༥༤. ཨུ་བྷ་ཏོ་བྱ་ཉྫ་ན་ཀ་ཝ་ཏྠུ་ཀ་ཐཱ

༡༡༦. ཨུ་བྷ་ཏོ་བྱ་ཉྫ་ན་ཀོཏི ཨེ་ཏྠ བཱ་ཧི་ར་ཏྠ་ས་མཱ་སཾ ད་སྶེ་ནྟོ ཨཱ་ཧ ‘‘ཨི་ཏྠི་ནི་མི་ཏྟུ་པྤཱ་ད་ན་ཀ་མྨ་ཏོ ཙཱ’’ཏི་ཨཱ་དི. ཏ་ཏྠ ‘‘ཨི་ཏྠི…པེ… ཀ་མྨ་ཏོ ཙཱ’’ཏི ཨི་མི་ནཱ ཨུ་བྷ་ཡ་ས་རཱུ་པཾ ད་སྶེ་ཏི. ཨུ་བྷ་ཏོ ཀ་མྨ་ཏོ པ་ཝ་ཏྟ་ནྟི པཱ་ཋ་སེ་སོ ཡོ་ཛེ་ཏ་བྦོ. བྱ་ཉྫ་ནནྟི ནི་མི་ཏྟཾ. ཨ་སྶཱཏི ཛ་ན་སྶ. ཀ་རོ་ཏི་པི ཀཱ་རེ་ཏི་པཱིཏི ཨེ་ཏྠ ཀ་ར་དྷཱ་ཏུ་ཡཱ སུ་དྡྷ་ཀ་མྨ་ཀཱ་རི་ཏ་ཀ་མྨཱ་ནི ད་སྶེ་ནྟོ ཨཱ་ཧ ‘‘པུ་རི་ས་ནི་མི་ཏྟེ་ནཱ’’ཏི་ཨཱ་དི. ཏ་ཏྠ ‘‘ཝཱི་ཏི་ཀྐ་མ’’ནྟི ཨི་མི་ནཱ སུ་དྡྷ་ཀ་མྨཾ ད་སྶེ་ཏི, ‘‘པ་ར’’ནྟི ཨི་མི་ནཱ ཀཱ་རི་ཏ་ཀ་མྨཾ ད་སྶེ་ཏི. ས་མཱ་ད་པེ་ཏྭཱཏི ཨུ་ཡྻོ་ཛེ་ཏྭཱ. ཏ་སྶ དུ་ཝི་དྷ་བྷཱ་ཝཾ ད་སྶེ་ནྟོ ཨཱ་ཧ ‘‘དུ་ཝི་དྷོ’’ཏི་ཨཱ་དི. ཏ་ཏྠ ཨི་ཏྠི་བྷཱ་ཝེ་ན ལ་ཀྑི་ཏོ ཨུ་བྷ་ཏོ་བྱ་ཉྫ་ན་ཀོ ཨི་ཏྠི་ཨུ་བྷ་ཏོ་བྱ་ཉྫ་ན་ཀོ. ཨེ་ས ན་ཡོ ཨི་ཏ་ར་ཏྠཱ་པི.

ཏ་ཏྠཱཏི དུ་ཝི་དྷེ་སུ ཨུ་བྷ་ཏོ་བྱ་ཉྫ་ན་ཀེ་སུ. ཨི་ཏྠི་ནི་མི་ཏྟནྟི ཨི་ཏྠི་ཡཱ ཨ་ངྒ་ཛཱ་ཏཾ. ཨེ་སེ་ཝ ན་ཡོ ‘‘པུ་རི་ས་ནི་མི་ཏྟ’’ནྟི ཨེ་ཏྠཱ་པི. པཱ་ཀ་ཊཾ པ་ཊི་ཙྪ་ནྣནྟི ས་བྷཱ་ཝ་ཏོ པཱ་ཀ་ཊཾ པ་ཊི་ཙྪ་ནྣཾ. པུ་ན པ་ཊི་ཙྪ་ནྣཾ པཱ་ཀ་ཊནྟི རཱ་ག་ཝ་སེ་ན པ་ཊི་ཙྪ་ནྣཾ པཱ་ཀ་ཊཾ. པ་རཾ ག་ཎྷཱ་པེ་ཏཱིཏི པ་ར་མེ་ཝ ག་ཎྷཱ་པེ་ཏཱི་ཏི ཨ་ཏྠོ. ཨི་དནྟི ཀཱ་ར་ཎཾ. ཨེ་ཏེ་སནྟི དྭི་ནྣཾ ཨུ་བྷ་ཏོ་བྱ་ཉྫ་ན་ཀཱ་ནཾ. ཀུ་རུ་ནྡི་ཡཾ པ་ན ཝུ་ཏྟཾ, ཀིཾ ཝུ་ཏྟ་ནྟི ཡོ་ཛ་ནཱ. ཏ་ཏྠཱཏི ཨུ་བྷ་ཏོ་བྱ་ཉྫ་ན་ཀེ. ཝི་ཙཱ་ར་ཎ་ཀྐ་མོཏི ཝཱི་མཾ་ས་ནཱ་ནུ་ཀྐ་མོ. ‘‘ཏ་ཏྠ ཝི་ཙཱ་ར་ཀྐ་མོ’’ཏི་པི པཱ་ཋོ. ཝི་ཙཱ་ར་ཎ་ཀྐ་མོ དྷ་མྨ་ས་ངྒ་ཧ་ཊྛ་ཀ་ཐཱ་ཡ ཝེ་དི་ཏ་བྦོ, ཨི་དྷ པ་ན ཀིཾ ཝེ་དི་ཏ་བྦ་ནྟི ཨཱ་ཧ ‘‘ཨི་ད་མི་དྷ ཝེ་དི་ཏ་བྦ’’ནྟི. ཏ་ཏྠ ཨི་དནྟི ན་པ་བྦ་ཛྫཱུ་པ་ས་མྤ་ད་ཀཱ་ར་ཎཾ. ཨི་དྷཱཏི ཨི་མི་སྶཾ ཝི་ན་ཡ་ཊྛ་ཀ་ཐཱ་ཡཾ.