨. ཨ་ལ་ཛྫཱི་ནི་སྶ་ཡ་ཝ་ཏྠུ་ཀ་ཐཱ

༡༢༠. ‘‘ཨ་ལ་ཛྫཱི་ནཾ ཨོ་ཝཱ་ད’’ནྟི པཱ་ཋ་སེ་སེ་ན ཡོ་ཛི་ཏེ སཱ་མྱ་ཏྠེ སཱ་མི་ཝ་ཙ་ན་མྤི ཡུ་ཛྫ་ཏེ་ཝ. ཏཾ ན་ཡཾ ཨ་ད་སྶེ་ཏྭཱ ‘‘ཨུ་པ་ཡོ་ག་ཏྠེ སཱ་མི་ཝ་ཙ་ན’’ནྟི ཝུ་ཏྟཾ. ‘‘བྷི་ཀྑཱུ་ཧི ས་བྷཱ་ག་ཏ’’ནྟི ཨི་མི་ནཱ བྷི་ཀྑཱུ་ཧི ས་མཱ་ནོ སཱི་ལཱ་དི་གུ་ཎ་ས་ངྑཱ་ཏོ བྷཱ་གོ ཨི་མ་སྶཱ་ཏི བྷི་ཀྑུ་ས་བྷཱ་གོ, ཏ་སྶ བྷཱ་ཝོ བྷི་ཀྑུ་ས་བྷཱ་ག་ཏནྟི ཝ་ཙ་ན་ཏྠཾ ད་སྶེ་ཏི. ‘‘ལ་ཛྫི་བྷཱ་ཝ’’ནྟི ཨི་མི་ནཱ བྷཱ་ཝ་པ་ཙྩ་ཡ་སྶ ས་རཱུ་པཾ ད་སྶེ་ཏི. ན་ཝ་ཊྛཱ་ནནྟི ཨ་བྷི་ན་ཝ་ཊྛཱ་ནཾ. ག་ཏེ་ན བྷི་ཀྑུ་ནཱ་ཏི ས་མྦ་ནྡྷོ.

ཐེ་རོཏི ནི་སྶ་ཡ་དཱ་ཡ་ཀོ ཐེ་རོ. ག་ཧེ་ཏུ་ཀཱ་མོཏི ནི་སྶ་ཡཾ ག་ཧེ་ཏུ་ཀཱ་མོ. ཨཱ་ཙཱ་རནྟི ནི་སྶ་ཡ་པ་ཊི་པ་ནྣ་སྶ ཨཱ་ཙཱ་རཾ. ཏ་ད་ཧེ་ཝཱཏི ཏ་སྨིཾ ག་ཏ་ཨ་ཧ་ནི ཨེ་ཝ. ཨཱ་བྷོ་ག་སྶ ཀ་ཏ་ཏྟཱ, ཨ་རུ་ཎུ་གྒ་མ་ན་སྶ ཙ ཨ་ཛཱ་ན་ན་ཏྟཱ ཝུ་ཏྟཾ ‘‘ཨ་ནཱ་པ་ཏྟཱི’’ཏི. ཨ་རུ་ཎུ་གྒ་མ་ནཾ ཨ་ཛཱ་ན་ནྟོ་པི ཨཱ་བྷོ་ག་སྶ ཨ་ཀ་ཏ་ཏྟཱ ཝུ་ཏྟཾ ‘‘ཨ་རུ་ཎུ་གྒ་མ་ནེ དུ་ཀྐ་ཊ’’ནྟི. ‘‘དྭེ ཏཱི་ཎི དི་ཝ་སཱ་ནཱི’’ཏི པ་དེ་ན ཙ་ཏུ པ་ཉྩ ཚ དི་ཝ་སཱ་ནི་པི ག་ཧེ་ཏ་བྦཱ་ནི ལ་ཀྑ་ཎ་ཧཱ་ར་ན་ཡེ་ན ཨ་ནི་སྶི་ཏེ་ན ཝ་སི་ཏ་བྦ་བྷཱ་ཝེ་ན ས་མཱ་ན་ཕ་ལ་ཏྟཱ. ཏེ་ནཱ་ཧ ‘‘ས་ཏྟཱ་ཧཾ ཝ་སི་སྶཱ་མཱི’’ཏི. ལ་དྡྷ་པ་རི་ཧཱ་རོཏི ལ་དྡྷོ པ་རི་ཧཱ་རོ ཨཱ་པ་ཏྟི་ཨ་པ་ན་ཡ་ནཾ ཡེ་ནཱ་ཏི ལ་དྡྷ་པ་རི་ཧཱ་རོ.