༥༥. ཨ་ནུ་པ་ཛ྄ཛྷཱ་ཡ་ཀཱ་དི་ཝ་ཏྠུ་ཀ་ཐཱ

༡༡༧. ཏེ་ན ཁོ པ་ན ས་མ་ཡེ་ནཱཏི ཨེ་ཏྠ ཏ་ས་དྡ་སྶ ཨ་ནི་ཡ་མ་ནི་དྡེ་ས་བྷཱ་ཝཾ ད་སྶེ་ནྟོ ཨཱ་ཧ ‘‘ཡེ་ན ས་མ་ཡེ་ནཱ’’ཏི. སི་ཀྑཱ་པ་དཾ ཨ་པ་ཉྙ་ཏྟཾ ཧོ་ཏཱིཏི ‘‘ན བྷི་ཀྑ་ཝེ ཨ་ནུ་པ་ཛ྄ཛྷཱ་ཡ་ཀོ ཨུ་པ་ས་མྤཱ་དེ་ཏ་བྦོ’’ཏི སི་ཀྑཱ་པ་དཾ ཨ་པ་ཉྙ་ཏྟཾ ཧོ་ཏི. ‘‘ཨུ་པ་ཛ྄ཛྷཱ་ཡ་ཝི་ར་ཧི་ཏ’’ནྟི ཨི་མི་ནཱ ཨ་ནུ་པ་ཛ྄ཛྷཱ་ཡ་ཀནྟི ཨེ་ཏྠ ཨ་ཀཱ་ར་སྶ ཝི་ར་ཧ་ཏྠཾ ད་སྶེ་ཏི. ཨུ་པ་ཛ྄ཛྷཱ་ཡ་ཝི་ར་ཧི་ཏཾ ཨུ་པ་ས་མྤ་དཱ་པེ་ཀྑ་ནྟི ས་མྦ་ནྡྷོ. ‘‘ཨེ་ཝ’’ནྟི་ཨཱ་དི་ནཱ དོ་སཾ ད་སྶེ་ཏི. ཨུ་པ་ཛ྄ཛྷཾ ཨ་གཱ་ཧཱ་པེ་ཏྭཱཏི ‘‘ཨུ་པ་ཛ྄ཛྷཱ་ཡོ མེ བྷ་ནྟེ ཧོ་ཧཱི’’ཏི (མ་ཧཱ་ཝ. ༦༥; མ་ཧཱ་ཝ. ཨ་ཊྛ. ༦༤) ཨུ་པ་ཛ྄ཛྷཾ ཨ་གཱ་ཧཱ་པེ་ཏྭཱ. ཨུ་པ་ས་མྤཱ་དེ་ནྟ་སྶ ཀཱ་ར་ཀ་ས་ངྒྷ་སྶཱ་ཏི ཡོ་ཛ་ནཱ. ཀ་མྨཾ པ་ནཱཏི ཨུ་པ་ས་མྤ་ད་ཀ་མྨཾ པ་ན. ‘‘ཨེ་སེ་ཝ ན་ཡོ’’ཏི ཨི་མི་ནཱ ཨུ་པ་ས་མྤཱ་དེ་ནྟ་སྶ ཨཱ་པ་ཏྟི, ཀ་མྨཾ པ་ན ན ཀུ་པྤ་ཏཱི་ཏི ཝ་ཙ་ནཾ ཨ་ཏི་དི་ས་ཏི.