༥༦. ཨ་པ་ཏྟ་ཀཱ་དི་ཝ་ཏྠུ་ཀ་ཐཱ

༡༡༨. ཡོ པི་ཎྜོ ཧ་ཏྠེ་སུ ལ་བྦྷ་ཏཱི་ཏི ཡོ་ཛ་ནཱ. ཏ་ད་ཏྠཱ་ཡཱཏི ཏ་སྶ པི་ཎྜ་སྶ ཨ་ཏྠཱ་ཡ. སེ་ཡྻ་ཐཱ་པི ཏི་ཏྠི་ཡཱཏི ཨེ་ཏྠ སེ་ཡྻ་ཐཱ་པི་ས་དྡོ ཨུ་པ་མ་ཏྠོ, ཏི་ཏྠི་ཡ་ས་དྡོ ཨཱ་ཛཱི་ཝ་ཀ་ནཱ་མ་ཀེ ཏི་ཏྠི་ཡེ ཧོ་ཏཱི་ཏི ད་སྶེ་ནྟོ ཨཱ་ཧ ‘‘ཡ་ཐཱ་པི ཨཱ་ཛཱི་ཝ་ཀ་ནཱ་མ་ཀཱ ཏི་ཏྠི་ཡཱ’’ཏི. ཏ་སྨཱ ཨཱ་ཛཱི་ཝ་ཀ་ས་ངྑཱ་ཏེ ཏི་ཏྠི་ཡེ ཨུ་པ་མཾ ཀ་ཏྭཱ ཨུ་ཛ྄ཛྷཱ་ཡ་ནྟཱི་ཏི ཨཱ་ཧ ‘‘སཱུ་པ་བྱ་ཉྫ་ནེ་ཧཱི’’ཏི་ཨཱ་དི. ཧཱིཏི ས་ཙྩཾ, ཡ་སྨཱ ཝཱ. ཏེཏི ཨཱ་ཛཱི་ཝ་ཀཱ. ཀ་མྨཾ པ་ན ན ཀུ་པྤ་ཏཱིཏི པ་ཏྟ་ཙཱི་ཝ་རེ་སུ ཨ་ས་ནྟེ་སུ་པི ཀ་མྨ་ཝཱ་ཙཱ་ཡ ‘‘པ་རི་པུ་ཎྞ་སྶ པ་ཏྟ་ཙཱི་ཝ་ར’’ནྟི པ་རི་ཀི་ཏྟི་ཏ་ཏྟཱ ཀ་མྨཾ ན ཀུ་པྤ་ཏཱི་ཏི ཨ་དྷི་པྤཱ་ཡོ.

ཡཱ་ཙི་ཏ་ཀེ་ནཱཏི ཨེ་ཏྠ ཡཱ་ཙི་ཏོ ཧུ་ཏྭཱ ག་ཧི་ཏོ ཡཱ་ཙི་ཏ་ཀོཏི ད་སྶེ་ནྟོ ཨཱ་ཧ ‘‘ཡཱ་ཙི་ཏྭཱ ག་ཧི་ཏེ་ནཱ’’ཏི. ‘‘ཨཱི་དི་སེ་ན ཧཱི’’ཏི་ཨཱ་དི་ནཱ དོ་སཾ ད་སྶེ་ཏི. ཏ་སྨཱཏི ཡ་སྨཱ ཨཱ་པ་ཏྟི ཧོ་ཏི, ཏ་སྨཱ. ཏ་སྶཱཏི ཨུ་པ་ས་མྤ་དཱ་པེ་ཀྑ་སྶ. ནི་ར་པེ་ཀྑེ་ཧི ཨཱ་ཙ་རི་ཡུ་པ་ཛ྄ཛྷཱ་ཡཱ་དཱི་ཧཱི་ཏི ཡོ་ཛ་ནཱ. ནི་སྶ་ཛྫི་ཏྭཱཏི བྲ་ཧྨ་དེ་ཡྻེ་ན ནི་སྶ་ཛྫི་ཏྭཱ. ཨ་ན་དྷི་ཊྛཱ་ནུ་པ་གཱ་ནཾ པ་ཏྟ་ཙཱི་ཝ་རཱ་ནཾ ཨ་པ་ཏྟ་ཙཱི་ཝ་ར་ཏྟཱ ཝུ་ཏྟཾ ‘‘ཨ་དྷི་ཊྛཱ་ནུ་པ་གཾ པ་ཏྟ་ཙཱི་ཝ་ར’’ནྟི. པ་ཎྜུ་པ་ལཱ་སནྟི ས་མ་ཎུ་དྡེ་ས་བྷཱ་ཝཱ་པེ་ཀྑཾ. སོ ཧི རཱུ་ལ༹ྷི་ཝ་སེ་ན པ་ཎྜུ་པ་ལཱ་སོ་ཏི ཝུ་ཙྩ་ཏི. ཨ་ཐ ཝཱ ཡ་ཐཱ པ་ཎྜུ་པ་ལཱ་སོ ན ཧ་རི་ཏོ, ནཱ་པི སུ་ཀྑོ ཧོ་ཏི, ཨེ་ཝཾ སོ་པི པ་བྦ་ཛཱ་པེ་ཀྑོ ན གི་ཧཱི ཧོ་ཏི, ནཱ་པི སཱ་མ་ཎེ་རོ, ཏ་སྨཱ ས་མ་ཎུ་དྡེ་ས་བྷཱ་ཝཱ་པེ་ཀྑོ ‘‘པ་ཎྜུ་པ་ལཱ་སོ’’ཏི ཝུ་ཙྩ་ཏི.

ཝ་ས་ནྟ་སྶ པ་ཎྜུ་པ་ལཱ་ས་སྶཱ་ཏི ས་མྦ་ནྡྷོ. ཨ་ནཱ་མ་ཊྛ་པི་ཎྜ་པཱ་ཏནྟི བྷི་ཀྑཱུ་ཧི ཨ་ནཱ་མ་སི་ཏ་བྦ་གྒཾ པི་ཎྜ་པཱ་ཏཾ. སཱ་མ་ཎེ་ར་བྷཱ་ག་ས་མ་ཀོཏི སཱ་མ་ཎེ་རེ་ཧི ལ་དྡྷེ་ན བྷཱ་གེ་ན ས་མཾ པ་ཝ་ཏྟོ. ཨ་སྶཱཏི པ་ཎྜུ་པ་ལཱ་ས་སྶ. སཱ་མ་ཎེ་ར་སྶ ས་བྦཾ པ་ཊི་ཛ་གྒ་ན་ཀ་མྨཾ ཀཱ་ཏུཾ ཝ་ཊྚ་ཏི ཝི་ཡ, ཨ་སྶ ཀཱ་ཏུཾ ཝ་ཊྚ་ཏཱི་ཏི ཡོ་ཛ་ནཱ.